Akpaar-aponga 16
16
Samson ọttạra Delila
1K'iwu mạnna jạnẹ, Samson oseng otena k'ukhubha kw'Gaza k'ẹkhạma ch'Philistiya. Ukwu ose ọsaasa-kwanạng, ofona okhebh-ẹ ọta ubhing abẹ ma irungu njọ. 2Wa abẹ akpaakhẹ anạng p'Gaza bẹ́, Samson uning mạma. Ma wọ kw'anạng p'Gaza afon ata ayeri ajunung atobha, abẹ ayima abaabha ẹbaakha-mma ch'ofhon ma irungu njọ phyibh, atik. Abẹ aning bẹ́ ttọọhng ma irungu njọ, n'aben ayok bẹ́, “M'amfhẹ-ẹ de iwu kk'echobha.”
3Okhenkha, wa Samson uyim mạma ttạr, ukpira k'urunguttem. Ubin ma urunguttem bẹ́ bikk ọta ọvạkha ammakhubh p'ẹbaakhamma p'ofhon, ọmaana k'mkpọmmachi afa, ọsạbhọ, ukwu ọttạra k'agbạkhọhrọ, ọttạra ekpo phyi-phyibh py'ẹbaakhamma. Udira pyẹ ọnạna k'nkkang, utima uvura okpecho kha ẹrạng, k'ukhubha kw'okkeri Hẹbrọn ititikha.
4K'okpe ma, wa ikwanạng wạnọ kw'okpen Delila ọdaakhẹ ẹma Samson k'Ipekhuma s'Sorẹk. 5Wa anạng p'adạbhẹ Philistiya ata akhebha ikwanạng nwọ aben-ẹ bẹ́, “Bọhra Samson, ọfha ọkpakh-ọ ọtaanga kw'ẹfa chẹ, ọfha annẹ-ẹ ẹfa, ọfha ambạra andạbh-ẹ ndikhi, ankhem-ẹ. Ọnạng-ọnạng ma k'amạna k'ikhaana m'ọnạng-ọ ashẹkẹl p'silva nnọhna mfa ukuma arạbh chi.”
6Mạnna wọ Delila ọta oben Samson bẹ́, “Kpaakh-m ọtaanga kw'ẹfa chọ, ọttạra k'oche kw'ọnạng m'okke-okke ọdạbh-ọ ndikhi, okhem-ọ.”
7Samson ubhin-ẹ bẹ́, “Ode ọnạng kwidede utim adikhi-naaga asenọfa p'ade ikhikhebhi ọdạbh-m, ma wọ ẹfa m'ẹsa-m oche kw'n'ẹsa ujunung ujunung kwidede.”
8Osenga ma, adạbhẹ p'anạng p'Philistiya atạkha adikhi-naaga asenọfa akhikhebhi, akkena ikwanạng nwọ, utima sẹ ọdạbh-ẹ. 9N'ode s'ajunung kk'akwua, akwu attubha ma ẹmaanggọ ẹtaanga. Ma wọ ikwanạng nwọ oyer-ẹ bẹ́, “Samson o, anạng p'Philistiya bạra avạkh-ọ e!” Ma wọ ọvạk ndikhi nnọ ọkpaara bẹ́ tteng masẹ idikhi ch'abẹ ason k'ekpon. Wa abẹ ọtaanga kw'ẹfa chẹ nákkia asonga.
10Wa Delila obeni Samson bẹ́, “Kk'aam asia nkhera udindingi-nạng, kk'aam afhạra asia. Kpaakh-m ukhira kw'ọnạng m'osenga ọdạbh-ọ.”
11Oben bẹ́, “Ode ọnạng utim ndikhi ibhasẹ ọdạbh-m mororo, ẹfa m'ẹsa-m oche kw'n'ẹsa ujunung kwidede.”
12Ma wọ Delila ọtạk ndikhi ibhasẹ utima ọdạbh-ẹ. N'ode s'ajunung kk'akwua akwu attubha k'akh-ẹ k'ẹmaanggọ ẹtaanga. Ikwanạng nwọ oyeri, “Samson o, anạng p'Philistiya n'abạra avạkhọ e!” Ma wọ ọvạk ndikhi sabẹ adạbh-ẹ k'mbọhk ọsạbhọ, masẹ adikhi-naaga.
13Wa Delila obeni Samson bẹ́, “Ọma atim atạkh-m masẹ udindingi-nạng, n'asi-m afhạra. Kpaakh-m oche kw'ọnạng m'osenga ọdạbh-ọ khadẹ.”
Samson ubhina bẹ́, “Ode atạk akpọdim mba asenọfa p'aning-m ma k'echo, atima udikhi-naanga ateng pyẹ, abạra atima mkpạkha agba pyẹ, ẹfa m'ẹsa-m oche kw'n'ẹsa ujunung kwidede.” Ma o, masẹ Samson n'ọttaabha ọda, Delila ọtạkha akpọdim mbọ asenọfa py'echo ch'Samson oteng, 14obạra utima mkpạkha ọgba pyẹ.
Ma wọ ọbạra oyer-ẹ, ọbẹ́, “Samson e, anạng p'Philistiya n'abạra avạkh-ọ e!” Ma wọ ọphyạbh k'ọda, ọrabha mkpạkha, ọbạra ọchaarẹ idikhi-naanga ch'ẹvạk akpọdim mbọ etobha.
15Ma wọ Delila oben-ẹ bẹ́, “K'ayạn wọ ọma n'aben bẹ́ amma ndaakh-ọ-ọdaakh, kw'n'náchera ayaakhẹ ọtaanga kwọ anạng-m? N'ode ikpe mạnna ittaan s'kk'aam asia nkhera udidingi, náchera bẹ́ ayaakhẹ ọtaanga kw'ẹfa chọ anạng-m.” 16Wa Samson obhem-ẹ ipyibha-ipyibha, otena k'ukhira kw'Delila n'utima ọyạkh-ẹ udik, iwu nja echobh-ochobha ẹsa.
17Osenga ma, ọkpaakh-ẹ udik kwidede oben bẹ́, “Egọbha k'akhaam k'echo tạm nítwua, amma nde nnwa kw'abẹ atte ọbọhk tạma k'ifhạr anạng Ubinọkpaabyi. De abẹ aphyir-m isisira, ẹfa m'ẹsa-m oche kw'n'ẹsa ujunung kwidede.”
18M'asẹ Delila ose bẹ́, kk'udik-ọkka Samson kk'ẹ udik kwidede ọkpaakha, ọtọhm ẹkkaabha ọnạng adạbh-ẹ p'Philistiya oben bẹ́, “Abạnga akpa nnạm ẹkpa nja; khiri kk'aam udik kwidede ọkpaakha.” Ma wọ adạbhẹ p'Philistiya mbọ atim silva k'mbọhk akwu. 19Masẹ kk'ẹ ọbọhra ọttaabha ma k'akhẹ k'ntaak, Delila oyeri ọnạng ukwu uphyiri Samson akpọdim asenọfa pẹ, ma wọ ẹfa ẹsẹ-ẹ.
20Ma o, ikwanạng nwọ oyer-ẹ, “Samson o, anạng p'Philistiya bạra avạkh-ọ e!”
Masẹ ọphyạbh, ọkkẹ bẹ́, “Tte nsi oche kw'n'nsi, nchaarẹ amma oyeni.” Okhenkha, wa kósong bẹ́, Ọvaar ubinọkpaabyi kk'ẹ ọbọhk uttia.
21Mạnna wọ anạng p'Philistiya avạkh-ẹ, adwạngọ achen, atim-ẹ afona k'ofhon kw'Gaza. Wa abẹ agbaakh-ẹ mgbakkọhbhọ s'brons, abẹ achokh-ẹ bẹ́, n'ọggọhk-ekpo k'ọgbakkọhbhọ-ter. 22Okhenkha, wa isisira sẹ s'echo ibạra itạma mạmen.
Obo kw'Samson
23Wa adạbh-ẹ p'Philistiya atobh bẹ́, abẹ afọhnọ ẹja ọkkachẹ anạng Dagọn kw'ode ọkha fabẹ, ọttạra bẹ́, abẹ abạra asi erobha, abẹ n'abeni bẹ́, “Ọkha famạna kk'Samson kw'ode ọwawuna-nạng kwamạna, ọtạkha oge mạna k'mbọhk.”
24Masẹ anạng mbọ asi-ẹ, abẹ atọhnga ọkha fabe, aben bẹ́,
“Ọkha famạna
kk'ọwawuna-nạng kwamạna ọtạkha oge mạna k'mbọhk,
kw'oge isisek samạna k'dạmadạma,
obạra ofhọ mạna k'ọsaabh.”
25Masẹ abẹ n'asi erọbha njọ, abe aben bẹ́, “Atima Samson ayin kha iyaan, ukwu uyukhu mạna sisi.”
Wa abẹ ayeri Samson k'ọgbakkọhbhọ-ter, ukwu uyukhu bẹ sisi.
Masẹ abẹ achọkh-ẹ k'ngekha kw'mkpọmmachi, 26Samson obeni ọtọhmnạng kw'ọvạkh-ẹ bẹ́, “Chokh-m k'ibyi s'm'mvạkha mbọhk k'ntumu s'ivạk ọchọhm ngwa, ọfha mphye mạma.” 27Wa anạng afu ma k'ọchọhm ngwọ bẹ́ byẹr, ajunung ọttạra ipanạng; wa adạbhẹ p'Philistiya agba aninga mạma, anạng nnọhna nsenọfa ukuma arạbh jobh, ajunung ọttạra ipanạng, abẹ aning n'asẹ oche kw'Samson n'usi. 28Ma wọ, wa Samson ose njọhm oyeri Ọvaar Ubinọkpaabyi, oben bẹ́, “O Ọvaar Ubinọkpaabyi kw'Ọyọhng, jim-m e. Totokhạn, Ubinọkpaabyi, nạng-m adạkhẹ ẹfa ma okpe ngwa gwạnọ, ntima ibadwuk rạnẹ ntima ntera achen paam afa p'anạng p'Philistiya arạbh.” 29Mạnna wọ kw'Samson ọvạk mbọhk k'ntumu mfa s'ivạk ọchọhm ngwọ k'ngekha. Ọvạkha udimbọhk k'ntumu wạnọ, ọbạra utima ọkwabọhk ọvạkha njọkha. 30Samson oben bẹ́, “Tte mpe aPhilistiya abẹ!” Ma wọ Samson utim ẹfa chẹ phyibh unnunu mkpọmmachi nnọ tạrr, ọchọhm ubungukwẹ otto bẹ́ gwạrong, ọkpẹkhẹ adạbhẹ p'Philistiya, ọttạra anạng phyi-phyibh p'aning mạma k'ọchọhm ngwọ ẹtaanga. Wa anạng p'ọfhọ k'okpe kw'ope, ayọhng anạng p'ọfhọ k'okpe kw'urukhu akpen.
31Wa ivotte pẹ, ọttạra ẹchọhmfhạr ch'otte phyi-phyibh afon ata atạkh-ẹ. Abẹ atim-ẹ akpa nnạm ata anọhnga k'ngekha kw'Zora ọttạra Ẹshtaol, k'epekwur ch'otte Manoa. Ẹma wa ode ọkpaar-aponga k'Israẹl k'icho ẹrạbh.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Akpaar-aponga 16: mfn-x-os
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission
Akpaar-aponga 16
16
Samson ọttạra Delila
1K'iwu mạnna jạnẹ, Samson oseng otena k'ukhubha kw'Gaza k'ẹkhạma ch'Philistiya. Ukwu ose ọsaasa-kwanạng, ofona okhebh-ẹ ọta ubhing abẹ ma irungu njọ. 2Wa abẹ akpaakhẹ anạng p'Gaza bẹ́, Samson uning mạma. Ma wọ kw'anạng p'Gaza afon ata ayeri ajunung atobha, abẹ ayima abaabha ẹbaakha-mma ch'ofhon ma irungu njọ phyibh, atik. Abẹ aning bẹ́ ttọọhng ma irungu njọ, n'aben ayok bẹ́, “M'amfhẹ-ẹ de iwu kk'echobha.”
3Okhenkha, wa Samson uyim mạma ttạr, ukpira k'urunguttem. Ubin ma urunguttem bẹ́ bikk ọta ọvạkha ammakhubh p'ẹbaakhamma p'ofhon, ọmaana k'mkpọmmachi afa, ọsạbhọ, ukwu ọttạra k'agbạkhọhrọ, ọttạra ekpo phyi-phyibh py'ẹbaakhamma. Udira pyẹ ọnạna k'nkkang, utima uvura okpecho kha ẹrạng, k'ukhubha kw'okkeri Hẹbrọn ititikha.
4K'okpe ma, wa ikwanạng wạnọ kw'okpen Delila ọdaakhẹ ẹma Samson k'Ipekhuma s'Sorẹk. 5Wa anạng p'adạbhẹ Philistiya ata akhebha ikwanạng nwọ aben-ẹ bẹ́, “Bọhra Samson, ọfha ọkpakh-ọ ọtaanga kw'ẹfa chẹ, ọfha annẹ-ẹ ẹfa, ọfha ambạra andạbh-ẹ ndikhi, ankhem-ẹ. Ọnạng-ọnạng ma k'amạna k'ikhaana m'ọnạng-ọ ashẹkẹl p'silva nnọhna mfa ukuma arạbh chi.”
6Mạnna wọ Delila ọta oben Samson bẹ́, “Kpaakh-m ọtaanga kw'ẹfa chọ, ọttạra k'oche kw'ọnạng m'okke-okke ọdạbh-ọ ndikhi, okhem-ọ.”
7Samson ubhin-ẹ bẹ́, “Ode ọnạng kwidede utim adikhi-naaga asenọfa p'ade ikhikhebhi ọdạbh-m, ma wọ ẹfa m'ẹsa-m oche kw'n'ẹsa ujunung ujunung kwidede.”
8Osenga ma, adạbhẹ p'anạng p'Philistiya atạkha adikhi-naaga asenọfa akhikhebhi, akkena ikwanạng nwọ, utima sẹ ọdạbh-ẹ. 9N'ode s'ajunung kk'akwua, akwu attubha ma ẹmaanggọ ẹtaanga. Ma wọ ikwanạng nwọ oyer-ẹ bẹ́, “Samson o, anạng p'Philistiya bạra avạkh-ọ e!” Ma wọ ọvạk ndikhi nnọ ọkpaara bẹ́ tteng masẹ idikhi ch'abẹ ason k'ekpon. Wa abẹ ọtaanga kw'ẹfa chẹ nákkia asonga.
10Wa Delila obeni Samson bẹ́, “Kk'aam asia nkhera udindingi-nạng, kk'aam afhạra asia. Kpaakh-m ukhira kw'ọnạng m'osenga ọdạbh-ọ.”
11Oben bẹ́, “Ode ọnạng utim ndikhi ibhasẹ ọdạbh-m mororo, ẹfa m'ẹsa-m oche kw'n'ẹsa ujunung kwidede.”
12Ma wọ Delila ọtạk ndikhi ibhasẹ utima ọdạbh-ẹ. N'ode s'ajunung kk'akwua akwu attubha k'akh-ẹ k'ẹmaanggọ ẹtaanga. Ikwanạng nwọ oyeri, “Samson o, anạng p'Philistiya n'abạra avạkhọ e!” Ma wọ ọvạk ndikhi sabẹ adạbh-ẹ k'mbọhk ọsạbhọ, masẹ adikhi-naaga.
13Wa Delila obeni Samson bẹ́, “Ọma atim atạkh-m masẹ udindingi-nạng, n'asi-m afhạra. Kpaakh-m oche kw'ọnạng m'osenga ọdạbh-ọ khadẹ.”
Samson ubhina bẹ́, “Ode atạk akpọdim mba asenọfa p'aning-m ma k'echo, atima udikhi-naanga ateng pyẹ, abạra atima mkpạkha agba pyẹ, ẹfa m'ẹsa-m oche kw'n'ẹsa ujunung kwidede.” Ma o, masẹ Samson n'ọttaabha ọda, Delila ọtạkha akpọdim mbọ asenọfa py'echo ch'Samson oteng, 14obạra utima mkpạkha ọgba pyẹ.
Ma wọ ọbạra oyer-ẹ, ọbẹ́, “Samson e, anạng p'Philistiya n'abạra avạkh-ọ e!” Ma wọ ọphyạbh k'ọda, ọrabha mkpạkha, ọbạra ọchaarẹ idikhi-naanga ch'ẹvạk akpọdim mbọ etobha.
15Ma wọ Delila oben-ẹ bẹ́, “K'ayạn wọ ọma n'aben bẹ́ amma ndaakh-ọ-ọdaakh, kw'n'náchera ayaakhẹ ọtaanga kwọ anạng-m? N'ode ikpe mạnna ittaan s'kk'aam asia nkhera udidingi, náchera bẹ́ ayaakhẹ ọtaanga kw'ẹfa chọ anạng-m.” 16Wa Samson obhem-ẹ ipyibha-ipyibha, otena k'ukhira kw'Delila n'utima ọyạkh-ẹ udik, iwu nja echobh-ochobha ẹsa.
17Osenga ma, ọkpaakh-ẹ udik kwidede oben bẹ́, “Egọbha k'akhaam k'echo tạm nítwua, amma nde nnwa kw'abẹ atte ọbọhk tạma k'ifhạr anạng Ubinọkpaabyi. De abẹ aphyir-m isisira, ẹfa m'ẹsa-m oche kw'n'ẹsa ujunung kwidede.”
18M'asẹ Delila ose bẹ́, kk'udik-ọkka Samson kk'ẹ udik kwidede ọkpaakha, ọtọhm ẹkkaabha ọnạng adạbh-ẹ p'Philistiya oben bẹ́, “Abạnga akpa nnạm ẹkpa nja; khiri kk'aam udik kwidede ọkpaakha.” Ma wọ adạbhẹ p'Philistiya mbọ atim silva k'mbọhk akwu. 19Masẹ kk'ẹ ọbọhra ọttaabha ma k'akhẹ k'ntaak, Delila oyeri ọnạng ukwu uphyiri Samson akpọdim asenọfa pẹ, ma wọ ẹfa ẹsẹ-ẹ.
20Ma o, ikwanạng nwọ oyer-ẹ, “Samson o, anạng p'Philistiya bạra avạkh-ọ e!”
Masẹ ọphyạbh, ọkkẹ bẹ́, “Tte nsi oche kw'n'nsi, nchaarẹ amma oyeni.” Okhenkha, wa kósong bẹ́, Ọvaar ubinọkpaabyi kk'ẹ ọbọhk uttia.
21Mạnna wọ anạng p'Philistiya avạkh-ẹ, adwạngọ achen, atim-ẹ afona k'ofhon kw'Gaza. Wa abẹ agbaakh-ẹ mgbakkọhbhọ s'brons, abẹ achokh-ẹ bẹ́, n'ọggọhk-ekpo k'ọgbakkọhbhọ-ter. 22Okhenkha, wa isisira sẹ s'echo ibạra itạma mạmen.
Obo kw'Samson
23Wa adạbh-ẹ p'Philistiya atobh bẹ́, abẹ afọhnọ ẹja ọkkachẹ anạng Dagọn kw'ode ọkha fabẹ, ọttạra bẹ́, abẹ abạra asi erobha, abẹ n'abeni bẹ́, “Ọkha famạna kk'Samson kw'ode ọwawuna-nạng kwamạna, ọtạkha oge mạna k'mbọhk.”
24Masẹ anạng mbọ asi-ẹ, abẹ atọhnga ọkha fabe, aben bẹ́,
“Ọkha famạna
kk'ọwawuna-nạng kwamạna ọtạkha oge mạna k'mbọhk,
kw'oge isisek samạna k'dạmadạma,
obạra ofhọ mạna k'ọsaabh.”
25Masẹ abẹ n'asi erọbha njọ, abe aben bẹ́, “Atima Samson ayin kha iyaan, ukwu uyukhu mạna sisi.”
Wa abẹ ayeri Samson k'ọgbakkọhbhọ-ter, ukwu uyukhu bẹ sisi.
Masẹ abẹ achọkh-ẹ k'ngekha kw'mkpọmmachi, 26Samson obeni ọtọhmnạng kw'ọvạkh-ẹ bẹ́, “Chokh-m k'ibyi s'm'mvạkha mbọhk k'ntumu s'ivạk ọchọhm ngwa, ọfha mphye mạma.” 27Wa anạng afu ma k'ọchọhm ngwọ bẹ́ byẹr, ajunung ọttạra ipanạng; wa adạbhẹ p'Philistiya agba aninga mạma, anạng nnọhna nsenọfa ukuma arạbh jobh, ajunung ọttạra ipanạng, abẹ aning n'asẹ oche kw'Samson n'usi. 28Ma wọ, wa Samson ose njọhm oyeri Ọvaar Ubinọkpaabyi, oben bẹ́, “O Ọvaar Ubinọkpaabyi kw'Ọyọhng, jim-m e. Totokhạn, Ubinọkpaabyi, nạng-m adạkhẹ ẹfa ma okpe ngwa gwạnọ, ntima ibadwuk rạnẹ ntima ntera achen paam afa p'anạng p'Philistiya arạbh.” 29Mạnna wọ kw'Samson ọvạk mbọhk k'ntumu mfa s'ivạk ọchọhm ngwọ k'ngekha. Ọvạkha udimbọhk k'ntumu wạnọ, ọbạra utima ọkwabọhk ọvạkha njọkha. 30Samson oben bẹ́, “Tte mpe aPhilistiya abẹ!” Ma wọ Samson utim ẹfa chẹ phyibh unnunu mkpọmmachi nnọ tạrr, ọchọhm ubungukwẹ otto bẹ́ gwạrong, ọkpẹkhẹ adạbhẹ p'Philistiya, ọttạra anạng phyi-phyibh p'aning mạma k'ọchọhm ngwọ ẹtaanga. Wa anạng p'ọfhọ k'okpe kw'ope, ayọhng anạng p'ọfhọ k'okpe kw'urukhu akpen.
31Wa ivotte pẹ, ọttạra ẹchọhmfhạr ch'otte phyi-phyibh afon ata atạkh-ẹ. Abẹ atim-ẹ akpa nnạm ata anọhnga k'ngekha kw'Zora ọttạra Ẹshtaol, k'epekwur ch'otte Manoa. Ẹma wa ode ọkpaar-aponga k'Israẹl k'icho ẹrạbh.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission