2 KORINTUS 12 - 인기 성경 구절

공유

Tapi nangulimo i Pue ka aku, “Naganamo ane naria towe beloku ri ja'imu, sabana neliu ngganoto kuasaku riara nggatuwumu ane komi nalente.” Jadi etu sampe aku kana mombatoiya kalenteku etu, ala Kristus bate-batena manggalendu aku ante kuasana.

Jadi aku kana madamba-damba riara kalenteku. Pade aku wo'u madamba-damba ane aku rauli sinja'i, rapakasusa, rapandasa, bo mpu'u-mpu'u rapakaja'a sabana nomparasaya Kristus. Sabana tempo aku nalente iwetu, aku naroso ante kuasa Kristus.

Kakonona ane aku madota mombatoiya koroku, aku da'a noinggu nadoyo-doyo sabana tesa to kuuli etu kana makono. Tapi aku da'a madota mombatoiya katuwuku mboto ala ne'e sampe maria tau mompekiri aku meliupa nggari to nakonona. Ne'e-ne'e pompekiri ira meliu nggari pokaingguku to nikita ira riara nggatuwuku pade tesa to niepe ira nggari ja'iku. Jadi aku niwai Alatala ka sangele to nompandasa aku nasimbayu ewa karui to nantosu koroku ala aku ne'e majadi masombo nggari panggita-panggita to nikitaku. Etumo sangele suro nggari ja'i Magau nu Seta to nompandasa aku ala aku ne'e majadi masombo.