مَرْقُس 13

عَلامَة آخِر الزَّمَن

1و وَكِت ما هو كان يَمرُق مِن الهيكَل، واحِد مِن تَلاميذو قال ليهو: ”يا مُعَلِّم، شوف الحُجار الكُبار ديل! و البِنايات الجَّميلَه دي.“ 2و يَسُوع قال ليهو: ”تَشوف البِنايات العَظيمَه دي؟ ما بِخَلّو هِنا حَجَر عَلى حَجَر أبَداً الما يَرموها تِحِت.“

3و وَكِت ما يَسُوع كان قاعِد عَلى جَبَل الزّيتون مِقابِل الهيكَل، بُطْرُس و يَعْقُوب و يُوحَنَّا و أنْدَرَاوُس سألوهو و هُم بَراهُم، و قالو: 4”كَلِّمنا، الحاجَه دي بِتكون مِتين؟ و شِنو العَلامَه لَمّا كُل الحاجات دي قَرَّبَت تَتِم؟“ 5و يَسُوع إبتَدا يَقول ليهُم: ”خَلّو بالكُم عَشان واحِد ما بِغِشّكُم. 6ناس كُتار بِجو بِإسمي و بِقولو: أنا هو! و هُم بِغِشّو ناس كَتيرين. 7و لَمّا تَسمَعو عَن حُروب و خَبَر حُروب، ما تَخافو. لازِم الحاجات دي تَحصَل. لَكِن لِسَّع ما تَكون النِّهايَه. 8عَشان أُمَّه بِتقوم عَلى أُمَّه و مَملَكَه عَلى مَملَكَه. و بِتكون في زَلازِل في مَحَلّات مُختَلِفَه. و بِكون جوع. دي بِدايَة الأوجاع.

9لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم. 10و في الأوَّل لازِم بِبَشِّرو بِالإنجيل لِكُل الأُمَم. 11و لَمّا بِسوقوكُم لِلقَضيَّه، و يَسَلِّموكُم، ما تَفَكِّرو كَتير قُبّال الوَكِت عَن الإنتو بِتقولوها. لَكِن إتكَلَّمو زي ما الله بِدّي ليكُم في السّاعَه ديك، عَشان ما إنتو المِتكَلِّمين، لَكِن الرّوح القُدُس. 12و الأخو بِسَلِّم أخوهو لِلموت، و الأبو وَلَدو. و الأولاد بِقومو عَلى #13‏:12 والِد، والِدين: أبو و أُم. والِدينُم و بِكونو السَّبَب عَشان يَكتُلوهُم. 13و النّاس كُلّو بِكرَهوكُم عَشان خاطِر إسمي. لَكِن #13‏:13 إتحَمَّل، يِتحَمَّل: يَشيل التَّعب بِصَبر؛ يَثبُت.اليِتحَمَّل لِغايَة الآخِر بِيَخلَص.

14و لَمّا تَشوفو الشّي النَّجِس اليَخرَب، واقِف في المَحَل الما لازِم يَكون في، (خَلّي اليَقرا يَفهَم)، في الوَكِت دا، 15خَلّوهُم الفي يَهُودِيَّه يَهرُبو لِلجِّبال، و هو الفي بَرَّه مِن بيتو ما يَرجَع و يَدخُل بيتو عَشان يَشيل حاجَه. 16و هو الفي الزِّراعَه ما يَرجَع عَشان ياخُد توبو. 17و حُزن لِلحامِلين و #13‏:17 رَضَّعَت، تَرَضِّع: تَدّي لَبَن مِن الصَّدر.اليَرَضِّعو أولادُم في الأيام ديك! 18و صَلّو إنّو ما يَحصُل في الخَريف. 19عَلَشان الأيام ديك بِتكون أيام #13‏:19 ضيق: تَعب شَديد خالِص.الضّيق. و ما كان في ضيق زي دا مِن وَكِت ما الله خَلَق الدُّنيا لِغايَة هَسَّع، و ما بِكون ضيق زي دا أبَداً. 20و إذا الرَّب ما كان #13‏:20 قَصَّر، يَقَصِّر: يَعمِل قِصَير.قَصَّر الأيام، ما في واحِد كان يَخلَص. و لَكِن فِشان المُختارين الإختارُم، هو قَصَّر الأيام. 21و في الوَكِت داك، إذا واحِد بِقول ليكُم: شوفو! أهو دا المَسيح! ولّا: شوفو! هو هِناك! ما تَصَدِّقوهو. 22عَشان #13‏:22 مَسيح، مُسَحَهمُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن). 23و لَكِن خَلّو بالكُم، أنا خَبَّرتَكُم بِكُلّو شي مِن قُبّال.

24و لَكِن في الأيام ديلاك، بَعَد الضّيق داك،

الشَّمِش بِتكون ضُلُمَّه،

25و القَمَر ما بِدّي نورو.

و النُّجوم بِيَقَعو مِن السَّما،

و القُوّات الفي السَّما بِتهَزّو.

26في الوَكِت داك، بِشوفو إبن الإنسان جاي في سَحاب بِقُوَّه كَبيرَه و بِمَجد. 27و في الوَكِت داك بِرَسِّل المَلائكَه، و بِلِم المُختارين مِن المَحَلّات التَّجو مِنَّها الأربَعَه #13‏:27 ريح، أرياحأرياح، و مِن آخِر الدُّنيا لِآخِر السَّما.

28مِن شَجَرَة التّين، إتعَلَّمو المَثَل. أوَّل ما الفَرَع يَبقى لَيِّن، و الوَرَق يَطلَع، إنتو بِتَعرِفو الخَريف قَريب. 29و كِدا كَمان، لَمّا تَشوفو الحاجات دي تَحصُل، بِتَعرِفو هو قَريب، عَلى الباب. 30أقول ليكُم الحَق، ناس الزَّمَن دا ما بِفوتو لِغايَة ما يَحصُل كُلّو دا. 31السَّما و الأرض بِفوتو، و لَكِن كَلامي ما بِفوت.

32لَكِن بِخُصوص اليوم داك و السّاعَه ديك، ما في واحِد يَعرِف عَنّو، و لا المَلائكَه الفي السَّما، و لا الإبن، إلّا الأبو. 33خَلّو بالكُم، و أحرِسو، و صَلّو. عَشان إنتو ما بِتَعرِفو الوَكِت. 34هو زي زول مِسافِر. لَمّا يَسيب بيتو، يَدّي لِخَدّامينو السُّلطَه، لِكُلّو واحِد في شُغلو. و يأمُر البَوّاب أن يَحرَس. 35عَلَشان دا، أحرِسو، عَشان إنتو ما بِتَعرِفو الوَكِت البِجي فيهو رَب البيت، إذا في المِسا، ولّا في نُص اللّيل، ولّا وَكِت كوراك الدّيك، ولّا في الصَّباح. 36إذا بِجي بِدون خَبَر، ما تَخَلّوهو يَلقاكُم نايمين. 37و الأنا بَقولو ليكُم، بَقولو لِلكُل: أحرِسو.“

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

مَرْقُس 13: APD2024

ಹೈಲೈಟ್ ಮಾಡಿ

ಹಂಚಿಕೊಳ್ಳಿ

ಕಾಪಿ