Exodo 23 - 인기 성경 구절

공유

Magsimba kamo sa akon, ang GINOO nga inyo Dios, kag ako magabendisyon sa inyo paagi sa paghatag sa inyo sang kalan-on kag tubig, kag kuhaon ko ang inyo mga balatian. Wala na sing babayi nga mahulogan ukon manginbaw-as sa inyo duta. Hatagan ko kamo sing malawig nga kabuhi.

“Magapadala ako sing anghel sa pag-una kag sa pagbantay sa inyo sa inyo dalanon, kag sa pagdala sa inyo sa lugar nga gin-aman ko.

Pero kon magpamati kamo sa iya sing maayo, kag magtuman sang tanan nga ginasiling ko, awayon ko ang inyo mga kaaway, kag sumpongon ko ang mga nagapamatok sa inyo.

Indi kamo magbuylog sa madamo sa paghimo sing malaut. Sa hukmanan indi kamo magpanaksi sa pagpatiko sang katarungan agod lamang mapahamuot ninyo ang madamo. Indi ninyo pagpaburan ang imol sa iya asunto.

“Indi kamo magsugid sang indi matuod. Indi kamo mag-apin sa tawo nga nakasala paagi sa paghatag sing binutig nga panaksi.