Miamun 35 - 인기 성경 구절

공유

Da Anutu ini da araŋan, “Dzi Anutu Nampaŋ Wain ini da agu ibiani, warim narum ruas nautus i ruan nawaʼ nasisuŋʼ nabinigi. Miŋʼa agu da garam wain wain da kiŋ ruas buŋʼ awaʼ nabinigi. Da intap dzi riman da u rumpuŋgam Abraham da ramaŋgan Isak aruani isu agu gam. Hai, aruani da dzi rima da agu, da buŋʼ asu u tafaŋgam taptap yaŋin rusan naŋgan.”

Ida agi buŋʼ ayab gamp Betel, da dzi buŋʼ arim mumai mararam tsarada nam in da Anutu aru naŋa dzi nangaŋʼ udagin suda nidzun. Araŋan irim dzi sib da gubuʼ dzi waʼan da barabin ugu, da impa tayaŋʼ dzi i sanab santan aru dzi fada gin ugu.”

Da ini da araŋan ibiani, “U biŋaŋgam Yakop. Da aruani da wasaŋʼ i ruŋʼ tipa fariŋʼa u biŋaŋgam Yakop u; buŋʼ afariŋʼ u biŋaŋgam faʼ Israil.” Ibinigi da Anutu ifariŋʼ araŋan biŋaŋgan Israil.

Yakop iriŋant i Anutu nangan igi da ini da utupan da riban ruta mpadan ibiani, “Agam santan watiri gam mugus maraganun gam udan ugu rai da wayiʼ mpui da watip ruŋgam bini da watsuf ŋarukui gam sapan.

Da Anutu ini da Yakop ibiani, “Wauriʼ da watip wafa gamp Betel da wampai nigi da warim mumai mararam tsarada nam in da dzi Anutu aru waʼan da agu da gubuʼ u runta sinuŋʼ raiŋgam Isau badan ugu.”

Da gubuʼ Retsel ntafa gin i mampan da ifariŋʼ mamaʼ mitan igi biŋaŋgan Benoni (waiŋgan ibi ‘mamaʼ uda tsakia gin’). Da bitsintaʼ ramaŋgan Yakop ifariŋʼ i biŋaŋgan Benyamin (waiŋgan ibi ‘mamaʼ gifa gamp’).