ໂຢ​ຮັນ 4 - 인기 성경 구절

공유

ທິນ-ຮູ່ງ ເຊ ສີງ ລີ່ງ. ຕສັ່ງ ທິນ-ຮູ່ງ ເຍີຍ ມ່ຽນ ອ໋ອຍ ຕສຸ ຫລົ່ງ ສີງ ລີ່ງ ເຖສົາ ຕສຽນ ເລີ໌ຍ ຕສັ່ງ.”

ວົ້ວ ນອມ ຕສຢັ້ງ ໂຫ່ ອ໋ອຍ ເຖົາ, ຕສູ໊ງ ເຖົາ ຕ້າຍ ອ໊ະ. ຕສຽນໆ ປົວະ ຕສັ່ງ ຕສັ່ງ ເຕ໋ຍ ວົ້ວ ເຕີ໋ຍ, ອ໋ອຍ ຫລົ່ງ ສີງ ລີ່ງ ຢ່າ ຫລົ່ງ ຕສຽນ ເລີ໌ຍ ຕສັ່ງ, ເຫວີ່ຍ ຕສຸ ຕສັ່ງ ເຕ໋ຍ ລໍ໌ ນ້າຍ ຫຍູ່ງ ມ່ຽນ ຕສັ່ງ ນິ່ນ.

ມປ່າ ຫາຍ ເຕົ້າ ຮົບ ເຢຍ ປຸນ ເຍີຍ ວວມ, ຈາງ ຢຽດ ລິ໌ວ ໄມ້ ໄຮ່ ອກ໊າດ. ເຢຍ ອ໋ອຍ ປຸນ ວົ້ວ ຫຍູ່ງ ວວມ ຢຽມ ນິ່ນ ເຍີຍ ໂຮຍ້ວ ຮນັ້ງ ຢຽດ ຕສີ໊ງ ວວມ ແປ໊ດ ທສວດ ຕ້າຍ ນໍ, ປຸນ ນິ່ນ ຕຸ໊ ຢຽດ ລິ໌ວ ເຍີຍ ແໝ່ງ.”

ເຢ​ຊູ ເຕົາ, “ເຊ ກ໊ອງ ເມີ່ຍ ຮິ້ວ ຕຸ໊ ທິນ-ຮູ່ງ ປຸນ ເຍີຍ ຕສີ້ງ ເຫຍີ່ຍ, ຢ່າ ຮິ້ວ ຕຸ໊ ເຖງ ເມີ່ຍ ໂທ້ ວວມ ຮົບ ເຊ ຕົ້ງ ຫາຍ ເຕົ້າ, ເມີ່ຍ ຕສ່ຽວ ໂທ້ ນິ່ນ, ນິ່ນ ຢ່າ ອ໋ອຍ ປຸນ ຢູ໌ງ ແໝ່ງ ເຍີຍ ວວມ ເມີ່ຍ ຮົບ.”

ເຢ​ຊູ ເຕົາ, “ເຢຍ ເຍີຍ ຫຍັ່ນ ຮົບ ເຊ ເຢຍ ເອີຍ ຈ໊ຽນ ພ້າຍ ເຢຍ ຕ້າຍ ວົ້ວ ເຕົ້າ ເຍີຍ ຕສະເອີ໋ຍ ໂຕສ໋ວ, ຢ່າ ໂຕສ໋ວ ຕສຢັ໋ງ ນິ່ນ ເຍີຍ ກົງ.

ວົ້ວ ເຕົ້າ ມເຊັຍ ຕອນ ກ໊ອງ, “ຕົ້ມ ກໍ໋ ອ້າ! ເມີ່ຍ ລ່ຽມ ໄມ້ ມ່າຍ ຫາຍ ຫຍູ່ງ ເທສຍ ວວມ. ວວມ-ຄວດ ຢ່າ ໂດ ເຍີຍ. ຢູ໌ງ ແໝ່ງ ເຍີຍ ວວມ ເມີ່ຍ ມີ່ງ ຫາຍ ລໍ໌ ຕ້າຍ?

ວົ້ວ ເຕົ້າ ຈັ໋ນ-ມວັ໌ງ ກ໊ອງ ບົ໋ວ ນິ່ນ, “ເຢຍ ຮິ້ວ ຕຸ໊ ເມ​ສິ​ຢາ, ຕົ້ງ ບົ໋ວ ເຫ່ວ ກີ​ຕູ່ ວົ້ວ ເຕົ້າ, ອ໋ອຍ ຕ້າຍ. ເຖົາ ຕ້າຍ ວົ້ວ ຕສັ່ນ ນິ່ນ ຕສູ໊ງ ອ໋ອຍ ບົ໋ວ ເດສ່ງ ຫຍູ່ງໆ ເຢຍ ບົວ.” ເຢ​ຊູ ກ໊ອງ, “ຕົ້ງ ອີ້ ຕສັ່ນ ເຖສົາ ເມີ່ຍ ກ໊ອງ ຈ໊ຽນ ຫວ່າ ນ້າຍ ເຕົ້າ ເຊ ຕົ້ງ ວົ້ວ ເຕົ້າ ອ໊ະ.”

“ເມີ່ຍ ບົວ ຕ້າຍ ໝັ່ງ ກ໋າ, ມ່າຍ ເຕົ້າ ມ່ຽນ ນິ່ນ ກ໊ອງ ເດສ່ງ ເຢຍ ໂຕສ໋ວ ເຈ໋ຍ ເຍີຍ ຫຍູ່ງໆ ສີ່. ນ້າຍ ເຕົ້າ ໄມ້ ເຕສີ໌ຍ ກີ​ຕູ່ ໄຟ?”