SURO-SURO 11 - 인기 성경 구절

공유

Sangga nosirata i'a ante i Saulus, nikenina i'a mpaka ri ngata Antiokhia. Pade ri setu sampae kasaena ira nasiromu mpasanggani-nggani ante topomparasaya pade nompatuduki tau dea. Ri ngata Antiokhia etumo topomparasaya i Pue Yesus pamula-mulana niuli tau to Karistee.

Sangga narata i Barnabas ri setu pade nikitana iwenu Alatala nombawai rasi ka ira etu, nadamba mpu'u rarana. Jadi niulina ka ira, “Komi kana maroo mantuki i Pue Yesus ante mpu'u-mpu'u rara!” Barnabas e'i, i'a samba'a tau to nabelo rarana, pade to naponu ante Nosa Nagasa nu Alatala, pade i'a samba'a tau mpu'u-mpu'u nomparasaya i Pue Yesus. Etu sampe nadea tau ri Antiokhia nomparasaya i Pue Yesus.

Sampesuwu-sampesuwuku, nanotomo Alatala nombawai Nosa Nagasana ka ira tau da'a to Yahudi nasimbayu ewa niwaina ka kita tempo kita nomparasaya i Pue Yesus Kristus. Sabana etu da'a namala aku mombatondo patuju nu Alatala!” Tempo ira to nasiromu ri setu nangepe tesa i Petrus, mana ira nebali. Ira aga nosanggani-nggani nantoiya Alatala. Niuli ira, “Ane iwetu, tau-tau da'a to Yahudi wo'u nipaloga Alatala majea nggari silaka-silaka ira pade mantarima katuwua mabelo sampe ri kasae-saena!”