EBIKOLWA 4 - 인기 성경 구절

공유

Ye yekka ye ayinza okulokola abantu, kubanga mu nsi yonna tewali mulala Katonda gwe yawa linnya liyinza kutulokola.”

Bwe baamala okwegayirira Katonda, ekifo kyonna mwe baali bakuŋŋaanidde, ne kikankana. Bonna ne bajjuzibwa Mwoyo Mutuukirivu, era ne batandika okwogera ekigambo kya Katonda n'obuvumu.

“Kale kaakano Mukama, laba okutiisatiisa kwabwe. Wa abaweereza bo, boogere ekigambo kyo n'obuvumu.

Yesu ye oyo ebyawandiikibwa gwe byogerako nti: ‘Ejjinja mmwe abazimbi lye mwagaana, lye lyafuuka ekkulu ery'entabiro.’

Bwe baalaba obuvumu bwa Peetero ne Yowanne, era bwe baategeera nti be bantu abaabulijjo era abatali bayigirize, ne beewuunya. Era ne bakizuula nga baali wamu ne Yesu.

Ekibiina kyonna eky'abakkiriza Kristo, kyalina omutima gumu n'emmeeme emu. Tewaali n'omu yagambanga nti ekintu ky'alina kikye yekka, wabula byonna bye baalina byabanga byabwe wamu.