Da'me domachiya da'me dojo' ñe'me Saúl, da'me lañoqotaĝanaĝac ñe'me Dios yataqachiñe yemaue joñe'me, qama'le ñe'me Saúl yataqachiñe najaqachigui da'me dalemata. Qama'le yaconalo gaa'me dos uaca t'adayaqa qama'le yichaqapiyelo, qama'le yauo'oe gaa'me lamaĝa's yachi'y ga'me yichaqapiye qaedi yeda'alo ena'uaque jodi'me 'naleua gaa'me Israel laje'pi. Qama'le jogaa'me namaĝa's eetac ga'me 'laqata'j:
«Dojo' nach'e ena'am da'me qo'yetema dia'me uaca da'me qoyichaqapiyelo, ga'me jo'ne ja yotauan qama'le nec'ata ñe'me Saúl choqoñe'me Samuel, qama'le equegue.»
Qama'le joñe'me Jaliaĝanec, yataqachiñe t'adaic da'me noqolanaĝa jo'ne e'n tauelo gaa'me jiyaĝadipi, qama'le ena'uaque jogaa'me nalo'ta't da'me qoyec'atalo joñaa'me.