2 KORINTUS 1 - 인기 성경 구절

공유

Kana ratoiyata Alatala, Uma nu Pueta Yesus Kristus. I'a Umata to naasi matana manggita kita bo I'amo Alatala to nompakaroso rarata riara mpengele-ngele. I'a nompakaroso rara kami riara mpengele-ngele kasusa bo kapari, ala ante karoso rara to nitarima kami nggari ja'ina kami wo'u mamala mompakaroso rara tau-tau ntanina to nombarasai kasusa bo kapari.

Sabana nasimbayu ewa kami mpu'u-mpu'u nombarasai kasusa bo kapari ewa to nirasai Kristus, iwetu wo'u rara kami mpu'u-mpu'u nipakaroso Kristus.

Nirasai kami ewa kami nisuku mamate. Tapi etu najadi ala kami ne'e manjarumaka karoso kami mboto tapi manjarumaka Alatala to nakuasa mompakatuwu bali tau namate.

Alatala mbotomo to mompakaroso kita pura-pura, nabeloka kami nabeloka komi wo'u, sabana kita mosaongu rara ante Kristus. Alatalamo to nompelisi kita majadi bagiana pade niwaina ka kita Nosana to Nagasa ewa tandaina kita bagiana. Nosana to Nagasa etu najadi panjokota to nompakanoto nuapa to nijanjina ka todeana natantumo kana ratarimata.

Ane kami mombarasai kasusa bo kapari, etu majadi ala kami mamala mompakaroso rara komi, pade ala komi mamala rapakasalama. Ane rara kami rapakaroso riara kasusa bo kapari, etu majadi ala komi wo'u mamala rapakaroso rara sampe komi maroo manta'amaka kasusa bo kapari nasimbayu ewa kami.