1 Йохан 3 - 인기 성경 구절

공유

Үрдүд мини! Үгәрн болн хоосн келәрн биш, зуг керг-үүләрн үнндән дурлхмн.

Христос мана төлә әмән өгснд бидн дуриг үзвидн. Бидн бас эврәннь ахнр-дүүнриннь төлә әмән әрвллго бәәх йоставидн.

Эцкин дурн ямр ик болдгинь сантн! Тер мадниг Эврәннь үрдүдт тоолна. Бидн үнндән Бурхна үрдүд. Орчлң Бурхиг төрүц эс меддг учрас мадниг медхш.

Эклцәс авн эрлг килнц кедг учрас килнц кедг күн эрлгәс болҗана. Эрлгин кесн йовдлмудыг эвдхәр Бурхна Көвүн орчлңд ирҗ.

Бурхнас төрсн күн килнц кедг авъяс уга. Яһад гихлә, тер Бурхна өгсн шин җирһл эдлнә. Бурхн терүнә Эцк болсн учрас тер күн цааранднь килнц кеҗ чадхш.

Кемр элвг-делвгәр бәәсн күн эврәннь ахан түрү бәәдгинь үзв чигн терүнд санань эс зовхла, «Би Бурхнд дуртав» гиҗ тер яһҗ келҗ чаддмб?

Бурхна зааврмуд күцәдг күн Бурхнла негн. Бурхн терүнлә бас ниилҗ бәәнә. Бурхн маднд Сәкүс өгсн учрас бидн Бурхиг маднла ниилҗ бәәдгинь меднәвидн.

Бурхна эс гиҗ эрлгин үрдүдиг иигҗ медҗ чадхит: чик кергән эс күцәдг күн, эс гиҗ ахдан дурго күн Бурхна үрн биш.

Бидн нег-негндән дурта болх йоставидн. Энүг бидн экнәс авн соңславидн.

Ахнр-дүүнр, кемр орчлң таднд дурго болхла, бичә өвртн.