Қорынттықт. 1-хат 13 - 인기 성경 구절

공유

Сүйіспеншілік шыдамды да қайырымды, Еш қызғанбайды, мақтанбайды, паңданбайды, Әдепсіз, өзімшіл, ашушаң да болмайды, Ол көрген жәбірін есінде сақтамайды

Дәйім қорған болып, ұдайы сенеді, Үмітін еш үзбей, бәріне шыдайды.

Әділетсіздікті еш құптамайды, Қайта, ол ақиқатқа сүйсінеді

Сонымен сенім, үміт, сүйіспеншілік: Осы үшеуі әрқашан да қалады. Ал солардың ішінде сүйіспеншілік Мәңгі бақи ең бастысы болады.

Сүйіспеншілік ешқашан сарқылмайды. Құдайдың хабарын жеткізу тоқталар, Бөтен тілдерде сөйлеу де сарқылар, Білім дарыны да кейін доғарылар.

Мен адамдардың түрлі тілдерінде Және періштелердің тілдерінде Жатық та мүдірмей сөйлей білсем де, Бірақ егер сүйіспеншілігім болмаса, Сөздерім сыңғырлаған қоңырауға Әрі шылдырлаған асатаяққа Ұқсап мәнсіз боп қалады сонда.

Мен Құдайдың хабарларын жеткізсем, Күллі құпия-сырларды да білсем, Әр түрлі білімді иемденсем, Тау қозғайтындай сенімге кенелсем, Бірақ егер сүйіспеншілігім болмаса, Түкке де тұрмаймын мен онда.

Егер үлестірсем бар байлығымды Бейшара жарлы-жақыбайларға, Тіпті құрбан қылсам да жанымды, Тәнімді қисам отқа жағуға, Бірақ егер сүйіспеншілігім болмаса, Маған келер пайда жоқ бұдан да.

Бала кезімде балаша сөйлейтінмін, Балаша ойлап, балаша пайымдадым. Бірақ та ержеткеннен кейін мен Қол үздім балалық қасиеттерден.