Лука 3 - 인기 성경 구절

공유

Улус ончозы креске тӱжӱп турарда, Иисус база креске тӱжеле, мӱргип турарда, кӧк-теҥери ачылып, Агару Тын кӱӱлениҥ кеберин алынып, Оныҥ ӱстине тӱжӱп келди, теҥеридеҥ ӱн угулды: – Сен Мениҥ сӱӱген Уулым, Сенде Мениҥ јакшылыкту табым!

Је Иоанн ончозына айткан: – Мен слерди суула крестеп јадым. Је менеҥ кӱчтӱзи келедири, мен Оныҥ ӧдӱгиниҥ буузын да чечерге турбазым. Ол слерди Агару Тынла, отло крестеер.

Чындаптаҥ кинчегерди алынып, Кудайга баштанганыгарды керекте кӧргӱзигер! «Адабыс Авраам» – деп, ичигерде айдарга сананбагар! Айдып турум слерге: Кудай бу таштардаҥ Авраамга балдарды јазап берер аргалу.

Малта да агаштардыҥ тазылында јадыры: јакшы јиилек бӱтпес агашты кезип, отко таштайтан.

Исаия јарлыкчыныҥ тӱрбегинде бичилгениле: «Куба чӧлдӧ кыйгырганныҥ ӱни бу: „Кайраканга јол белетегер, Оныҥ јолдорын тӱс эдигер! Кажы ла кобы толып, кажы ла туу ла тӧҥ јабызазын, бурылчыктар, орык јолдор тӱзелзин! Ол тушта Кудайдыҥ аргадажын кандый ла кижи кӧрӱп ийер“».