Senesi 46 - 인기 성경 구절

공유

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Ko au totonu, e kau ifo loa mo koe ki Esipito, ti ko au totonu, e kau toe aumai ia loa a koe ki leinei. I lou mate ko Sosefo leia e tapono ia loa ou mata.

Na teuteui loa e Sosefo lana saliote, ti na eke loa a ia ki ai, ti na ano loa a ia ki Koseni, o fakafelavei ki lona tamana ko Iselaele. I lana tio ki lona tamana, na makape loa a ia o kalu ki lona ua, o sogi kiate ia, ti na tagi loa a ia o fualoa i lona ua.

Na pati loa Sakopo kiate ia : Ke kau mate i le temi nei, talie kua kau tio ki ou mata, ti koi ke mauli !