Genesis 32 - 인기 성경 구절

공유

Igkagi tô manubù, na mà din, “Tikud áknganni, dì kad ngadanan ki Jacob, asal ngadanan kad ki Israel, su igpadumogé kó katô Manama asta katô mga manubù, asta igpanalu ka.”

Igkagi tô manubù, na mà din, “Lángngaiyad, su masig dán ágkasállám.” Asal igkagi si Jacob, na mà din, “Diya gó lumángngà áknikó. Tandô ka pa na madigár tô bággén nu kanak.”

Si Jacob dád tô ándà talipag. Na, duwán manubù na igdunggù tun ki Jacob asta igpadumogé dan sippang ka sállám.

Igngadanan i Jacob tô lugar na Peniel, su igkagi sikandin, na mà din, “Agad igkita ku tô bónnóng katô Manama, asal ándà a gó kamaté.”

Tô ikasóddór tô manubù na dì ágkatalu si Jacob, igawidan din tô laluwadan ka bubun i Jacob ébô kaliusan.

Iginsà tô manubù, na mà din, “Sadan tô ngadan nu?” Igtaba si Jacob, na mà din, “Sakán si Jacob.”

Iginsà si Jacob, na mà din, “Ulitiya. Sadan tô ngadan nu?” Igtaba tô manubù, na mà din, “Yaka ginsà ka sadan tô ngadan ku.” Na, madigár tô igbággé din ki Jacob, asta igpanó sikandin.

Ánnà a nángngà para katô kédu nu kanak, asal tuu ka ágkasarigan asta igtuman nu gó tô tandô nu kanak. Tô igtalipagga kani Wayig ka Jordan dángngan tô igsadunna tun ki Laban, tukád ku dád tô igpid ku. Asal áknganni duwán dán duwa magdakál grupo na ágpiddán ku.

Purisu agad áknganni, dì ágkannán katô mga rubbad i Israel tô ugat ka ákkud madani tun ta laluwadan ka bubun ka mannanap na giyón dan, su tô gó é igawidan katô Manama tun ta bubun i Jacob.

Na, igdasal si Jacob, na mà din, “Áglangngagán na ágpangadapán katô apù ku na si Abraham asta tô ámmà ku na si Isaac, Áglangngagán ku, sikuna tô igkagi kanak na mulì a tun ta igpamasusuwan kanak asta tun ta mga gakád ku. Igtandô ka na tumabang ka kanak.

Tabangiya gó ébô diya dadattan katô kaké ku na si Esau. Ágkamáddanganna agó matayan ké langun ikandin, asta mapánnas tô langun sawa ku asta mga gabatà ku.