Loma 10 - 인기 성경 구절

공유

Higa ka'i yo'o matadiya unahawavemogatala unagayo, Yesu yaku Kaiwabu, kadu ase'aseniya unavetumagana vaita Yaubada alikeya gisivemididina, au hidema fa'ina Yaubada ya koyona agaidiya ginakibababale.

Fa'ina ase'asedeya kavetumaganeni-yo Yaubada giseda yegayegadeyao Bana matane, ada yo'o matadiya Yesu kahawavekaiwabuyeni-yo Yaubada yada koyona agaidiya gikibababaleda.

Ada au kahalamanena kaliva yadi vetumagana yana yemu inubana ma au Yaubada yana venuwa'ata ana nogala againe. Ada Yaubada yana venuwa'ata ana nogala inubana au tolaumamala Keliso fa'ine hilulumamala.

Ada yada vetumagana Yesu againe fa'ina Veyao Tuwaina ana buki gigahe gigayo, Keke tamo hakwadi Bana againe givetumagana-ma ginavetumagana-wayoga. Mena gahe ma fafali moya'aina kalivai-dana fa'ideya gigahe. Ide miYuda fa'ideya kadu omi yo'o tulimiyao kalivai-mina fa'imiya gigahe, fa'ina moya'aida ada ita leleleya Yaubada matane. Bana'e ide miYuda yada Kaiwabu kadu omi yo'o tulimiyao kalivai-mina yami Kaiwabu. Ada gaveyao moya'aidi Bana againe hikova, medema givelugadi lakahina. Meda anafaiweya Veyao Tuwaina ana buki gigahe gigayo, Gaveyao moya'aidi Kaiwabu againe hinakova, medema adi kibababala hinanuhagana.

Atu kaliva Kaiwabu againe keke hidavetumagana fa'ina gavaimi-yo Bana againe hidakova? Gilubodana be Yaubada bonana ana tolaumamala gida'iveninisedi. Tolaumamala gilubodadi be Kaiwabu fa'ine hidalumamala. Kaliva hinanogalini-yo adifaiweya hinavetumaganena. Yesu againe hinavetumagana-yo adi kibababala fa'ina adifaiweya Kaiwabu againe hinakova. Atu Yaubada tolaumamala ahe gi'iveninisedi fa'ina Veyao Tuwaina ana buki gigahe gigayo, Badi venuwa'ata yamumuna hi'aliyena-ma yadi ela gavayamumu!

Atu kaliva Kaiwabu againe keke hidavetumagana fa'ina gavaimi-yo Bana againe hidakova? Gilubodana be Yaubada bonana ana tolaumamala gida'iveninisedi. Tolaumamala gilubodadi be Kaiwabu fa'ine hidalumamala. Kaliva hinanogalini-yo adifaiweya hinavetumaganena. Yesu againe hinavetumagana-yo adi kibababala fa'ina adifaiweya Kaiwabu againe hinakova. Atu Yaubada tolaumamala ahe gi'iveninisedi fa'ina Veyao Tuwaina ana buki gigahe gigayo, Badi venuwa'ata yamumuna hi'aliyena-ma yadi ela gavayamumu!

Yesu Keliso Mosese yana vehimeya gitubutagona be vehimeyai-nadi ana abavehimeya gihavaina, higa vaita gaveyao Keliso againe hivetumagana, medema Yaubada gisedi yegayegadiyao Bana matane.