Qama'le ñe'me David enapegalo ena'uaque jogaa'me lajoĝola'ate gaa'me nalada't lo'olpi choqoñe'me Abisai, enaac:
«Qom chayovida'a ñe'me mach'e yalec, da'me jetaque jayem yalat, ¿qo'li ja lama'aja jogamaĝa c'oqo'te di'me Benjamín? ¡Auomachii'ta qom jayem yetouetapiñi, qa'a nach'eñe joñe'me Jaliaĝanec jo'ne yamaĝalegue! Uotaĝa ñe'me Jaliaĝanec yauana da'me yachoĝodec, qama'le jayem 'yetec da'me onaĝaic, qama'le ja yepaquichigui ga'me nejouenaĝanaĝac jo'ne jomachiya nayi.»