Ichedendik 7
7
Oche kw'uwa asi achi ọyagbin
1Ma wọ Ọvaar Ubinọkpaabyi obeni Noa bẹ́, “Tima ẹchọhmfhạr chọ nwa k'ọkpaar, ukwuru bẹ́, amma kk'nsia bẹ́, ọma wọ ade ọnạng kw'otor-otor ma igbọ nna. 2K'nten s'ibaan k'ẹja fạfọhnọ, tạkha k'mfa-k'mfa k'ukhira kwabẹ k'ibyi isenọfa, udim ọttạra ikwa, atima anwa ma ọkpaar ngwọ. N'ode nten s'nạn k'ẹjafọhna níbaana, tạkha udim ọttạra ikwa k'ukhira kwabẹ, 3abạra atạkha ọnọhn osenọfa-osenọfa k'ukhira kwidede kwabẹ, udim ọttạra ikwa, ọfha ọnọhn-khira fidede uruk akpen ma ọyagbin. 4K'iwu isenọfa k'ititikha, amma m'ntebh ọrạngkpaang k'iwu arạbh afa ọttạra nnunguwu arạbh afa ma ọyagbin, mbạra ndimi ọttọhk fidede f'uning akpen f'kk'nsia ma ọyagbin.”
5Wa Noa usi udik kwidede kw'Ọvaar Ubinọkpaabyi ọtọhn-ẹ.
6Wa Noa ode icho ẹnọhna ukuma arạbh jobh k'okpe kw'asi achi ọyagbin.
7Noa utim iva pẹ, ọttạra ikwanạng kwẹ, ọttạra ipanạng p'iva pẹ, ọnwa k'ọkpaar ngwọ, ọfha abẹ annaanga ẹnwanwa njọ. 8Nten k'mfa-k'mfa s'ibaan k'ẹjafọhna, ọttạra k'mfa-k'mfa s'nạn k'ẹjafọhna níbaana, oseng k'ọnọhn ọttạra ekpo py'n'ẹsenga k'isisek, 9udim ọttạra ikwa, n'asenga akhebha Noa, ẹbạra ẹnwa k'ọkpaar ngwọ, k'oche kw'Ubinọkpaabyi kk'Noa ọtọhna. 10Masẹ iwu nnọ isenọfa kk'isenga, asi anwa achi ọyagbin.
11K'okpe kw'Noa n'ode icho ẹnọhna ukuma arạbh jobh, k'iwu chikhamfa k'ophye kw'ottong afa, ẹjọ ch'asi adwu k'isisek bẹ brubrubru, ẹrạng ẹbạra ewonga, asi atebh bẹ wọọọọọọọ. 12Wa ọrạngkpaang otebhi ma ọyagbin k'iwu arạbh afa, ọttạra nnunguwu arạbh afa.
13Ma iwu njọ jạnẹ, Noa ọttạra iva pẹ p'ade Shẹm, ọttạra Ham, ọttạra Japhẹt, ọttạra ikwanạng kw'Noa, ọttạra ipanạng p'iva pẹ, anwa k'ọkpaar ngwọ. 14Wa abẹ anwa k'ọkpaar ngwọ ọttạra mkpaten phyi-phyibh, ator k'akhira pabẹ, ọttạra itirakpo phyi-phyibh, ator k'akhira pabẹ, ọttạra ọttọhk fidede f'n'osenga k'isisek, ator k'akhira pabẹ, ọttạra ọnọhn phyi-phyibh, ator k'akhira pabẹ, ọttạra ọttọhk fidede f'omeni abạbaang. 15Ekpo phyibh py'irukhu akpen esengi k'ẹfa-k'ẹfa etor Noa ẹnwa k'ọkpaar ngwọ. 16Wa nten s'inwa ma ọkpaar ngwọ ide udim ọttạra ikwa f'ọttọhk fidede f'urukhu akpen, otor k'oche kw'Ubinọkpaabyi kk'Noa ọtọhna. Ma wọ Ọvaar Ubinọkpaabyi obheni ukhubh okpora Noa kha ẹtaanga.
17Asi afona ororo achi ọyagbin k'iwu arạbh afa, apyẹ ẹnwa tạrr eyebh ọkpaar ngwọ anạna k'asi k'ẹrạng. 18Asi akwu afu ma ọyagbin bẹ byẹrr, ọkpaar n'ofobh k'asi k'ẹrạng. 19Asi anwa tạrr ẹfhạrọ akpecho p'agor-ogoru phyibh ma ọyagbin. 20Asi anwa afhạrọ akpecho tạrr apyẹ edong ẹyọhnga ntwạkhọ ẹrạbh. 21Ekpo phyi-phyibh py'n'esenga k'isisek epe, tạma k'ọnọhn, ọttạra nten s'asi, kpira k'itirakpo, tạrr oseng k'mkpaten, ọttạra ekpo phyibh py'ifu ma ọyagbin, ọttạra ayokhanạng phyi-phyibh. 22Fidede f'uning k'igbin, f'n'ọgwạkhọ ọyọhng, ope. 23Oche ngwọ gwọ kw'Ubinọkpaabyi udimi ọttọhk fidede f'urukhu akpen k'ọyagbin, tạma k'ayokhanạng kpira k'nten, tạrr oseng k'ekpo py'n'esenga k'isisek, ọttạra ọnọhn f'ẹrạng. Wa n'urikhi Noa ọttạra ayok mbọkha p'aning abẹ k'ọkpaar ẹtaanga.
24Wa asi mbọ achi ọyagbin k'iwu arạbh asenọfa ukuma jobh.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Ichedendik 7: mfn-x-os
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission
Ichedendik 7
7
Oche kw'uwa asi achi ọyagbin
1Ma wọ Ọvaar Ubinọkpaabyi obeni Noa bẹ́, “Tima ẹchọhmfhạr chọ nwa k'ọkpaar, ukwuru bẹ́, amma kk'nsia bẹ́, ọma wọ ade ọnạng kw'otor-otor ma igbọ nna. 2K'nten s'ibaan k'ẹja fạfọhnọ, tạkha k'mfa-k'mfa k'ukhira kwabẹ k'ibyi isenọfa, udim ọttạra ikwa, atima anwa ma ọkpaar ngwọ. N'ode nten s'nạn k'ẹjafọhna níbaana, tạkha udim ọttạra ikwa k'ukhira kwabẹ, 3abạra atạkha ọnọhn osenọfa-osenọfa k'ukhira kwidede kwabẹ, udim ọttạra ikwa, ọfha ọnọhn-khira fidede uruk akpen ma ọyagbin. 4K'iwu isenọfa k'ititikha, amma m'ntebh ọrạngkpaang k'iwu arạbh afa ọttạra nnunguwu arạbh afa ma ọyagbin, mbạra ndimi ọttọhk fidede f'uning akpen f'kk'nsia ma ọyagbin.”
5Wa Noa usi udik kwidede kw'Ọvaar Ubinọkpaabyi ọtọhn-ẹ.
6Wa Noa ode icho ẹnọhna ukuma arạbh jobh k'okpe kw'asi achi ọyagbin.
7Noa utim iva pẹ, ọttạra ikwanạng kwẹ, ọttạra ipanạng p'iva pẹ, ọnwa k'ọkpaar ngwọ, ọfha abẹ annaanga ẹnwanwa njọ. 8Nten k'mfa-k'mfa s'ibaan k'ẹjafọhna, ọttạra k'mfa-k'mfa s'nạn k'ẹjafọhna níbaana, oseng k'ọnọhn ọttạra ekpo py'n'ẹsenga k'isisek, 9udim ọttạra ikwa, n'asenga akhebha Noa, ẹbạra ẹnwa k'ọkpaar ngwọ, k'oche kw'Ubinọkpaabyi kk'Noa ọtọhna. 10Masẹ iwu nnọ isenọfa kk'isenga, asi anwa achi ọyagbin.
11K'okpe kw'Noa n'ode icho ẹnọhna ukuma arạbh jobh, k'iwu chikhamfa k'ophye kw'ottong afa, ẹjọ ch'asi adwu k'isisek bẹ brubrubru, ẹrạng ẹbạra ewonga, asi atebh bẹ wọọọọọọọ. 12Wa ọrạngkpaang otebhi ma ọyagbin k'iwu arạbh afa, ọttạra nnunguwu arạbh afa.
13Ma iwu njọ jạnẹ, Noa ọttạra iva pẹ p'ade Shẹm, ọttạra Ham, ọttạra Japhẹt, ọttạra ikwanạng kw'Noa, ọttạra ipanạng p'iva pẹ, anwa k'ọkpaar ngwọ. 14Wa abẹ anwa k'ọkpaar ngwọ ọttạra mkpaten phyi-phyibh, ator k'akhira pabẹ, ọttạra itirakpo phyi-phyibh, ator k'akhira pabẹ, ọttạra ọttọhk fidede f'n'osenga k'isisek, ator k'akhira pabẹ, ọttạra ọnọhn phyi-phyibh, ator k'akhira pabẹ, ọttạra ọttọhk fidede f'omeni abạbaang. 15Ekpo phyibh py'irukhu akpen esengi k'ẹfa-k'ẹfa etor Noa ẹnwa k'ọkpaar ngwọ. 16Wa nten s'inwa ma ọkpaar ngwọ ide udim ọttạra ikwa f'ọttọhk fidede f'urukhu akpen, otor k'oche kw'Ubinọkpaabyi kk'Noa ọtọhna. Ma wọ Ọvaar Ubinọkpaabyi obheni ukhubh okpora Noa kha ẹtaanga.
17Asi afona ororo achi ọyagbin k'iwu arạbh afa, apyẹ ẹnwa tạrr eyebh ọkpaar ngwọ anạna k'asi k'ẹrạng. 18Asi akwu afu ma ọyagbin bẹ byẹrr, ọkpaar n'ofobh k'asi k'ẹrạng. 19Asi anwa tạrr ẹfhạrọ akpecho p'agor-ogoru phyibh ma ọyagbin. 20Asi anwa afhạrọ akpecho tạrr apyẹ edong ẹyọhnga ntwạkhọ ẹrạbh. 21Ekpo phyi-phyibh py'n'esenga k'isisek epe, tạma k'ọnọhn, ọttạra nten s'asi, kpira k'itirakpo, tạrr oseng k'mkpaten, ọttạra ekpo phyibh py'ifu ma ọyagbin, ọttạra ayokhanạng phyi-phyibh. 22Fidede f'uning k'igbin, f'n'ọgwạkhọ ọyọhng, ope. 23Oche ngwọ gwọ kw'Ubinọkpaabyi udimi ọttọhk fidede f'urukhu akpen k'ọyagbin, tạma k'ayokhanạng kpira k'nten, tạrr oseng k'ekpo py'n'esenga k'isisek, ọttạra ọnọhn f'ẹrạng. Wa n'urikhi Noa ọttạra ayok mbọkha p'aning abẹ k'ọkpaar ẹtaanga.
24Wa asi mbọ achi ọyagbin k'iwu arạbh asenọfa ukuma jobh.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission