2 KORINTUS 4 - 인기 성경 구절

공유

Jadi kami da'a nompekiri kasusa bo kapari to namala nikita ri dunia e'i, tapi kami nompekiri kabelona to da'apa namala nikita to nipakasadia ka kami. Sabana to namala nikita ri dunia e'i aga sampalai, tapi kabelona to da'apa namala nikita etu maroo sampe ri kasae-saena.

Jadi etu sampe kami da'a naopu rara. Naupa koro kami mantambai eona mantambai malente, rara nta'i kami mantambai eona mantambai maroso. Kasusa to nanga'a to nirasai kami sampalai kana manggeni kami mantarima rasi bo belo sampe ri kasae-saena to neliu nggabete nggari kasusa etu.

Kami bate-batena nitiku ntau ri umba-umba tapi kami da'a nidagi. Kami naoso naingu tapi kami da'a naopu rara. Kami bate-batena nipandasa ntau tapi kami da'a sanggani nipalasi Alatala. Kami naoso niboba sampe nadungga tapi kami da'a namate.

Tapi kuasa bo kagaya etu niboli Alatala riara koro kami manusia biasa to nasimbayu ewa kura tana. Ante iwetu nanotomo kuasa to neliu-liuna etu nggari ja'i Alatala da'a nggari ja'i kami mboto.

Magau nu Seta to nombabagiu manusia ri dunia e'i nompakaburo pekiri tau-tau da'a nomparasaya ala ira ne'e manggita reme nu Kareba Belo. Kareba Belo etu nompakanoto kuasa bo kagaya nu Kristus to nasimbayu ntoto ante Alatala.

Tempo Alatala nompajadi langi bo dunia I'a nanguli, “Nggari karumauna kana meumba reme.” Pade I'a wo'u nompakareme rara nta'ita ala pekirita majadi manoto. Ante iwetu kita mamala mangginjani kuasa bo kagaya nu Alatala to natikita ri lenje Kristus.