Ekesote 6 - 인기 성경 구절

공유

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

E kau fakaulu loa koutou ki le fenua leia na kau fakapapau ke soli kia Apalaamo, mo Isaake, mo Sakopo ; ti e kau soli loa a ia kia koutou, ko lokoutou fenua, ko au ko le Eteleno. Ti na masau fenaaki loa Moisese ki fanau a Iselaele. Kae o tupu ko le mamae mo le mamafa o le popula, na leaise mafai loa ke lotou fakalogo kia Moisese.

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.