လံာ်တၢ်ဟးထီၣ်ကွံာ် 7 - 인기 성경 구절

공유

ဒီးယွၤစံးဘၣ်စီၤမိၤၡ့, “ယကဒုးကဲထီၣ်နၤလီၤဂာ်ဒ်သိး ကစၢ်ယွၤလၢအဲၤကူပတူးအစီၤပၤအဂီၢ်ဒီးနဒီပုၢ်ဝဲၢ်စီၤအၤ ဟရိၣ်ကကတိၤတၢ်ဒီးအီၤဒ်ဝံတဂၤအသိးန့ၣ်လီၤ.

ဘၣ်ဆၣ်ယကမၤကိၤထီၣ်အဲၤကူပတူးအစီၤပၤအခိၣ်ဒီးယမ့ၢ်မၤတၢ် လၢအလီၤပျံၤလီၤဖုးတဖၣ်အါထဲလဲၣ်ဒၣ်လဲာ်တမ့ၢ်အဝဲကဒိကနၣ် သုဘၣ်. တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ. အဝဲသ့ၣ်တဂၤဘၣ်တဂၤတ့ၢ်လီၤအနီၣ်ထိးဘိတဖၣ်, ဒီးအနီၣ်ထိးဘိတဖၣ်ကဲထီၣ်ဂုၢ်ခဲလၢာ်န့ၣ်လီၤ. ဘၣ်ဆၣ်ဒီးစီၤအၤဟရိၣ်အနီၣ်ထိးဘိန့ၣ်ယူၢ်လီၤကွံာ်အဝဲသ့ၣ် အနီၣ်ထိးဘိတဖၣ်လီၤ.

ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.

“အဲၤကူပတူးအစီၤပၤမ့ၢ်စံးဘၣ်သုလၢသုကဘၣ်တၢ်မၤတၢ်လီၤ လးတမံၤလၢတၢ်အုၣ်သးအဂီၢ်န့ၣ်, တဲဘၣ်စီၤအၤဟရိၣ်လၢကဟံးထီၣ်အနီၣ်ထိးဘိဒီးတ့ၢ်လီၤကွံာ် လၢစီၤပၤအမဲာ်ညါန့ၣ်တက့ၢ်. ဒီးကကဲထီၣ်လၢဂုၢ်တဘိလီၤ.” လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးမၤဝဲဒ်ယွၤမၤလိာ်ဝဲအသိးန့ၣ်လီၤ. စီၤအၤဟရိၣ်တ့ၢ်လီၤအနီၣ်ထိးဘိ လၢစီၤပၤဒီးအပဒိၣ်တဖၣ်အမဲာ်ညါ, ဒီးကဲထီၣ်ဝဲလၢဂုၢ်တဘိလီၤ.