Senesi 26 - 인기 성경 구절

공유

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ; talie na fakalogo Apalaamo ki loku leo, ti na tausi e ia aku fakatotonu, mo aku fakatuutuu, mo aku lagiaki, mo aku lao.

Na siki loa a ia i le ganea lena o kenu se tasi ake sosoni ; ti na leaise lotou toe fakavisi loa kiate ia : Ti na soli loa e ia le igoa ko Leopoti ki le sosoni lena, talie na pati a ia : Kua tuku matou e le Eteleno i le aso nei ki le lau lasi, ke motou mou koloa i le fenua nei.

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Na fakatuu loa e ia i le ganea lena se aletale, ti na faikole loa a ia i le suafa o le Eteleno, ti na fakatuu loa e ia i le ganea lena lona falela. Na kenu loa e tagata fakasausau a Isaake i ai se sosoni.