MATHAI 24 - 인기 성경 구절

공유

Tualeh gitlouhna a hungpung ding jiakin mi tamjaw itna ahung dai ding. Hinanleh kuapeuh atawp dong a thuakjoute pen hundam in aom ding.

Tualeh hih kumpi gam tangthupha nam jousiah theihsakna dingin leitung pumpi ah hilh in aom ding; tuazoh chiangin tawpna a hung om ding hi.

Tualeh kidou leh kidou thuthang naja ding ua, na mangbat louhna ding un pilvang un, hih silte ahung om ding mawng ahi; hinanleh atawpna ahinai kei ding.

Namtuam leh namtuam, gamtuam leh gamtuam, a kidou ding ua, tualeh mun tuamtuam ah kial atung ding a; natna hi aleng ding a; mun tuamtuam ah jin aling ding. Hihte tengteng nausuak nat bang a gentheihna kipatna ahi nalai hi.”

Van leh lei amang ding a, hinanleh ka thu amang kei ding hi.

Mi tampi`n, ‘Krist ka hi!’ chi`n ka min in a hungpai ding ua, mi tampi akhemjou ding uhi.

Huahun chiang in gimthuak dingin ahung mansak ding ua, ahung that ding uh; tualeh kamin jiakin namjousiah huat nahi ding uhi. Huahun chiangin mi tampi apuk ding ua, a kimansak tuah ding ua, a kihua tuah ding uhi. Tuachi`n Jawlnei taklou tampi a hungpawt ding ua, mi tampi a khemjou ding uhi.

Tuachi`n Jesu`n adawng a akiang uah, “Mi kuamah in ahung khemlouhna dingin pilvang un.

Tuajiakin nou zong kiging zingin om un, na gintaklouh laitak un Mihing Tapa a hungpai ding hi.

Huajiakin kiging un, bang hun in ahia na Toupa uh a hungpai ding chih na theihlouh jiak un.

“Hinanleh huani leh hun ding pen van a vantungmite in zong theilou, Tapa in zong theilou, ahihhang in Pa bek in athei hi.

Krist taklou leh Jawlnei takloute a hungpawt ding a, mikhem nang in chiamtehna thupi leh sillamdang taktak ahung ensak ding ua, ahihtheih liai leh telte nangawn zong ahung khem ding uhi.

Hinanleh Noah damlai bangin Mihing Tapa hung paikikna zong ahi ding hi. Tuijin tun mateng in, Noah gunkuang a alutni tan in ane un, adawn ua, zi leh pasal in akinei uhi. Tualeh tuijin atun a, aun ua atawhmang masiah bangmah atheikei uhi. Mihing Tapa hung paikikna zong huachimah bang ahi ding hi.