1 Samwẹl 12
12
Ikpongannạm-dik s'Samwẹl
1Ma wọ, Samwẹl ọkpaakhẹ anạng p'Israẹl phyi-phyibh bẹ́, “Amma kk'itọhng nkhọma k'udik kwidede kw'abạnga akpaakh-m, kk'bạnga ọvaarnạng mbạra nnạnga kw'm'ọdạbh bạnga. 2Mantọhmma abạnga kk'ọvaarnạng akhaama kw'm'utima bạnga eden. De n'ode amma kk'ntạma, mbạra mmen isọbh, ọttạra bẹ, ajunungva paam aning bạnga abẹ ma. Amma kk'bạnga ndạbha tạma k'idikobh chaam tạrr ukpira k'iwu ch'chemma. 3Mbe ma bẹ́, abạnga akpaakh-m ipyibha chidede ch'nsi, ma ititikha s'Ọvaar Ubinọkpaabyi ọttạra nwọ kw'kk'ana obyenga k'echo. Anẹ wọ kw'kk'ẹbhaam chẹ ntạkha? Anẹ wọ kw'kk'ẹnnyạnyaang chẹ ntạkha? Anẹ wọ kw'kk'ntwukha? Anẹ wọ kw'kk'nchokha k'irem? K'mbọhk s'anẹ wọ kw'kk'ngwu ntạkha ọfha nsenga ma mbubha ipyibha? Ode kk'udik gwạnọ-gwạnọ nsia ma idik nna, atekh-m ọfha ntạma twutwuk.”
4Abẹ abhina bẹ́, “Mạna tạma nátwukha, mạna k'irem náchokha, s'akwẹ obobe ode, ọttọhk f'ọnạng nátạkha.”
5Samwẹl ubhina bẹ́, “Tte Ọvaar Ubinọkpaabyi, ọttạra nwọ kw'kk'ana obyenga k'echo ade nttẹnsẹ chemma bẹ́, abạnga khaam udik násia.”
Abẹ aben bẹ́, “Uwe e, ẹma wọ ode nttẹnsẹ e.”
6Ma wọ, Samwẹl obeni anạng mbọ bẹ́, “Ọvaar Ubinọkpaabyi wọ wa orengi Mosẹs ọttạra Aarọn, ọbạra utima ab'atte pabạnga ubina k'Ijip. 7Ma o, abạnga abe ma, ọfha mkpaak bạnga ma ititikha s'Ọvaar Ubinọkpaabyi, mbạra njima bạnga idik s'itor-otor phyi-phyibh s'ẹma kk'usia ọnạng bạnga ọttạra abatte.
8“Masẹ Jekọb ọnwa k'Ijip, abẹ agạm ẹkkaana anạng Ọvaar Ubinọkpaabyi. Wa Ọvaar Ubinọkpaabyi ọtọhmọ Mosẹs ọttạra Aarọn p'atim ab'atte pabạnga abina k'Ijip akwu achok ma ibyi nna.
9“Okhenkha, abẹ abonu Ọvaar Ubinọkpaabyi kwabẹ; osenga ma, Ubinọkpaabyi otte bẹ ọbọhk ọnạng Sisẹra, kw'ode utim-eden kw'akpongnạng p'Hazọ, ọbạra otte bẹ ọbọhk ọnạng aPhilistiya, ọttạra ọvaarnạng kw'Moab, p'arim bẹ abẹ. 10Abẹ agạm anạng Ọvaar Ubinọkpaabyi aben bẹ́, ‘Amạna kk'ipyibha ansia; amạna kk'nnạm amkpa amvạra Ọvaar Ubinọkpaabyi amkpobha ikha s'Baal, ọttạra akpatava p'Ashtọrẹt. Okhenkha, mantọhmma, rạbha mạna k'mbọhk s'awawunanạng pamạna, ọfha amkpobh-ọ.’ 11Ma wọ, Ọvaar Ubinọkpaabyi ọtọhmọ Jerubaal, ọttạra Barak, ọttạra Jẹphta, ọttạra Samwẹl, ọrạbha bạnga k'mbọhk s'awawunanạng pabạnga k'eden chidede, ọfha abạnga asenga ma aruk k'idira.
12“Okhenkha, masẹ abạnga ase bẹ ọvaar Nahash kw'ọdạbhẹ Ammọn n'osenga ukwu bẹ́ urima bạnga abẹ, abạnga afhum-m aben bẹ́, ‘Mma e, amạna mba annoru ọvaarnạng kw'm'ọdạbh mạna e,’ ọbạra ode bẹ́, Ọvaar Ubinọkpaabyi kw'ode Ubinọkpaabyi kwabạnga wọ ode bạnga ọvaarnạng o. 13Mantọhmma, abạnga akkeri ọvaarnạng kw'abạnga kk'arenga ma, nwọ kw'abạnga abạbhọ. Kker e, Ọvaar Ubinọkpaabyi kk'bạnga ọvaarnạng ọnạnga e. 14De abạnga akhaam ojora f'Ọvaar Ubinọkpaabyi, abạnga akpobh-ẹ, abạra asạkha echo anạng-ẹ, abạnga echọ nákpọhkha, ọttạra abẹ, de abạngama, ọttạra ọvaarnạng kw'ọdạbhẹ bạnga, acher k'Ọvaar Ubinọkpaabyi kw'ode Ubinọkpaabyi kwabạnga, m'ujibh-ujibh ọnạng bạnga. 15Okhenkha, de abạnga nạn echo násạkha anạng Ọvaar Ubinọkpaabyi, abạnga afhum nnyina sẹ chuchok, m'ọnạng bạnga irem oche kw'uwa ọnạng ab'atte pabạnga.
16“Mantọhmma, abạnga ado abe, abạnga m'ase udik-dim kw'Ọvaar Ubinọkpaabyi n'oben bẹ́, usi ma abạnga k'ititikha. 17Okpe kw'iphya s'awit sạng ma? Amma m'nyeri Ọvaar Ubinọkpaabyi ọtọhm ẹbhaamkpon ọttạra ọrạngkpang, ọfha abạnga asonga ipyibha khira ch'abạnga asi k'ititikha s'Ọvaar Ubinọkpaabyi, s'abạnga aroru ọvaarnạng.”
18Ma o, Samwẹl oyeri Ọvaar Ubinọkpaabyi, ma iwu njọ-njọ Ọvaar Ubinọkpaabyi ọtọhm ẹbhaamkpon ọttạra ọrạngkpang. Osenga ma, anạng phyibh n'aning k'ojora f'Ọvaar Ubinọkpaabyi, ọttạra f'Samwẹl.
19Anạng mbọ phyibh n'abeni Samwẹl bẹ́, “Se njọhm nạng Ọvaar Ubinọkpaabyi, kw'ode Ubinọkpaabyi kwọ k'ncho s'atọhmnạng pọ, ọfha nạngẹ ampe, khiri amạna kk'ipyibha ansia anttạra k'mpyibha, k'igbaan s'annoru bẹ́, ankhaama ọvaarnạng.”
20Samwẹl ubhin bẹ bẹ́, “Tte nạng bạnga ojor, abạnga kk'mpyibha asia; oseng mạma, abạnga Ọvaar Ubinọkpaabyi nnạm kákpa avạra, akhenka akpobha Ọvaar Ubinọkpaabyi ọttạra nttem sabạnga phyi-phyibh. 21Abạnga akpatava kákpobha khiri apyẹ ede ekpo ajaakha, apyẹ bạnga ijibha jạnẹ-jạnẹ mẹ́nạng, bạnga mẹ́bạra ẹkkaana, ukwuru bẹ́, apyẹ ede ekpo ajaakha. 22Ukwuru abạrada p'eche chẹ, Ọvaar Ubinọkpaabyi bạnga múfhum, ukwuru bẹ́, ẹma oyeni ọdaakh-ẹ bẹ́, ọtạkha bạnga usi anạng pẹ. 23De n'ode amma, tte akw'ode ọdachendik bẹ, amma m'nsi ipyibha k'ititikha s'Ọvaar Ubinọkpaabyi, bẹ, nkkuma njọhm sise nnạng bạnga. Amma m'mbạra mkpebhi bạnga udik ọkka ọttạra s'itor-otor. 24Okhenkha, abạnga akhonga akhaama ojora f'Ọvaar Ubinọkpaabyi, abạnga akpobh-ẹ ọttạra nttem sabạnga phyibh; abạnga abạra ajima idik-dim s'kk'usia ọnạng bạnga. 25Okhenkha, de abạnga afon ororo asi ọgbaan, abạngama ọtạra ọvaarnạng m'adimi phyibh.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 Samwẹl 12: mfn-x-os
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission
1 Samwẹl 12
12
Ikpongannạm-dik s'Samwẹl
1Ma wọ, Samwẹl ọkpaakhẹ anạng p'Israẹl phyi-phyibh bẹ́, “Amma kk'itọhng nkhọma k'udik kwidede kw'abạnga akpaakh-m, kk'bạnga ọvaarnạng mbạra nnạnga kw'm'ọdạbh bạnga. 2Mantọhmma abạnga kk'ọvaarnạng akhaama kw'm'utima bạnga eden. De n'ode amma kk'ntạma, mbạra mmen isọbh, ọttạra bẹ, ajunungva paam aning bạnga abẹ ma. Amma kk'bạnga ndạbha tạma k'idikobh chaam tạrr ukpira k'iwu ch'chemma. 3Mbe ma bẹ́, abạnga akpaakh-m ipyibha chidede ch'nsi, ma ititikha s'Ọvaar Ubinọkpaabyi ọttạra nwọ kw'kk'ana obyenga k'echo. Anẹ wọ kw'kk'ẹbhaam chẹ ntạkha? Anẹ wọ kw'kk'ẹnnyạnyaang chẹ ntạkha? Anẹ wọ kw'kk'ntwukha? Anẹ wọ kw'kk'nchokha k'irem? K'mbọhk s'anẹ wọ kw'kk'ngwu ntạkha ọfha nsenga ma mbubha ipyibha? Ode kk'udik gwạnọ-gwạnọ nsia ma idik nna, atekh-m ọfha ntạma twutwuk.”
4Abẹ abhina bẹ́, “Mạna tạma nátwukha, mạna k'irem náchokha, s'akwẹ obobe ode, ọttọhk f'ọnạng nátạkha.”
5Samwẹl ubhina bẹ́, “Tte Ọvaar Ubinọkpaabyi, ọttạra nwọ kw'kk'ana obyenga k'echo ade nttẹnsẹ chemma bẹ́, abạnga khaam udik násia.”
Abẹ aben bẹ́, “Uwe e, ẹma wọ ode nttẹnsẹ e.”
6Ma wọ, Samwẹl obeni anạng mbọ bẹ́, “Ọvaar Ubinọkpaabyi wọ wa orengi Mosẹs ọttạra Aarọn, ọbạra utima ab'atte pabạnga ubina k'Ijip. 7Ma o, abạnga abe ma, ọfha mkpaak bạnga ma ititikha s'Ọvaar Ubinọkpaabyi, mbạra njima bạnga idik s'itor-otor phyi-phyibh s'ẹma kk'usia ọnạng bạnga ọttạra abatte.
8“Masẹ Jekọb ọnwa k'Ijip, abẹ agạm ẹkkaana anạng Ọvaar Ubinọkpaabyi. Wa Ọvaar Ubinọkpaabyi ọtọhmọ Mosẹs ọttạra Aarọn p'atim ab'atte pabạnga abina k'Ijip akwu achok ma ibyi nna.
9“Okhenkha, abẹ abonu Ọvaar Ubinọkpaabyi kwabẹ; osenga ma, Ubinọkpaabyi otte bẹ ọbọhk ọnạng Sisẹra, kw'ode utim-eden kw'akpongnạng p'Hazọ, ọbạra otte bẹ ọbọhk ọnạng aPhilistiya, ọttạra ọvaarnạng kw'Moab, p'arim bẹ abẹ. 10Abẹ agạm anạng Ọvaar Ubinọkpaabyi aben bẹ́, ‘Amạna kk'ipyibha ansia; amạna kk'nnạm amkpa amvạra Ọvaar Ubinọkpaabyi amkpobha ikha s'Baal, ọttạra akpatava p'Ashtọrẹt. Okhenkha, mantọhmma, rạbha mạna k'mbọhk s'awawunanạng pamạna, ọfha amkpobh-ọ.’ 11Ma wọ, Ọvaar Ubinọkpaabyi ọtọhmọ Jerubaal, ọttạra Barak, ọttạra Jẹphta, ọttạra Samwẹl, ọrạbha bạnga k'mbọhk s'awawunanạng pabạnga k'eden chidede, ọfha abạnga asenga ma aruk k'idira.
12“Okhenkha, masẹ abạnga ase bẹ ọvaar Nahash kw'ọdạbhẹ Ammọn n'osenga ukwu bẹ́ urima bạnga abẹ, abạnga afhum-m aben bẹ́, ‘Mma e, amạna mba annoru ọvaarnạng kw'm'ọdạbh mạna e,’ ọbạra ode bẹ́, Ọvaar Ubinọkpaabyi kw'ode Ubinọkpaabyi kwabạnga wọ ode bạnga ọvaarnạng o. 13Mantọhmma, abạnga akkeri ọvaarnạng kw'abạnga kk'arenga ma, nwọ kw'abạnga abạbhọ. Kker e, Ọvaar Ubinọkpaabyi kk'bạnga ọvaarnạng ọnạnga e. 14De abạnga akhaam ojora f'Ọvaar Ubinọkpaabyi, abạnga akpobh-ẹ, abạra asạkha echo anạng-ẹ, abạnga echọ nákpọhkha, ọttạra abẹ, de abạngama, ọttạra ọvaarnạng kw'ọdạbhẹ bạnga, acher k'Ọvaar Ubinọkpaabyi kw'ode Ubinọkpaabyi kwabạnga, m'ujibh-ujibh ọnạng bạnga. 15Okhenkha, de abạnga nạn echo násạkha anạng Ọvaar Ubinọkpaabyi, abạnga afhum nnyina sẹ chuchok, m'ọnạng bạnga irem oche kw'uwa ọnạng ab'atte pabạnga.
16“Mantọhmma, abạnga ado abe, abạnga m'ase udik-dim kw'Ọvaar Ubinọkpaabyi n'oben bẹ́, usi ma abạnga k'ititikha. 17Okpe kw'iphya s'awit sạng ma? Amma m'nyeri Ọvaar Ubinọkpaabyi ọtọhm ẹbhaamkpon ọttạra ọrạngkpang, ọfha abạnga asonga ipyibha khira ch'abạnga asi k'ititikha s'Ọvaar Ubinọkpaabyi, s'abạnga aroru ọvaarnạng.”
18Ma o, Samwẹl oyeri Ọvaar Ubinọkpaabyi, ma iwu njọ-njọ Ọvaar Ubinọkpaabyi ọtọhm ẹbhaamkpon ọttạra ọrạngkpang. Osenga ma, anạng phyibh n'aning k'ojora f'Ọvaar Ubinọkpaabyi, ọttạra f'Samwẹl.
19Anạng mbọ phyibh n'abeni Samwẹl bẹ́, “Se njọhm nạng Ọvaar Ubinọkpaabyi, kw'ode Ubinọkpaabyi kwọ k'ncho s'atọhmnạng pọ, ọfha nạngẹ ampe, khiri amạna kk'ipyibha ansia anttạra k'mpyibha, k'igbaan s'annoru bẹ́, ankhaama ọvaarnạng.”
20Samwẹl ubhin bẹ bẹ́, “Tte nạng bạnga ojor, abạnga kk'mpyibha asia; oseng mạma, abạnga Ọvaar Ubinọkpaabyi nnạm kákpa avạra, akhenka akpobha Ọvaar Ubinọkpaabyi ọttạra nttem sabạnga phyi-phyibh. 21Abạnga akpatava kákpobha khiri apyẹ ede ekpo ajaakha, apyẹ bạnga ijibha jạnẹ-jạnẹ mẹ́nạng, bạnga mẹ́bạra ẹkkaana, ukwuru bẹ́, apyẹ ede ekpo ajaakha. 22Ukwuru abạrada p'eche chẹ, Ọvaar Ubinọkpaabyi bạnga múfhum, ukwuru bẹ́, ẹma oyeni ọdaakh-ẹ bẹ́, ọtạkha bạnga usi anạng pẹ. 23De n'ode amma, tte akw'ode ọdachendik bẹ, amma m'nsi ipyibha k'ititikha s'Ọvaar Ubinọkpaabyi, bẹ, nkkuma njọhm sise nnạng bạnga. Amma m'mbạra mkpebhi bạnga udik ọkka ọttạra s'itor-otor. 24Okhenkha, abạnga akhonga akhaama ojora f'Ọvaar Ubinọkpaabyi, abạnga akpobh-ẹ ọttạra nttem sabạnga phyibh; abạnga abạra ajima idik-dim s'kk'usia ọnạng bạnga. 25Okhenkha, de abạnga afon ororo asi ọgbaan, abạngama ọtạra ọvaarnạng m'adimi phyibh.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©️2025 West Africa Christian Mission