Матта 7 - 인기 성경 구절

공유

Ча йипай – тувдичвуз; абгай – бихъидичвуз; раккник кучай – абццдичвуз.

Фицики гьарсар ча кӀурайириз тувди; абгурайириз бихъиди; кучрайириз абццди.

Гьамци, Узухъ хъебехъну, Йиз гафар тамам апӀру гьарсар кас чан хулар гъвандин шибритӀиин диврайи фагьумлу касдиз ухшар ву.

Инсанар учвухъди фици духьну учвуз ккундуш, учвура дурарихъди гьаци йихьай. Фицики Къанундин ва Пайгъамбрарин Китабарин мяна гьамдиъ а.

Гьаз гъапиш ккудудубкӀру уьмриз гъахру урнар ккурудар ву, дина гъябгъюрайи жилгъара читинуб ву. Ва цӀидаризтӀан думу бихъурадар.

Завариз арццнайи ккуру урнарианди учӀвай. Фицики яркьу урнарна дабкӀнайи рякъ аьжалихьна гъахрудар ву, ва гизафдар гьадлинтина гъягъюра.

Гьаци вуйиган, учву пис адмийир вушра, учвхьан ичв веледариз ужуб тувуз удукьруган, аьршариин али Адашдихьан хъанара ужуди Чахьан ча кӀурудариз багъишар тувуз хьибди.

Жарадарин суд мапӀанай, ичвра апӀидар, фицики учву жарадарин фициб суд гъапӀиш, ичвра гьациб суд апӀиди. Жарадарин тахсрар учву фициб уьлчмейиинди ерцураш, ичв тахсрарра гьациб уьлчмейиинди ерциди.

Хъа Йиз гьаму гафар ерхьури, дурар тамам дарапӀрайи гьарсар кас чан хулар гъумриин диву фагьумсуз касдиз ухшар ву.

Увуз яв улиъ айи хамхар гьидрибгъди, яв гъардшин улиъ айи чӀюрх фици рябкъюравуз? Ваяки яв гъардшиз: «Яв улиъ айи чӀюрх адабгъуза» – фици пидива, хъа яв улиъ хамхар ади?

Кьюб маш гъяйи пайгъамбрихьан ихтият йихьай. Учвухьна дурар марччлин гъидикь алди гъюра, айтӀан кӀуруш дурар вягьши жанаврар ву. Дурар чпи туврайи бегьерниинди аьгъю хьидичвуз. Зазарилан тӀумутӀ вая пялкьярилан инжир уч апӀуз шулин?

Гьарсаб гъяни гьари гъяни йимиш, хъа чӀуру гьари чӀуру йимиш хуру.

Гъяни гьархьан чӀуру йимишар, я чӀуру гьархьан гъяни йимишар тувуз шулдар.

Гъяни бегьер дархру гьарсаб гьар алдабтӀну, цӀигъ гъипри шулу.