Juan 2 - 인기 성경 구절

공유

Tsaynömi Galileachö kaykaq Caná markachö punta kaq milagruta Jesús rurarqan. Poderösu kanqanta rikarmi discïpulunkuna payman creyikuyarqan.

Tsaynam Jesús nirqan: <<Mamay, ¿imanirtan tsaynö nimanki? Manaraqmi hörä chämunraqtsu>>.

Servikuqkunatam Jesús nirqan: <<Tsay urpukunaman juntat yakuta wiñäyay>>. Tsaymi juntanqanyaq yakuta wiñäyarqan. Juntaskatsiyaptinnam Jesús nirqan: <<Ichikllata chaqarkur mayor servikuq yawananpaq apayay>>. Tsaynö niptinnam Jesús ninqannölla chaqarkur apayarqan.

Jesúsnam nirqan: <<Kay templuta juchuskatsiyay. Juchuskatsiyaptiki kimsa junaqllatam sharkatsimushaq>>.

Tsaynö tariskirmi chicötita ruraskir üshakunata y törukunata templupa patiunpita Jesús qarqurqan. Qellay trukatsiqkunapa mësankunatapis tikraskirmi qellayninkunatapis witsiskirqan. Paluma rantikuqkunatanam nirqan: <<¡Kaykunata jipiyay! ¡Imanirtan taytäpa wajinta mercäduman tikratsiyashkanki!>>