Gálatas 4 - 인기 성경 구절

공유

Ja̧danö, Dios i̧tji̧mu kwö̧jaduwobetjö̧, Diosma iteda Itji̧ O̧'wo̧ Luwo̧nö, do̧'wo̧ luwo̧nö ö̧jo jö̧ba̧lö weinobe. Jo̧ba Dios Itji̧ O̧'wo̧ Luwo̧ma, do̧'wo̧ luwo̧nö ja̧nö Chabe'dowe jwöobe Dabe'do Diosnö. Jo̧kwajabetjö̧, babema tjömöayedöböködöja chömöledö, Dios i̧tji̧mubedöja. Ja̧danö, Dios i̧tji̧muköbaduwobetjö̧, okobe jwiinö iteda i̧tji̧munö iyakwa̧ma, ökwödöbi kwemaduwakwedöja chömöledö.

Jo̧kwaijayonö, Dios badedö ujunina möle badekwachenama, Diosma iteda Itji̧nö weinobe. Jo̧bama jojosuju jitji̧ baibanö ichinobe, ja̧danö jo̧babi Moisés iwȩyudinadanö ja̧o jö̧a̧linobe. Jejenö ichinobe, ökwödö Moisés iwȩyudinadanö ja̧do jö̧ba̧ladönö dö̧jibinö pjaato jö̧ba̧lö, ökwödöma Dios i̧tji̧mu badibakobetjö̧.

Jo̧kwaijayonö babema ida̧ökö Diosnö kwöwaisaduwobe, Aaa, baikwö yötawa, Diosma ida̧ökö ökwödönö waiso̧ chömöledö, jo̧kwajabetjö̧ ¿tajawedö yemidanö suli̧ jawa, julu jwii̧ böjȩ weawa jawakwö tjekachajaduwobö kwösödaduwobeda chömöledö? ¿Tajawedö yemidanö ja̧ jawa ömöayedödanö bakibaduwobö kwösödaduwobeda?