1 Samwẹl 3
3
Ọvaar Ubinọkpaabyi oyeri Samwẹl
1Wa udikkobh-nwa kw'ode Samwẹl n'usi ọtọhm k'isekhisek kw'Ẹli, k'ititikha s'Ọvaar Ubinọkpaabyi. Ma okpe ngwọ, ọkhar-ọkhaarẹ bẹ́ ọnạng ọbhaanga ẹyaakha ch'Ọvaar Ubinọkpaabyi, anạng p'n'ase iyaan nábạra asaabha.
2K'irunguwu jạnẹ, Ẹli kw'uwa nạn adạkhẹ iyaan mororo kạnóse, uyim k'ibyiyimasẹ sẹ. 3Okpe kw'utukkạng kw'Ubinọkpaabyi nạn tạm núdima, wa Samwẹl uyim k'ibyirukhasẹ s'Ọvaar Ubinọkpaabyi, k'ibyi s'ikwukwur s'echekha ch'Ubinọkpaabyi ining. 4Ma wọ Ọvaar Ubinọkpaabyi oyeri Samwẹl.
Samwẹl ochera bẹ́, “Attitte, kkeri amma ma.”
5Ọrạbh okhebha Ẹli, ọben bẹ́, “Kkeri amma ma, ọma wọ ayer-m.”
Okhenkha, Ẹli ubhin-ẹ bẹ́, “Amma khọ nạ́nyera, kpa nnạm ata ayima.” Ma wọ Samwẹl ọta uyima.
6Ọvaar Ubinọkpaabyi ọbạra oyer-ẹ, “Samwẹl.” Samwẹl ọbạra ubina okhebha Ẹli, ọbẹ́, “Kkeri amma ma e, ọma wọ ayer-m.”
Ẹli ubhin-ẹ bẹ́, “Nnwa kwaam, amma kọ nạ́nyera, kpa nnạm ata ayima.”
7Wa Samwẹl Ọvaar Ubinọkpaabyi tạma nósonga, abẹ ẹyaakha ch'ọtọhnga kw'Ọvaar Ubinọkpaabyi tạma násia anạng-ẹ.
8Ọvaar Ubinọkpaabyi oyeri Samwẹl ottong nden nttaan, Samwẹl ubina ọta okhebha Ẹli, ọbẹ́, “Kkeri amma ma, ọma wọ ayer-m.”
Ma wọ Ẹli n'utini bẹ́, Ọvaar Ubinọkpaabyi wọ n'oyeri udikobh-nwa nwọ. 9Ma wọ, Ẹli n'obeni Samwẹl bẹ, “Ọma sọhng ata ayima. De oyer-ọ dạkhẹ, ben bẹ́, ‘Ọvaar Ubinọkpaabyi, kpaak, khiri amma ọtọhmnạng kwọ n'nka nkhọhmọ itọhng.’ ’’ Ma wọ, Samwẹl ofon ọta uyima k'ibyi sẹ.
10Ọvaar Ubinọkpaabyi ukwu obe ma, oyeri oche kwa wạra n'oyeri, ọbẹ́, “Samwẹl, Samwẹl o!”
Ma wọ Samwẹl ubhin bẹ́, “Kpaak, khiri amma ọtọhmnạng kwọ n'nka nkhọmọ itọhng.”
11Ma wọ Ọvaar Ubinọkpaabyi n'obeni Samwẹl bẹ́, “Kker e, amma n'mben bẹ́ nsi udik k'Israẹl, kwa m'okkona ọnạng kwidede kw'ọbhaang kwẹ. 12Ma iwu njọ ma, amma m'nsi udik kwidede kwa kk'nchekha nnạng ẹchọhmfhạr ch'Ẹli, gwạnọ-gwạnọ múrik. 13Amma m'nsi oche ngwọ ukwuru bẹ, amma mkpaakh-ẹ bẹ́, m'mkpaara iponga s'ẹchọhmfhạr chẹ k'ipimmanitor, ukwuru ipyibha ch'ẹma oyeni osong. Chibhi s'ajunungva pẹ annukhu Ubinọkpaabyi, bẹ eden nọ́kpa a. 14Ma wọ, nchekhi nnạng ẹchọhmfhạr ch'Ẹli bẹ́, ‘Ẹjafọhnọ kède, ẹnạnga kẹ́bra ede ch'm'ekpobhu iponga-pyibha s'ẹchọhmfhạr ch'Ẹli.’ ”
15Wa Samwẹl uyim tạrr iwu echobha, ubina ugwunga ammakhubh p'ọchọhm kw'Ọvaar Ubinọkpaabyi. Wa ojor-ẹ bẹ́, ọkpaak Ẹli udik kw'ose, 16okhenka, wa Ẹli oyer-ẹ, ọbẹ, “Nnwa kwaam, Samwẹl.”
Samwẹl ochera bẹ, “Oo! Kkeri amma ma e.”
17Ẹli ọbạbh-ẹ bẹ́, “Ẹma ọkpaakh-ọ yạn o? Khaam udik kádubh o. Tte Ubinọkpaabyi ọnạng-ọ irem s'ibaan-ọ, ode adubh-m udik kwidede kw'ọkpaakh-ọ.” 18Ma wọ, Samwẹl ọkpaakh-ẹ udik kwidede, gwạnọ-gwạnọ khẹ núdubha. Ma o, Ẹli n'obeni bẹ́, “Ẹma wọ ode Ọvaar Ubinọkpaabyi e, tte usi oche kw'ọdaakh-ẹ.”
19Masẹ Samwẹl n'ọbạr, wa Ọvaar Ubinọkpaabyi uning abẹ, ọbạra usi udik kwidede kw'Samwẹl ọkpaakhẹ, ọkhaama ẹyaakha. 20Wa anạng p'Israẹl phyi-phyibh, tạma k'Dan tạrr ukpira k'Beershẹba, acher k'udik ọkka bẹ́, Samwẹl ode usi-ẹyaakha kw'Ọvaar Ubinọkpaabyi. 21Wa Ọvaar Ubinọkpaabyi ofon ororo n'usi ẹyaakha ch'ifor sẹ k'Shilo, ma Shilo wọ n'usi ẹyaakha ch'ifor sẹ ọnạng Samwẹl.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 Samwẹl 3: mfn-x-os
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission
1 Samwẹl 3
3
Ọvaar Ubinọkpaabyi oyeri Samwẹl
1Wa udikkobh-nwa kw'ode Samwẹl n'usi ọtọhm k'isekhisek kw'Ẹli, k'ititikha s'Ọvaar Ubinọkpaabyi. Ma okpe ngwọ, ọkhar-ọkhaarẹ bẹ́ ọnạng ọbhaanga ẹyaakha ch'Ọvaar Ubinọkpaabyi, anạng p'n'ase iyaan nábạra asaabha.
2K'irunguwu jạnẹ, Ẹli kw'uwa nạn adạkhẹ iyaan mororo kạnóse, uyim k'ibyiyimasẹ sẹ. 3Okpe kw'utukkạng kw'Ubinọkpaabyi nạn tạm núdima, wa Samwẹl uyim k'ibyirukhasẹ s'Ọvaar Ubinọkpaabyi, k'ibyi s'ikwukwur s'echekha ch'Ubinọkpaabyi ining. 4Ma wọ Ọvaar Ubinọkpaabyi oyeri Samwẹl.
Samwẹl ochera bẹ́, “Attitte, kkeri amma ma.”
5Ọrạbh okhebha Ẹli, ọben bẹ́, “Kkeri amma ma, ọma wọ ayer-m.”
Okhenkha, Ẹli ubhin-ẹ bẹ́, “Amma khọ nạ́nyera, kpa nnạm ata ayima.” Ma wọ Samwẹl ọta uyima.
6Ọvaar Ubinọkpaabyi ọbạra oyer-ẹ, “Samwẹl.” Samwẹl ọbạra ubina okhebha Ẹli, ọbẹ́, “Kkeri amma ma e, ọma wọ ayer-m.”
Ẹli ubhin-ẹ bẹ́, “Nnwa kwaam, amma kọ nạ́nyera, kpa nnạm ata ayima.”
7Wa Samwẹl Ọvaar Ubinọkpaabyi tạma nósonga, abẹ ẹyaakha ch'ọtọhnga kw'Ọvaar Ubinọkpaabyi tạma násia anạng-ẹ.
8Ọvaar Ubinọkpaabyi oyeri Samwẹl ottong nden nttaan, Samwẹl ubina ọta okhebha Ẹli, ọbẹ́, “Kkeri amma ma, ọma wọ ayer-m.”
Ma wọ Ẹli n'utini bẹ́, Ọvaar Ubinọkpaabyi wọ n'oyeri udikobh-nwa nwọ. 9Ma wọ, Ẹli n'obeni Samwẹl bẹ, “Ọma sọhng ata ayima. De oyer-ọ dạkhẹ, ben bẹ́, ‘Ọvaar Ubinọkpaabyi, kpaak, khiri amma ọtọhmnạng kwọ n'nka nkhọhmọ itọhng.’ ’’ Ma wọ, Samwẹl ofon ọta uyima k'ibyi sẹ.
10Ọvaar Ubinọkpaabyi ukwu obe ma, oyeri oche kwa wạra n'oyeri, ọbẹ́, “Samwẹl, Samwẹl o!”
Ma wọ Samwẹl ubhin bẹ́, “Kpaak, khiri amma ọtọhmnạng kwọ n'nka nkhọmọ itọhng.”
11Ma wọ Ọvaar Ubinọkpaabyi n'obeni Samwẹl bẹ́, “Kker e, amma n'mben bẹ́ nsi udik k'Israẹl, kwa m'okkona ọnạng kwidede kw'ọbhaang kwẹ. 12Ma iwu njọ ma, amma m'nsi udik kwidede kwa kk'nchekha nnạng ẹchọhmfhạr ch'Ẹli, gwạnọ-gwạnọ múrik. 13Amma m'nsi oche ngwọ ukwuru bẹ, amma mkpaakh-ẹ bẹ́, m'mkpaara iponga s'ẹchọhmfhạr chẹ k'ipimmanitor, ukwuru ipyibha ch'ẹma oyeni osong. Chibhi s'ajunungva pẹ annukhu Ubinọkpaabyi, bẹ eden nọ́kpa a. 14Ma wọ, nchekhi nnạng ẹchọhmfhạr ch'Ẹli bẹ́, ‘Ẹjafọhnọ kède, ẹnạnga kẹ́bra ede ch'm'ekpobhu iponga-pyibha s'ẹchọhmfhạr ch'Ẹli.’ ”
15Wa Samwẹl uyim tạrr iwu echobha, ubina ugwunga ammakhubh p'ọchọhm kw'Ọvaar Ubinọkpaabyi. Wa ojor-ẹ bẹ́, ọkpaak Ẹli udik kw'ose, 16okhenka, wa Ẹli oyer-ẹ, ọbẹ, “Nnwa kwaam, Samwẹl.”
Samwẹl ochera bẹ, “Oo! Kkeri amma ma e.”
17Ẹli ọbạbh-ẹ bẹ́, “Ẹma ọkpaakh-ọ yạn o? Khaam udik kádubh o. Tte Ubinọkpaabyi ọnạng-ọ irem s'ibaan-ọ, ode adubh-m udik kwidede kw'ọkpaakh-ọ.” 18Ma wọ, Samwẹl ọkpaakh-ẹ udik kwidede, gwạnọ-gwạnọ khẹ núdubha. Ma o, Ẹli n'obeni bẹ́, “Ẹma wọ ode Ọvaar Ubinọkpaabyi e, tte usi oche kw'ọdaakh-ẹ.”
19Masẹ Samwẹl n'ọbạr, wa Ọvaar Ubinọkpaabyi uning abẹ, ọbạra usi udik kwidede kw'Samwẹl ọkpaakhẹ, ọkhaama ẹyaakha. 20Wa anạng p'Israẹl phyi-phyibh, tạma k'Dan tạrr ukpira k'Beershẹba, acher k'udik ọkka bẹ́, Samwẹl ode usi-ẹyaakha kw'Ọvaar Ubinọkpaabyi. 21Wa Ọvaar Ubinọkpaabyi ofon ororo n'usi ẹyaakha ch'ifor sẹ k'Shilo, ma Shilo wọ n'usi ẹyaakha ch'ifor sẹ ọnạng Samwẹl.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission