Ninge 37 - 인기 성경 구절

공유

Nu kanakana tano Watong, ma na tabar haruatne ugu ma ira masmasingan tano kaatim.

Tar se tar no num ngaas uram hono Watong. Nurnur tana ma na gil hoken

Sangeh ra matmataan tano Watong ma nu kis kawase timaan leh ie. Waak u kalar bia ira tunotuno diet te petlaar ira nudiet sinisip ma ing diet te gil haruatne ira udiet sakana harpingit.

Nurnur tano Watong ma gil ra bilbilai. Nu lon narako tano uno taman, ma no num kinkinis na bilai narako tano uno harbalaurai.

Ing bia no Watong i kanakana pane tikai ma ira uno tintalen, na hadadas ie ta ira uno hinahaan. Ing bia na laleka, pa na puko, kanong no Watong i palim hadadas tar ie ma no limana.

Na hamines no num taktakodas bia na mararang hoing no laar i daras ie, ma ing na kure bia pau gil ta nironga, io, na ngan hoing ra tingena langlangar na kasakes.

Waak u bale ra nginangar, ma hamalum se no ngalngaluan. Waak u kalar. Iakano magingin na lam tar mon ugu ra nironga.

Iau ga marawaan taar baak ma kaiken iau te takana, iesen iau pa ga nes tiga pakana bung bia no Watong i waak kapis ira ut na takodas, ma bia ira nati diet na sasaring marmaris wara adiet ta nian.

Waak u kalar ta ira ut na sakena. Waak u masingan bia nu haruat ma ira ut na gil nironga