Klei Mphŭn Dơ̆ng 49 - 인기 성경 구절

공유

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

Y-Yôsep jing sa ƀĕ adhan mboh lu, sa ƀĕ adhan mboh lu ti akŏ êa; adhan ñu srăng gao mnư̆. Phung mnah hna bi blah hŏng ñu, sơ̆ng ƀrăm kơ ñu leh anăn ngă jhat kơ ñu

ƀiădah hna kmêč ñu ăt dôk ktang, păl kngan ñu dôk kjăp hŏng kngan Pô Myang Y-Yakôp, hŏng Anăn Mgăt Ƀiăp, Boh Tâo phung Israel, hŏng Aê Diê ama ih, Pô đru ih, hŏng Pô Mâo Jih Klei Myang, Pô brei klei jăk jĭn kơ ih, klei jăk jĭn mơ̆ng adiê ti dlông, klei jăk jĭn mơ̆ng êa êlam ti gŭ, klei jăk jĭn mơ̆ng ksâo leh anăn tian.

Ơ Y-Yuđa, phung ayŏng adei ih srăng bi mni kơ ih; kngan ih srăng ngă kơ kkuê phung roh ih; phung anak êkei ama ih srăng buôn kkuh ti anăp ih. Y-Yuđa jing sa drei êđai êmông gu; Ơ dam, ih đĭ nao leh mơ̆ng mnơ̆ng ih hiêk ƀơ̆ng. Ñu buôn, ñu lua msĕ si sa drei êmông gu, msĕ si sa drei ana êmông gu; hlei pô jhŏng bi mdih ñu?

Ơ Y-Ruben, ih jing anak kkiêng kơ kâo tal êlâo, ai ktang kâo, leh anăn boh êlâo klei mơai kâo; prŏng hĭn hlăm klei mpŭ leh anăn hlăm klei ktang. Ih jing msĕ si êa poh yă, ih amâo srăng jing prŏng hĭn ôh, kyuadah ih nao đih leh ti jhưng pĭt ama ih, ih bi čhŏ hĕ leh jhưng anăn, ih nao đih leh ti jhưng pĭt kâo!