Juan 5 - 인기 성경 구절

공유

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Anengneng nen Jesus yan too ya akarokul diman, tan amta ton abayag lan onmay kipapasen to. Tinepet nen Jesus ed sikato, “Labay moy onabig?”

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak. Balet, ag yo labay so onsingger ed siak pian nawalaan kayoy bilay.

Inkuanen Jesus ed sikato, “Alagey ka, libit moy dokulan mo, tan manakar ka.” Inmabig a tampol imay too, nilibit toy dokulan to, insan nanakar. Agew na Panagpainawa ed saman ya agew

Kanyan imbaga nen Jesus ed sikara, “Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.