Salmos 46 - 인기 성경 구절

공유

Chrotáníra, la chróndáchrora kixin janhan mé ti Díos kuèntára la kaín ti chojni siín chjasintajni chrókjuíkosáyehéra ti janhan. Janhan mé této̱an kuenté chjasintajni.

Díos mé tꞌayakohen chꞌan la ko tjinki̱tsa chꞌan ti jeheni. Tjoka tjinki̱tsa chꞌan ti jeheni ti ichrén kjuaxikaon chóntani. Méxra̱, chróchrakonhñani kjónté chrókꞌuinki ti nonte o̱ ti ijna̱ chrókꞌuaniánkí ti nda̱ñao

Ti nda̱río sítji la nchechéhe̱ ti chjasin kuènté Díos, ti chjasin imá tjóá kuènté Díos itjen nkaya nka̱jní. Díos mé itjen nko̱siñe ti chjasin la kohya nkehe tso̱hen. Díos mé tjinki̱tsa ti chjasin nkojnko ña̱o.

Díos kjuasitán ti guerra siín ti chjasintajni, la kꞌóchjejin chꞌan ti arco, la kjuínchekuen chꞌan ti lanza kuènté sin la ko kjuaka chꞌan ti carreta kuènté ti guerra.