1
Mataio 5:15-16
Iaai Bible 1901 (New Caledonia)
IAAI
Ke adre me ca vâc lamepa he ka ip hmelen kumete, ke so bi ethö hon taben; me ame omelamâ tavat hia eiö hnyin uma. Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.
2
Mataio 5:14
Öbun e melaminy hmeledrany. E ca khana he ka iyong taun adre ip hon bucen.
3
Mataio 5:8
Hnahic hnen tavat ae kalaöt hnyekudra, anyin adre me he ka wâ Khong.
4
Mataio 5:6
Hnahic hnen tavat adre me bean ke beijem hwakecin ae wisa; anyin adre me he ka osekuni ödra.
5
Mataio 5:44
ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun
6
Mataio 5:3
Hnahic hnen tavat ae theduoc hanudrin, anyin a hobi kodra dökhu dokhon drany.
7
Mataio 5:9
Hnahic hnen tavat adre me öûsoköuâ: anyin adre me he ka hai ödra me lakon Khong.
8
Mataio 5:4
Hnahic hnen tavat adre me tenge, anyin a adre me he ka otubweli ödra.
9
Mataio 5:10
Hnahic hnen tavat adre hia but oveci ödra can hwakecin ae wisa: anyin a hobi kodra dökhu dokhon drany.
10
Mataio 5:7
Hnahic hnen tavat adre me betenge: anyin adre me he bi ka betenge kodra.
11
Mataio 5:11-12
Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya. Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.
12
Mataio 5:5
Hnahic hnen tavat ae ilemuk: anyin adre me he ka hu hnyei.
13
Mataio 5:13
Öbun ang sâltiny hmeledrany, ke a ne ba but hinyin sâlt, me adre ma kâmâu he ka öhinyâ hmetu e? e ca so hmetu bi, ke so bi he ka degec me uto ju ge at.
14
Mataio 5:48
Anyin a wale hamöbun he ka wisa helâ me iwisainy Kamöbun ethö hnyi drany.
15
Mataio 5:37
Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.
16
Mataio 5:38-39
Öbun e hia but long hnödra hna ha, ka habe, Ecmak hwaban ecmak, ke nyu hwaban nyu: ke inya oge me ha köbun, ka habe, Ca hagutâ at ae kong; ke haba at ame khaû wahicâm a metâm, mē wia minya thö ke keihen kâu.
17
Mataio 5:29-30
Ke a ne bi jönâm emâkâm a metâm, ûâ degecâ thö e: anyin ae so köu he ka hia ke outh unyâm, ke kong bi he ka khûâ hia unyâm hnyi gena. Ke a ne bi jönâm hnyamâm a metâm, subâ degecâ but e: anyin ae so köu he ka hia ke ong outh unyâm, ke kong bi he ka khûâ hia unyâm hnyi gena.