1 Tesalonicenses 4 - 인기 성경 구절

공유

Jemi ikenama ökwödö ina 'yaba̧ladöbi kadekwajachakobe, ja̧danö ja'ö ojwiyo'woelö jobadökwöbi, Duluwo̧kwöbi bakobe dediakwawakobe, ja̧danö jemi tupakwö ba̧kwȩlö̧jatebö Duluwo̧kwö dö̧jakwedösa.

Baikwö baledakwa̧ yötawa: Duluwo̧ma mölejȩbetjö jwiachakobe, ja̧danö labinö webö jwöakobe, ja̧danö ángelesdötjö la'aka ángelma yöa̧lakobe, ja̧danö Dios asabi̧ jawa trompeta ökwöakobe. Jejenö baledenama, Jesúsnö ösödadötjö wobinadöma dabönö 'yabibajö katjekwajachakobe.

Dios ösödi̧ma baikwö yötawaduwakwö chömöledö: Bakweminö Dios ösödi̧danö ja̧bö kwö̧jaduwo, kwi̧lȩkwa̧muböködökwö ja̧bökönö. Ja̧danö, ökwödö ömadöma bakwo̧nökwena kwöwaisaduwobö jo̧be, kwi̧lȩkwa̧muduwikwö otiwanö ja̧kwawama, Diosbi jojodöbi kwö̧jaduwi̧ edö otiwa jö̧ba̧lö tjomukwatakobetjö̧.

Chömöledö, wajwiköbaduwapji jö̧ba̧lö, Jesúsnö ösödö wobinadönö yötawa. Jobadönö yötawa chömöledö, kwo̧'wo̧ tjo̧achaduwapji jö̧ba̧lö, Jesúsnö ösödöködö tjo̧'wo̧ tjo̧achi̧danö. Jobadö Jesúsnö ösödöködöma, Aaa, yemidanö dömöledönö dedakwedösa, jö̧ba̧lö Diosnö tjo̧'wo̧ tjöwana̧loböma jwibadö chömöledö, jo̧kwaijayonö ökwödö Jesúsnö ösödadöma jejenö do̧'wo̧ döwana̧lobö jo̧be. Jau chömöledö, Jesús wobajo̧, yemidanö woawatjö tjeachajina wene dösödobe, ¿jö̧tö? Ja̧danö, biya̧ wenebi dösödobe chömöledö, Jesúsnö ösödö wobinadönöbi tjetjachajinö ja̧akwo̧ Diosma Jesúskwö batjibanö, jö̧ba̧lö.

Ja̧danö, wene jwiinö kwö̧jaduwobö kwisakwaduwo chömöledö, ja̧danö kwomukwataduwo jö̧ka̧laduwi̧da omukwatö kwö̧jaduwo, ja̧danö kwakwawa jawa kwo̧'wo̧li̧ jawa otidö kwö̧jaduwo, belö ökwödönö wedinadanö.

Diosma ökwödönö jwöinokobe kwi̧lȩkwa̧muböködökwö ja̧köbaduwoböma chömöledö, sulabe jwiinö kwö̧jaduwo jö̧ba̧lö jwöinobe.