Bruă Lêwi 26 - 인기 성경 구절

공유

Kâo srăng êbat ti krah diih, Kâo srăng jing Aê Diê diih, leh anăn diih srăng jing phung ƀuôn sang Kâo.

snăn Kâo srăng brei kơ diih êa hjan djŏ yan gơ̆, lăn srăng mâo boh, leh anăn ana kyâo hlăm hma srăng mboh.

Tơdah diih êbat tui hlue klei bhiăn Kâo, tơdah diih djă pioh leh anăn ngă tui si klei Kâo mtă

Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.

Kâo srăng wir anăp uêñ kơ diih leh anăn bi lar êngŭm diih, leh anăn bi kjăp klei Kâo bi mguôp hŏng diih.

Kâo jing Yêhôwa Aê Diê diih, Pô atăt diih kbiă leh mơ̆ng čar Êjip, čiăng kơ diih amâo jing hlŭn kơ diñu ôh; leh anăn Kâo bi joh leh giê knông diih leh anăn brei diih êbat kpă.”

Kâo srăng ngă anôk Kâo dôk ti krah diih, leh anăn Kâo amâo srăng bi êmut kơ diih ôh.

“Đăm ngă ôh kơ diih pô rup yang, kăn mdơ̆ng rup krah amâodah kmeh rei, leh anăn đăm dưm ôh hlăm čar diih boh tâo mâo rup čiăng buôn kkuh ti anăp dŏ anăn; kyuadah Kâo jing Yêhôwa Aê Diê diih.

Diih srăng ƀơ̆ng mnơ̆ng mkăm pioh sui leh, leh anăn diih srăng tuh hĕ mnơ̆ng hđăp čiăng pioh anôk kơ mnơ̆ng mrâo.

Êma čô hlăm phung diih srăng tiŏ sa êtuh čô, leh anăn sa êtuh čô hlăm phung diih srăng tiŏ pluh êbâo čô; leh anăn phung roh diih srăng êbuh hŏng đao gưm ti anăp diih.

Arăng srăng ăt dôk prah mdiê tơl truh yan pĕ boh kriăk ƀâo, leh anăn arăng pĕ boh kriăk ƀâo truh kơ yan buh rah; leh anăn diih srăng ƀơ̆ng huă tơl trei, leh anăn dôk hơĭt hlăm čar diih.

Diih srăng tiŏ phung roh diih, leh anăn diñu srăng êbuh hŏng đao gưm ti anăp diih.

Brei diih hdơr pioh hruê sabat Kâo leh anăn mpŭ kơ adŭ doh jăk Kâo. Kâo jing Yêhôwa.