Yohanna 8
8
Nuɗi kǝssandǝ fee ɗar fǝlaukǝta
1Kǝɗu Pǝɗak Yesu kafǝr kǝ nggwal Zaitun. 2Walwurtaˈan nggǝrkǝ Yesu yim ndǝ kǝ Wiri Farta. Nat nafcha ɓakandǝ kǝmɗiyan, chok kan ha nakan chaˈandat har. 3Fee nech kǝ fǝ Chaˈandǝ kusiˈ i Musa kaɗi tǝ Farisiyawecha ɓakandǝ tǝ nunefa thla kǝssandǝ fee ɗar fǝlaukǝta. Thlaran kandǝ ha hur ɗǝfi tǝ nanda. 4Ndang kandǝ Yesu wa, “Thlǝ Chaˈanan kaɗi, nuɗiya kǝssanchi fee ɗar fǝlaukǝta. 5Kusiˈ i Musa mbuˈichan wa kǝ mǝmakaˈǝn fa tǝ ɗakwancha kǝ mǝra. Mǝ natu mbuˈtǝ kǝ ɗaran?” #Lfr 20:10; Msh 22:22-24 6Chihecha ndǝ mii ɗiya kǝthlǝm kǝ kaɗa nda, kǝ mbǝssandǝ tǝ ǝnfa thla nat ndǝ ɗǝt mǝk wanharan. kǝɗu Yesu kopkan ha nggak kan yarat tǝ wanherˈyan ǝ haha.
7Kǝ ɗǝkandǝ kǝ pang tǝ chihan miichǝ Yesu, thlaˈ kan kit. Ndang kan tanda wa, “Thla tamwakchǝ chit ɓǝɓifata hurwun kǝ nggak tǝ mǝk anchi tǝ ɗekwena.” 8Nggǝr kǝ Yesu nggut ha, nakan yarat haha. 9Kǝ sǝk kandǝ kǝɗu, nggak kandǝ chet kesh mǝɗan artǝ arta, nggaktǝ paktǝ nafcha, kǝn fee mal Yesu tǝ nunafan ndak ǝ panggǝn nan. 10Pan kǝ Yesu ha chihan kan mee tǝ ndat wa, “Nunefa ai tanda? Yowunsi chaku chǝ mee wa?”
11Ndan kan wa, “Auwa, thlǝ maanda, yowunsǝ wa.” Ndak Yesu wa, “Nggǝt paɗ ni chaku mee wa. Wiˈu wiˈtiyo. Thlaˈ tǝ ɓukwiya kǝ nggirin chit ɓǝɓifata wa.”
Yesu nech kǝ ɗaˈkǝti heshi
12Kǝn Yesu nggǝr shenuˈandǝ nafcha nda kan wa, “Nggǝt nech kǝ ɗaˈkǝti heshi. Chika wuni nech para nenchi nech wiˈ hur wuthla wa, tǝ kǝɗu nan mbesh ɗaˈkǝta thla thlǝ fǝrchǝ shishingnda.”
13Farisiyawecha ndan kandǝ Yesu wa, “Tǝ nen fǝr sǝnda kǝ ɗar indiyo, shinˈinnisi kǝ indiyoyu chok wa kǝ kaɗan wa.” #Yoh 5:31
14Nggǝman kǝ Yesu wa, “Chika fǝrchi sǝnan kǝ indinchi, fǝrchi sǝnan kǝ indinchi kǝ kaɗan. Kǝthlǝm sǝninchi mǝɗi ɓati, tǝ paɗ mǝɗi nati ɗǝta. Kun ǝ sǝnwowun mǝɗi ɓati wa ndu mǝɗi nati ɗǝta wa. 15Kun thlǝ chak chowun mee kǝ yi fata. Nggǝt paɗaa, chaka wi mee nefa wa. 16Chika tǝni chakan mee nefa, chak meˈinchi kit, kǝthlǝm ngga nggǝt ichinnǝ thlǝ chak chǝ mee wa, nggǝt tǝ Chinda thla thlǝnchi nenchi. 17Hur Kusiˈyowun yaran fee ha tǝ ndat wa, ma fǝr nafchi chap sǝnda kǝ dar ndikta, chokchan kǝ kit. 18Nggǝt thlǝ fǝrchǝ sǝnan kǝ indinchi, Papa tǝɗi thlǝnchi nenchi mǝthlan paɗ fǝr sǝnan kǝ nenchi.”
19Chihan kandǝ mee tǝ ndat wa, “Nech Chu tǝɗiya ǝ ayi?”
Nggǝman kǝ Yesu nda kan wa, “Sǝn wowun nenchi wa, paɗ sǝnwowun Papa wa. Mamwa tǝ sǝnwun nenchi, mǝ sǝnwun Papa paɗ.”
20Mbuˈchǝ Yesu ndiktǝɗiya fartǝ ɗi natǝn chaˈandǝ kaɗi nduk tǝ mǝɗi thlǝ ɗǝf tǝ fee kǝnau pafǝn ha hur Wiri Farta. Nat kǝɗu yowunsi kǝsancha wa, kǝthlǝm saˈwu wanshengnan ˈyan kwaɗǝn wa.
Mǝɗi nati ɗǝta nggowun mbahǝn ɗǝ wa
21Kǝthlǝm ndaˈan nda kan wa, “Ni chit wiˈta, nowun kaa nenchi, nowun mǝrtǝ hur ɓǝɓifechˈyowun. Mǝ ɗi nati ɗǝt paɗ, nowun mbahǝn ɗǝ wa.”
22Kǝthlǝm ndaˈan, Yahudawecha nda kanda wa, “Tǝn ɓǝlandǝ indiyan hacha wa? Ndakan tin wa, ‘Mǝɗi nati ɗǝta, nowun mbahǝn ɗǝ wa?’”
23Ndan kan tanda wa, “Kun nechowun ǝ heshiɗiya, nggǝta ɓechi fǝrta. Kun yi heshiɗiya, nggǝta ngga yi heshiɗiya wa. Ndaˈan chicha ndowun ndi wa, ngga yi heshiɗiya naki wa. 24Ndaˈan ndati wa nowun mǝrtǝ hur ɓǝɓifechˈyowun. Kǝthlǝm ma fǝrwowun kit wa, nggǝta ɗi ndati wa nggǝta wa, nowun mǝrta hur ɓǝɓifechˈyowun.”
25Kǝɗu chihan kandǝ mee Yesu ndang ka nda wa, “Wun nako?”
Nggǝman kǝ Yesu tanda wa, nggǝt nech kǝ thla thlǝ nati mbuˈowunda ǝ tǝrkwathl kanan ndat wa nggǝtniya. 26“Ichissi terchan thla nati mbuˈta kǝ indiyowun, kǝ chaki mee paɗ. Kǝɗu thla thlǝnchi nenchi thlǝ mbuˈ kit. Ənɗi thlǝ mbuˈandi nat nafchi heshi, ndaˈan sǝkti mǝɗiyan.”
27Sǝn wanda wa tǝn ndiktǝ kǝ ɗar Farta thla nech kǝ Chinda wa. 28Ndak Yesu wa, “Fartǝɗi thlaˈi tǝ wun nggǝta Waˈi Nefa, Fartaˈan natwun sǝnda wa nggǝt nech kǝ mǝthlan. Nowun sǝnda wa chiwi ǝn tǝ alkǝt indinchi wa, kǝɗu thlǝ mbuˈchi ǝnɗi ndi tǝ Papa wa kǝ mbuˈi ndak. 29Thla thlǝnchi nenchi mǝthlan tǝ nggǝta, malwa nenchi ichinna wa, kǝthlǝm chika kwati thlǝ chichi ǝnɗi yahtǝn.” 30Kǝ nak Yesu mbuˈ ichiɗiya, nafchǝ terchan fǝrchǝ kit kǝ ndi.
Kittaˈan nan hǝraˈowunda
31Nak Yesu nda ndǝ Yahudawechaˈan fee fǝrchi kit kǝ anchi wa, “Ma ǝ kǝswun chaˈatinchi har ndiˈchan, kittaˈan kun kǝmsichinchi. 32Nowun sǝn kittaˈan, kittaˈan paɗ nan hǝraˈowunda nda.”
33Nggǝman kanda wa, “Nggaˈan nech kǝ kwathl Ibrahim, tamwaˈan choktǝ kǝ mafati yowuna wa. Kan tǝ kǝni natu ndat wa naa fee kal nggaˈan ha.” 34Nggǝman kǝ Yesu tanda wa, “Kittaˈan nati mbuˈowunda, nat thla thlǝ nech naa ndǝ chit ɓǝɓifat fa, mafati ɓǝɓifat nakan. 35Chok wu mafata kǝ wan wira kǝ kwekǝɗan wa, wan wuran ndak thlǝ chokcha kǝ pori. 36Kǝthlǝm ndaˈan ma ǝ kal Wanan wunchi ha, nowun nat kǝ kwathl chaˈan ha yi kit. 37Sǝninchi wa kun kwathl Ibrahim, nat tǝ kǝɗu nakowun kata kǝ ɓǝlichǝwun, kǝthlǝm thlǝwowun ndiktinchi wa. 38Tǝni mbuˈ ǝnɗi nati mǝɗi Chinda, kun paɗ nakowun chit ǝnɗi sǝktǝwun mǝɗi Chinwun.”
Chinwun nech kǝ Hweˈrǝ
39Nggǝman kanda nda kanda wa, “Ibrahim nech kǝ Chin ǝn.”
Ndang kǝ Yesu tanda wa, “Mamwa chinwun nech kǝ Ibrahim, mǝ chiwun tarɗi chit Ibrahim. 40Nakanya nakowun kata kǝ ɓǝlichǝwun, nggǝt nefɗi mbuˈowunchi kittaˈan tǝɗi sǝkti mǝɗi Farta. Thleya ngga ndaˈan nech kǝ ǝnɗi chit Ibrahim wa. 41Kǝthlǝm ndaˈan tǝthl chiwun tarɗi thlǝ chit chinwun.”
Ndan kanda wa, “Nggǝt wufee nggaˈan tǝ fǝlaukǝta wa. Chin ǝn arta, mǝthlan nech kǝ Farta.”
42Ndankǝ Yesu tanda wa, “Mamwa Farta nech kǝ Chinwun mǝ yah wun nenchi. Kǝthlǝm ɓechi mǝɗi Farta, Ɓawi tǝ alkǝt indinchi wa, Fartǝ thlǝnchi nenchi. 43Kǝthlǝm mǝi thlǝ wathlowunwak tǝ ndiktinchi? Kǝthlǝm mbahǝnwowun kǝrǝs sǝk ndiktinchi wa. 44Kun chinwun Hweˈra, yahti wanɗǝkaɗech yowun kǝ chiwun ǝnɗi yahtǝ chinwun. Thlǝ ɓǝlfat nakan ǝ tǝrkwathl kanan, chok wa kǝ ɗar kit wa, kǝthlǝm ǝ kitsi hurˈyan wa. Nat fartǝɗi natǝn lekta tǝn chit ǝnɗi nech hurˈyan ndak, kǝthlǝm thlǝ lektǝ nakan, paɗ chin fǝ lekcha. 45Kǝɗu kǝthlǝm tǝ mbuˈi kit, chika kǝɗu fǝrwowun kit kǝ nenchi wa. 46Wun hur wun nech ndat wa taminchi chit ɓǝɓifata? Ma kit thlǝ mbuˈti, kǝthlǝm mei fǝrwaktǝ wun kit kǝ nenchi? 47Nat nafɗi nech kǝ yi Farta thlǝ kanchan thlǝmat ndikti Farta. Ənɗi chich thlǝ sǝk waktǝ wun ndikti Farta, kǝthlǝm kun ngga yi Fartǝ nakowun wa.”
Kan Ibrahim Nggǝta
48Nggǝman kǝ Yahudawecha nda kanda wa, “Awi ngga kitˈya mbuˈtǝ ǝn wa chǝ thlǝ Samariyawata wa paɗ hwaˈarchǝ fiyo?”
49Nggǝman kǝ Yesu ndakan wa, “Nggǝt hwaˈarchǝ finchi wa. Papa thlǝ manaandi, kun paɗ fǝriwowun maanda wa. 50Ngga tǝni kan indinchi maandǝs wa. Yowunsi nech kitǝsi, mǝthlan paɗ nech kǝ thlǝ chak mee. 51Kittaˈan, nggǝt mbuˈowunda, nat thla parech ndiktinchi har nech mǝrwa.”
52Ndan kǝ Yahudawechaˈan wa, “Nakanya sǝn ǝnwa hwaˈarchǝ fiyo. Ibrahim miri, kǝɗu paɗ fǝ mbanchi Farta mǝrnda, chika tǝ kǝɗu nako ndat wa, ‘Chika wun sǝkchǝ ndiktinchi, nggech mǝrwa kǝ poriˈ.’ 53Mbireen chin ǝn Ibrahim ha thla mǝrcha wa? Fǝ mbanchi Farta paɗ mǝrnda. Thlǝ kaɗecho wa wun nako?”
54Nggǝman kǝ Yesu ndakan wa, “Ma ǝ maanani indinchi, maan indinchi ngga nechan meˈi ǝna wa. Thla nech maanita mǝthlan nech kǝ Papa, thla thlǝ ndatwun yu wa mǝthlan nech kǝ Fartiyowun. 55Kun sǝnwowun anchi wa, nggǝta ǝ sǝninchi anchi. Mamwa tǝ ndi wa sǝnwi anchi wa, mǝ chokkin chi kǝ thlǝ lektǝ kǝɗ kun. Kǝɗu sǝninchi anchi, thlǝ parechi ndiktiyan. 56Chinwun Ibrahim mbǝntǝ fat fǝ kaan kǝthlǝm kǝ naa fartǝɗi nati ɓat kǝ hur heshi, paɗ ni tǝ nenchi, mbǝntǝ fat kaan.”
57Ndan kǝ Yahudawechaˈan wa, “Chika nakanya sheˈwen hurat kum chit ɗǝrman kwaɗǝn wa, kǝ nen ndat wa ǝ niin Ibrahim wa?”
58Ndankǝ Yesu tanda wa, “Kittaˈan nggǝt mbuˈowunda, ǝ nggǝt wu fee Ibrahim wa nggǝt si.” 59Kǝthlǝm ndaˈan harkandǝ ɗakwancha kǝ mǝmakandǝ fa. Wuɓkǝ Yesu, chekan kesh wiri Farta.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yohanna 8: GQA
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©2025 Luke Initiative for Scripture Translation
Yohanna 8
8
Nuɗi kǝssandǝ fee ɗar fǝlaukǝta
1Kǝɗu Pǝɗak Yesu kafǝr kǝ nggwal Zaitun. 2Walwurtaˈan nggǝrkǝ Yesu yim ndǝ kǝ Wiri Farta. Nat nafcha ɓakandǝ kǝmɗiyan, chok kan ha nakan chaˈandat har. 3Fee nech kǝ fǝ Chaˈandǝ kusiˈ i Musa kaɗi tǝ Farisiyawecha ɓakandǝ tǝ nunefa thla kǝssandǝ fee ɗar fǝlaukǝta. Thlaran kandǝ ha hur ɗǝfi tǝ nanda. 4Ndang kandǝ Yesu wa, “Thlǝ Chaˈanan kaɗi, nuɗiya kǝssanchi fee ɗar fǝlaukǝta. 5Kusiˈ i Musa mbuˈichan wa kǝ mǝmakaˈǝn fa tǝ ɗakwancha kǝ mǝra. Mǝ natu mbuˈtǝ kǝ ɗaran?” #Lfr 20:10; Msh 22:22-24 6Chihecha ndǝ mii ɗiya kǝthlǝm kǝ kaɗa nda, kǝ mbǝssandǝ tǝ ǝnfa thla nat ndǝ ɗǝt mǝk wanharan. kǝɗu Yesu kopkan ha nggak kan yarat tǝ wanherˈyan ǝ haha.
7Kǝ ɗǝkandǝ kǝ pang tǝ chihan miichǝ Yesu, thlaˈ kan kit. Ndang kan tanda wa, “Thla tamwakchǝ chit ɓǝɓifata hurwun kǝ nggak tǝ mǝk anchi tǝ ɗekwena.” 8Nggǝr kǝ Yesu nggut ha, nakan yarat haha. 9Kǝ sǝk kandǝ kǝɗu, nggak kandǝ chet kesh mǝɗan artǝ arta, nggaktǝ paktǝ nafcha, kǝn fee mal Yesu tǝ nunafan ndak ǝ panggǝn nan. 10Pan kǝ Yesu ha chihan kan mee tǝ ndat wa, “Nunefa ai tanda? Yowunsi chaku chǝ mee wa?”
11Ndan kan wa, “Auwa, thlǝ maanda, yowunsǝ wa.” Ndak Yesu wa, “Nggǝt paɗ ni chaku mee wa. Wiˈu wiˈtiyo. Thlaˈ tǝ ɓukwiya kǝ nggirin chit ɓǝɓifata wa.”
Yesu nech kǝ ɗaˈkǝti heshi
12Kǝn Yesu nggǝr shenuˈandǝ nafcha nda kan wa, “Nggǝt nech kǝ ɗaˈkǝti heshi. Chika wuni nech para nenchi nech wiˈ hur wuthla wa, tǝ kǝɗu nan mbesh ɗaˈkǝta thla thlǝ fǝrchǝ shishingnda.”
13Farisiyawecha ndan kandǝ Yesu wa, “Tǝ nen fǝr sǝnda kǝ ɗar indiyo, shinˈinnisi kǝ indiyoyu chok wa kǝ kaɗan wa.” #Yoh 5:31
14Nggǝman kǝ Yesu wa, “Chika fǝrchi sǝnan kǝ indinchi, fǝrchi sǝnan kǝ indinchi kǝ kaɗan. Kǝthlǝm sǝninchi mǝɗi ɓati, tǝ paɗ mǝɗi nati ɗǝta. Kun ǝ sǝnwowun mǝɗi ɓati wa ndu mǝɗi nati ɗǝta wa. 15Kun thlǝ chak chowun mee kǝ yi fata. Nggǝt paɗaa, chaka wi mee nefa wa. 16Chika tǝni chakan mee nefa, chak meˈinchi kit, kǝthlǝm ngga nggǝt ichinnǝ thlǝ chak chǝ mee wa, nggǝt tǝ Chinda thla thlǝnchi nenchi. 17Hur Kusiˈyowun yaran fee ha tǝ ndat wa, ma fǝr nafchi chap sǝnda kǝ dar ndikta, chokchan kǝ kit. 18Nggǝt thlǝ fǝrchǝ sǝnan kǝ indinchi, Papa tǝɗi thlǝnchi nenchi mǝthlan paɗ fǝr sǝnan kǝ nenchi.”
19Chihan kandǝ mee tǝ ndat wa, “Nech Chu tǝɗiya ǝ ayi?”
Nggǝman kǝ Yesu nda kan wa, “Sǝn wowun nenchi wa, paɗ sǝnwowun Papa wa. Mamwa tǝ sǝnwun nenchi, mǝ sǝnwun Papa paɗ.”
20Mbuˈchǝ Yesu ndiktǝɗiya fartǝ ɗi natǝn chaˈandǝ kaɗi nduk tǝ mǝɗi thlǝ ɗǝf tǝ fee kǝnau pafǝn ha hur Wiri Farta. Nat kǝɗu yowunsi kǝsancha wa, kǝthlǝm saˈwu wanshengnan ˈyan kwaɗǝn wa.
Mǝɗi nati ɗǝta nggowun mbahǝn ɗǝ wa
21Kǝthlǝm ndaˈan nda kan wa, “Ni chit wiˈta, nowun kaa nenchi, nowun mǝrtǝ hur ɓǝɓifechˈyowun. Mǝ ɗi nati ɗǝt paɗ, nowun mbahǝn ɗǝ wa.”
22Kǝthlǝm ndaˈan, Yahudawecha nda kanda wa, “Tǝn ɓǝlandǝ indiyan hacha wa? Ndakan tin wa, ‘Mǝɗi nati ɗǝta, nowun mbahǝn ɗǝ wa?’”
23Ndan kan tanda wa, “Kun nechowun ǝ heshiɗiya, nggǝta ɓechi fǝrta. Kun yi heshiɗiya, nggǝta ngga yi heshiɗiya wa. Ndaˈan chicha ndowun ndi wa, ngga yi heshiɗiya naki wa. 24Ndaˈan ndati wa nowun mǝrtǝ hur ɓǝɓifechˈyowun. Kǝthlǝm ma fǝrwowun kit wa, nggǝta ɗi ndati wa nggǝta wa, nowun mǝrta hur ɓǝɓifechˈyowun.”
25Kǝɗu chihan kandǝ mee Yesu ndang ka nda wa, “Wun nako?”
Nggǝman kǝ Yesu tanda wa, nggǝt nech kǝ thla thlǝ nati mbuˈowunda ǝ tǝrkwathl kanan ndat wa nggǝtniya. 26“Ichissi terchan thla nati mbuˈta kǝ indiyowun, kǝ chaki mee paɗ. Kǝɗu thla thlǝnchi nenchi thlǝ mbuˈ kit. Ənɗi thlǝ mbuˈandi nat nafchi heshi, ndaˈan sǝkti mǝɗiyan.”
27Sǝn wanda wa tǝn ndiktǝ kǝ ɗar Farta thla nech kǝ Chinda wa. 28Ndak Yesu wa, “Fartǝɗi thlaˈi tǝ wun nggǝta Waˈi Nefa, Fartaˈan natwun sǝnda wa nggǝt nech kǝ mǝthlan. Nowun sǝnda wa chiwi ǝn tǝ alkǝt indinchi wa, kǝɗu thlǝ mbuˈchi ǝnɗi ndi tǝ Papa wa kǝ mbuˈi ndak. 29Thla thlǝnchi nenchi mǝthlan tǝ nggǝta, malwa nenchi ichinna wa, kǝthlǝm chika kwati thlǝ chichi ǝnɗi yahtǝn.” 30Kǝ nak Yesu mbuˈ ichiɗiya, nafchǝ terchan fǝrchǝ kit kǝ ndi.
Kittaˈan nan hǝraˈowunda
31Nak Yesu nda ndǝ Yahudawechaˈan fee fǝrchi kit kǝ anchi wa, “Ma ǝ kǝswun chaˈatinchi har ndiˈchan, kittaˈan kun kǝmsichinchi. 32Nowun sǝn kittaˈan, kittaˈan paɗ nan hǝraˈowunda nda.”
33Nggǝman kanda wa, “Nggaˈan nech kǝ kwathl Ibrahim, tamwaˈan choktǝ kǝ mafati yowuna wa. Kan tǝ kǝni natu ndat wa naa fee kal nggaˈan ha.” 34Nggǝman kǝ Yesu tanda wa, “Kittaˈan nati mbuˈowunda, nat thla thlǝ nech naa ndǝ chit ɓǝɓifat fa, mafati ɓǝɓifat nakan. 35Chok wu mafata kǝ wan wira kǝ kwekǝɗan wa, wan wuran ndak thlǝ chokcha kǝ pori. 36Kǝthlǝm ndaˈan ma ǝ kal Wanan wunchi ha, nowun nat kǝ kwathl chaˈan ha yi kit. 37Sǝninchi wa kun kwathl Ibrahim, nat tǝ kǝɗu nakowun kata kǝ ɓǝlichǝwun, kǝthlǝm thlǝwowun ndiktinchi wa. 38Tǝni mbuˈ ǝnɗi nati mǝɗi Chinda, kun paɗ nakowun chit ǝnɗi sǝktǝwun mǝɗi Chinwun.”
Chinwun nech kǝ Hweˈrǝ
39Nggǝman kanda nda kanda wa, “Ibrahim nech kǝ Chin ǝn.”
Ndang kǝ Yesu tanda wa, “Mamwa chinwun nech kǝ Ibrahim, mǝ chiwun tarɗi chit Ibrahim. 40Nakanya nakowun kata kǝ ɓǝlichǝwun, nggǝt nefɗi mbuˈowunchi kittaˈan tǝɗi sǝkti mǝɗi Farta. Thleya ngga ndaˈan nech kǝ ǝnɗi chit Ibrahim wa. 41Kǝthlǝm ndaˈan tǝthl chiwun tarɗi thlǝ chit chinwun.”
Ndan kanda wa, “Nggǝt wufee nggaˈan tǝ fǝlaukǝta wa. Chin ǝn arta, mǝthlan nech kǝ Farta.”
42Ndankǝ Yesu tanda wa, “Mamwa Farta nech kǝ Chinwun mǝ yah wun nenchi. Kǝthlǝm ɓechi mǝɗi Farta, Ɓawi tǝ alkǝt indinchi wa, Fartǝ thlǝnchi nenchi. 43Kǝthlǝm mǝi thlǝ wathlowunwak tǝ ndiktinchi? Kǝthlǝm mbahǝnwowun kǝrǝs sǝk ndiktinchi wa. 44Kun chinwun Hweˈra, yahti wanɗǝkaɗech yowun kǝ chiwun ǝnɗi yahtǝ chinwun. Thlǝ ɓǝlfat nakan ǝ tǝrkwathl kanan, chok wa kǝ ɗar kit wa, kǝthlǝm ǝ kitsi hurˈyan wa. Nat fartǝɗi natǝn lekta tǝn chit ǝnɗi nech hurˈyan ndak, kǝthlǝm thlǝ lektǝ nakan, paɗ chin fǝ lekcha. 45Kǝɗu kǝthlǝm tǝ mbuˈi kit, chika kǝɗu fǝrwowun kit kǝ nenchi wa. 46Wun hur wun nech ndat wa taminchi chit ɓǝɓifata? Ma kit thlǝ mbuˈti, kǝthlǝm mei fǝrwaktǝ wun kit kǝ nenchi? 47Nat nafɗi nech kǝ yi Farta thlǝ kanchan thlǝmat ndikti Farta. Ənɗi chich thlǝ sǝk waktǝ wun ndikti Farta, kǝthlǝm kun ngga yi Fartǝ nakowun wa.”
Kan Ibrahim Nggǝta
48Nggǝman kǝ Yahudawecha nda kanda wa, “Awi ngga kitˈya mbuˈtǝ ǝn wa chǝ thlǝ Samariyawata wa paɗ hwaˈarchǝ fiyo?”
49Nggǝman kǝ Yesu ndakan wa, “Nggǝt hwaˈarchǝ finchi wa. Papa thlǝ manaandi, kun paɗ fǝriwowun maanda wa. 50Ngga tǝni kan indinchi maandǝs wa. Yowunsi nech kitǝsi, mǝthlan paɗ nech kǝ thlǝ chak mee. 51Kittaˈan, nggǝt mbuˈowunda, nat thla parech ndiktinchi har nech mǝrwa.”
52Ndan kǝ Yahudawechaˈan wa, “Nakanya sǝn ǝnwa hwaˈarchǝ fiyo. Ibrahim miri, kǝɗu paɗ fǝ mbanchi Farta mǝrnda, chika tǝ kǝɗu nako ndat wa, ‘Chika wun sǝkchǝ ndiktinchi, nggech mǝrwa kǝ poriˈ.’ 53Mbireen chin ǝn Ibrahim ha thla mǝrcha wa? Fǝ mbanchi Farta paɗ mǝrnda. Thlǝ kaɗecho wa wun nako?”
54Nggǝman kǝ Yesu ndakan wa, “Ma ǝ maanani indinchi, maan indinchi ngga nechan meˈi ǝna wa. Thla nech maanita mǝthlan nech kǝ Papa, thla thlǝ ndatwun yu wa mǝthlan nech kǝ Fartiyowun. 55Kun sǝnwowun anchi wa, nggǝta ǝ sǝninchi anchi. Mamwa tǝ ndi wa sǝnwi anchi wa, mǝ chokkin chi kǝ thlǝ lektǝ kǝɗ kun. Kǝɗu sǝninchi anchi, thlǝ parechi ndiktiyan. 56Chinwun Ibrahim mbǝntǝ fat fǝ kaan kǝthlǝm kǝ naa fartǝɗi nati ɓat kǝ hur heshi, paɗ ni tǝ nenchi, mbǝntǝ fat kaan.”
57Ndan kǝ Yahudawechaˈan wa, “Chika nakanya sheˈwen hurat kum chit ɗǝrman kwaɗǝn wa, kǝ nen ndat wa ǝ niin Ibrahim wa?”
58Ndankǝ Yesu tanda wa, “Kittaˈan nggǝt mbuˈowunda, ǝ nggǝt wu fee Ibrahim wa nggǝt si.” 59Kǝthlǝm ndaˈan harkandǝ ɗakwancha kǝ mǝmakandǝ fa. Wuɓkǝ Yesu, chekan kesh wiri Farta.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
©2025 Luke Initiative for Scripture Translation