1 Samuel 15 - 인기 성경 구절

공유

Qalaĝaja Samuel 'yateguet joñe'me: «Ñe'me Jaliaĝanec yataqachiñe 'yamaqaten da'me qoyoqocha'alo gaa'me lamajoĝonaĝaco, ja en 'te p'ajaye ga'me najaqajec jo'ne qoyegoue nale. Nataq'aen da'me 'yamaqaten da'me qonaquiaĝanalo daa'me 'laqataqa, ja en 'te p'ajaye ta'le qoyanem ga'me cheta ga'me 'nanaĝate.

Ga'me nautena joñe'me Jaliaĝanec ena'am ga'me jo'ne napaĝaguena da'me pi'yoĝonaq, nataq'aen ga'me ja damichigui lauel ena'am ga'me jo'ne p'iya'alo gaa'me ch'e nequi'il. Qama'le da'me am, queda'me ja auoqo'cha joga'me am yamaĝalegue ñe'me Jaliaĝanec, joñe'me nach'e ena'am am yeguem da'me te'me am lejaliaĝane'j gaa'me Israel laje'pi.»

Ñe'me Jaliaĝanec, jo'ne nach'eñe 'lonaĝac ga'me Israel, ja doqovinaĝan nataq'aen ja nejouoĝoñe, qa'a ñe'me ja ch'e jiyaĝaua qaedi nejouoĝoñe ga'me lelnataĝac.»

«Jayem totelegue da'me jen lejaliaĝane'j gaa'me Israel laje' ñe'me Saúl, qa'a jouaĝat da'me jayem ca'ae, qama'le ja ya'uo ga'me jamaĝalegue ta'le ya'uo.» Da'me domachiya da'me dojo' ñe'me Samuel, yataqachiñe jaqachigui da'me ja matelegue, qama'le yema jo'me pi'yaq nachoĝodetapecot ñe'me Jaliaĝanec.