JUELE 2 - 인기 성경 구절

공유

Muṋe washu u ri, “Tshifhinga ndi tshone, vhuelelani ha Nṋe nga mbilu yaṋu yoṱhe, ni ḓidzime zwiḽiwa, ni tsengise miṱodzi, ni lile.

“Ngavhuya ndi ḓo shululela Muya wanga kha vhathu vhoṱhe. Vhana vhaṋu vha vhatuka na vha vhasidzana vha ḓo porofita, vhakalaha vhaṋu vha ḓo lora miloro, vhaṱhannga vhaṋu vha ḓo vhona mabono.

Kherulani mbilu dzaṋu, zwi si zwiambaro fhedzi!” Humelani ha Muṋe washu Mudzimu waṋu, Ene u na tshilidzi na khathutshelo, ha ṱavhanyi u sinyuwa, lufuno lwawe ndi luhulu, u a hangwela a si tsha lifhedza.

Vhoṱhe vhane vha vhidzelela dzina ḽa Yahavee vha ḓo tshidzwa.” Muṋe washu o ri, “Thavhani ya Tsioni na Jerusalema, tsalela dzine dza vhidzwa nga Yahavee dzi ḓo lamulelwa.”

Ḓuvha ḽi ḓo swifhala, ṅwedzi wa shanduka wa nga malofha, ha konou swika ḓuvha iḽo ḽihulu ḽi ofhisaho ḽa Yahavee.