ABAROMA 12 - 인기 성경 구절

공유

Ne mulalonda ebiima biabandu beshialo tawe, habula muleshe Nyasaye amukalukhasie mumioyo khulwa okhukalukhasilia elala obuyililisi bwenywe mana mulamanya akokhwenya khwa Nyasaye, nende okhumanyilisia amalayi khandi akokhuchamisia khandi amalamba.

Khulweshio, baana befwe, khulwa tsimbabasi tsikhongo tsia Nyasaye emusaaya mbu, mwihaane abeene khu Nyasaye shinga omusango omutakatifu, omulamu khandi kwokhuchamisia. Khuno nikhwo okhwinamila Nyasaye khwatoto okhwa mukhoyile okhukhola.

Obunaayi bwenywe butsiililile okhumusangasia, mwisimilisie mumanyakhano kenywe, ne musaaye buli eshise.

Shiolafuchililwa okhuhulwa nobubi tawe, nebutswa ohule obubi khulwa okhukhola amalayi.

Muheelanenje abeene khubeene nobusangafu shinga abakristo; mana mube nobuha okhuhelesaninjia oluyali abeene khubene.

Obuheeli bube obwatieli. Musile amabi; ne muhande khumalayi.

Khole akamunyala okhumenya nomulembe nabandu boosi.

Abaheelwa banje, mulemalilanga abeene eshikwoli ta, nebutswa muleshe liruma lia Nyasaye limale eshikwoli. Okhuba OMWAMI Nyasaye aboola mumahandiko ari, “Ndalamala eshikwoli khandi omwene ndalarunga.”

Mukhalabane emilimo neitswoni ne mulaba abatofu tawe. Khalabanile Omwami nomwoyo kwosi.

Ne khulwa obukoosia bwa Nyasaye obwa ndahebwa emboolela buli mulala khwinywe mbu, olepaarakhwo mbu oli oweikulu okhushila owashio tawe. Habula obe omurecherefu mumapaaroko okhulondana nende eshichelo shiobusuubili eshia Nyasaye yakhuhelesia.

Mularunga omundu yesi obubi khu obubi tawe. Teeme okhukhola akachamisia buli mundu.

Mube nobuheeli obuhelana khubuli mundu. Mulechinjimisia ta, nebutswa mwitutuyie. Mulepaarakhwo okhuba abachesi abeene ta.

Nebutswa mukhole shinga olwa Amahandiko kaboola mbu, “Omusukuwo naba nali inzala, omuhelesie eshiokhulia, naba nali nobuloho, omuhelesie amaatsi, okhuba khulwa okhukhola orio, olamufwimbia omurwe.”

Musabile abo abamusandia ikhabi, toto musabe Nyasaye okhubahelesia ikhabi, ne mulabarakhwo eshilaamo shiobubi tawe. Mwikhoye halala nende abo abekhoya, mwikhuule halala nende abo abekhuula.

Mukabanenje emiandu chienywe nende abasuubili bashienywe abatakha, nimwinjisia abacheni mutsingo tsienywe.

Omubili kuli nebiungo ebinji, nebutswa buli shilala shili nomulimo kwashio okwahukhaane. Munjila ndala eyo, kata olwa khuli abanji, khuli omubili mulala halala nende Kristo, ne fwesi khwalimasibwa halala shinga ebiungo ebiaukhaane ebiomubili mulala.