JOHAN 5 - 인기 성경 구절

공유

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

Isûn a zâl chu a hmu a, chuong ang chun sâwttak a um tah ti a hriet a, a kuomah, “Sukdam i nuom am?” a ta.

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a. Nisienlakhawm, hringna nei dingin ka kuomah in hung nuom si nawh.

Chun, Isûn a kuomah, “Tho la, i puonpha la la, kein lâwn ta rawh,” a ta. Chun, kârlovin ama chu a dam nghâl ta a, a puonpha a lâk a, a fe ta a. Chu ni chu Châwlni a nih.

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.