Romu 4 - 인기 성경 구절

Tamụnọ ḅụ ọ̀ nyana minini mẹ ọ̀ ḅụụ so-a, ọ̀ pịkị Tamụnọ minini ye mẹ ḅụ ḅio-maaịn-tọn-a; ọ̀ nyana minini mẹ nwẹnị kụrọ kẹ ọ̀ ḅụụ ḅio suu, tẹ ọ̀ nwẹnị Tamụnọ tokini. Ò nimi lamam mịnẹ Tamụnọ inetẹ ò minini tẹ ye mẹ mịẹ ḅa.

Anie Fịafịa Ḍiri mẹ ḅẹẹ ḅara, “Arị ị́ kẹ ḍa sọma tọnwa asịẹ pịrị tẹ.” Mie ḅụ, minini ye mẹ bebe ye sọ tẹ mẹ Tamụnọ ḅarana anị minini tẹ, anie Ebira-amụ ḅụụ ḅụ minini nyana Tamụnọ ḅẹ, fịtẹ-apụ saakịmarị Tamụnọ ḅe, tẹ tọn tẹ tarị tarị ḅụ ofori aị pakama-ḅo ḅọ ḅee.

Kẹ gotẹ ọkọ ḍukoarị ye anie, wamịna asi ma mie in gotẹ ọ̀ ḅaa ye, tẹ Tamụnọ fịị ḅụ ọ̀ saakịmam, ọ̀ wa kẹ Tamụnọ ḅụụ karakara ḅụ wẹrị ḅẹ ḅara.

Ebira-amụ minini nyana tẹ pịkị ḅiokpọm, ye ḅarị ḅiokpọma ḅara sime-a sakị sọ, tẹ anị ḅụ ḅọrọ tẹ “ḍaḅọ sọ tọnwa asịẹ pịrịm.” Anie Fịafịa Ḍiri mẹ paa ḅẹẹ ḅara, “Í furo-ḅẹ-apụ ma lolia sara ḅara sara ḅa.”

Mie ḅụ Tamụnọ minini ye mẹ sime Tamụnọ ḅụụ minini nyana apụ pịrịm, mịẹtẹ anị giregire ḅarị ḅara mịnẹ Tamụnọ ḍiki-ḅụụjịrị ḅụ mie anị sịrẹrẹ wararị ye ḅẹ sakị anị sime Ebira-amụ awọmẹ mamgba pịrịm, anị sime papaa Oloko koko apụ kịngẹ pịrị-a, kụma Ebira-amụ Tamụnọ ḅụ minini nyana ḅara kẹ minini nyana apụ sọ anị sime pịrịm. Anị sime-ḅara ḅụ Ebira-amụ ḅe anie wamịnị-mgba ḍaḅọ tẹmẹ anga ḅụ.

“Tamụnọ mịẹ-irima ḍiki-tọrụsin pịrị tẹ apụ ma in ḅioḅẹlẹẹ, ini ma tẹ ò si-wẹrịso pịrị tẹ apụ ma! KỊNỊNYANAḄỌ ḅe si kịẹn pịrị-a ḅọ mẹ mḅọ ḅioḅẹlẹẹ!”

Fịafịa Ḍiri mẹ ḅẹẹm, “Ebira-amụ Tamụnọ ḅụ nyana minini gotẹ Tamụnọ ọ̀ kẹ karakara mịẹḅọ ḅara ọkịm.”