လံာ်တၢ်ဟးထီၣ်ကွံာ် 10 - 인기 성경 구절

공유

တုၤနုၤတစုယွၤစံးဘၣ်စီၤမိၤၡ့, “လဲၤဆူစီၤပၤအအိၣ်တက့ၢ်. အဂ့ၢ်ဒ်အံၤ, ယမၤကိၤတ့ၢ်အဝဲဒီးအပဒိၣ်ပပှၢ်တဖၣ်အသးဒ်သိးယကမၤတၢ်လီၤလးတဖၣ်အံၤလၢအကျါ, ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

ဒီးယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ်ဒီးတၢ် ခံးသူကလီၤဘၣ်ကီၢ်အဲၤကူပတူး, တုၤဒၣ်လဲာ်ပှၤကကလၢာ်ဘၣ်အီၤကသ့ဝဲလီၤ.” မၤသးဒ်န့ၣ်ဒီးစီၤမိၤၡ့ယူာ်ထီၣ်အစုဆူမူခိၣ်, ဒီးတၢ်ခံးသူလီၤလၢကီၢ်အဲၤကူပတူးဒီဘ့ၣ်ညါသၢသီန့ၣ် လီၤ. ဒီးပှၤအဲၤကူပတူးဖိတဖၣ်ထံၣ်လိာ်အသးတဂၤဒီးတဂၤတသ့ဘၣ်. ဒီးအကတီၢ်ဖဲန့ၣ်ပှၤတဟးထီၣ်ဘၣ်လၢအဟံၣ်ပူၤနီတဂၤဘၣ်. မ့မ့ၢ်ပှၤအံၣ်စရ့လးဖိတဖၣ်အိၣ်ဒီးတၢ်ကပီၤလၢအအိၣ်ဝဲဆိး ဝဲအလီၢ်န့ၣ်လီၤ.

မၤသးဒ်န့ၣ်ဒီးစီၤမိၤၡ့ယူာ်ထီၣ်အနီၣ်ထိးဘိဒီးယွၤဒုးဟဲ ကလံၤလၢမုၢ်ထီၣ်လၢအအူတၢ်လၢကီၢ်န့ၣ်အဖီခိၣ်သ့တနံၤကျၢၤ ဒီးသီတနၤကျၢၤန့ၣ်လီၤ. တုၤမုၢ်ဆ့ၣ်ထီၣ်ဒီးကလံၤလၢမုၢ်ထီၣ်ဟဲစိာ်ဃုာ်ဒွဲၣ်ဧိၤသကံၤ ဧိၤန့ၣ်လီၤ. အဝဲသ့ၣ်ဟဲဝဲအါဖုအါဂီၢ်ဒီးစီၢ်လီၤလၢကီၢ်အဲၤကူပတူးဒီ ဘ့ၣ်ညါန့ၣ်လီၤ. တၢ်န့ၣ်မ့ၢ်ဒွဲၣ်ဧိၤသကံၤဧိၤအဖုအဂီၢ်အဒိၣ်ကတၢၢ်လၢတၢ်တထံၣ် ဘၣ်တ့ၢ်အီၤနီတစုမ့ၢ်ဂ့ၤ, တဘၣ်တၢ်ထံၣ်ကဒီးအီၤနီတစုလၢၤမ့ၢ်ဂ့ၤဘၣ်န့ၣ်လီၤ.