Къанун 22
22
1Дуда бихьани чияр гӀака ялъуни чахъу, рехъадасаги батӀалъун, нух къосун ккун букӀин, гьеб бихьичӀеб хвел гьабуге – хважаинасухъе щвезабе. 2Гьев чи дудаса рикӀкӀада ватани яги хӀайваналъул хважаин щив кколевали дуда лъалеб батичӀони, гьеб духъего баче; гьелда хадув хважаин вачӀинегӀан дурго рокъобги хьихьун, цинги нахъе кье. 3Гьединго гьабе чияр хӀама, ретӀел яги бокьараб лъихъаниги билараб жо батани. Кумек гьабичӀого аскӀоса унге.
4Дуда бихьани лъилниги хӀама яги оц гӀодоб ккун букӀин, бихьичӀеб хвелги гьабун, нахъе унге. Гьелъул хважаинасе кумек гьабе гьел тӀаде рахъинаризе. 5ЧӀужугӀаданалъ бихьинчиясул партал ретӀине бегьуларо, бихьинчияс чӀужугӀаданалъул парталги ретӀине бегьуларо, щайгурелъул гьединаб иш гьабулев чи БЕТӀЕРГЬАН Аллагьасе кутакалда рихарав вуго.
6Нухда унелъул, гъотӀода тӀад ялъуни гӀодоб нухда хӀанчӀил бусен батани ва гьениб жиндирго тӀанчӀигун яги ханалгун эбелаб хӀинчӀ батани, хӀинчӀги гьелъул тӀанчӀиги цадахъ росуге дуего. 7Дуца тӀанчӀи росизе бегьула, амма гьезул эбел биччанте. Гьедин гьабуни, дуе лъикӀ букӀина ва халатаб гӀумруги кьела. 8ЦӀияб мина балаго, гьелъул тӀохалъул рагӀаллъабазда сверун жо ккве#22:8 НекӀсияб ГӀизраилалда минаялъул тӀох тӀепараб букӀунаан ва гьеб хӀалтӀизабулаан рагъи хӀисабалда, гьединлъидал рагӀалккун тӀох сверун жо кколаан, гьениса тохлъукьего гӀодове чи вортичӀого вукӀине., гьениса гӀодове щивго вортичӀого вукӀине ва дурго рукъалде бидул хӀакъги ккечӀого букӀине.
9ЦӀолбол ахикь цоги батӀияб хьон чӀоге, чӀани гьеб кинабго дуе хӀарамаб букӀине буго – дуца чӀараб хьоналъул бачӀинги, цӀолбол гъабуялъул пихъги. 10Оцги хӀамаги цадахъ цо пуруц-рукьалда баге. 11Квасул ва лъолъол кунги цадахъ хӀалтӀизабун гьабураб ххамил букъараб партал ретӀунге. 12Дуцаго ретӀунеб парталалъул ахада ункъабго бокӀнида гӀертелал#22:12 Гьел гӀертелал рукӀана БетӀергьанасул къанунал кидаго ракӀалда чӀезариялъул гӀаламатлъун (Тар. 15:38). рукъе.
Ригьнал хӀакъалъулъ къанунал
13Пуланав чияс пуланай яс жиндиего лъадилъун ячани, амма гьелда аскӀов вегун хадуб гьесие гьей йокьичӀони 14ва гьелъул хӀакъалъулъ мацӀал гьаризе жувани: ‘Дица дой гӀадан ячана, амма гьелда аскӀов вегидал, гьей ясгӀадан ятичӀо’, – янги абун, 15биччанте ясалъул эбел-инсуца гьей ясгӀадан йикӀарайлъи тасдикъ гьабулеб хӀужа босизе шагьаралъул кавабахъе кӀудиял чагӀазухъе. 16Ва биччанте инсуца кӀудиял чагӀазда абизе: Дица дирго яс кьуна гьав чиясе росасе, гьанжейин абуни, гьесие гьей рихун йиго. 17‘Дур яс ясгӀадан йигин абизе бакӀ дида батичӀо’, – янги абун, гьав чияс бугьтанал лъолел руго дир ясалда. Гьале гьей ясгӀадан йикӀарайлъи бихьизабулеб хӀужа.
Цинги шаршав бихьизабе кӀудиял чагӀазда. 18Гьебмехалъ кӀудиял чагӀаз гьев чиясе тамихӀ гьабизе ккола. 19Гьединго гьесухъа гӀакӀа бахъизе ккола – нусго шекел бацӀцӀадаб гӀарцул#22:19 ГӀага-шагарго 1100 гр. – ва гьеб кьезе ккола ясалъул инсуе. Гьев чияс ГӀизраилалъул ясгӀаданалъул рахъалъ квешаб хабар тӀибитӀизабун бугелъул! Гьейги гьесул лъадилъун хутӀила ва гӀумруялъго гьейгун ватӀалъизе гьесие ихтиярги букӀинаро. 20Амма гьесул рагӀи битӀараб батани, гьей ясгӀаданги йикӀун ятичӀони, 21биччанте гьей гӀадан гьелъул инсул минаялъул кавудухъе ячине. Гьений шагьаралъул бихьиназ гьей ганчӀица чӀвазе ккола, ГӀизраилил халкъалда гьоркьоб сурараб иш гьабуралъухъ – жиндирго инсул рокъой йикӀаго саяхъго хьвадаралъухъ. Гьединаб квешлъи нужедаго гьоркьоса тӀагӀинабе!
22Чияр лъадигун цониги чи вегун вукӀаравлъи тӀатани, гьел кӀиялго чӀвазе ккола. Гьединаб квешлъи ГӀизраилалдаса тӀагӀинабе!
23Шагьаралда жаниб пуланав бихьинчиясда чияе абурай яс дандчӀвани ва гьев гьейгун вегани, 24гьел кӀиялго, шагьаралъул кавабахъеги рачун, гьенир ганчӀица чӀвазе ккола: яс – кумекалъе чагӀи ахӀичӀелъухъ, бихьинчиян абуни, жиндирго ракьцоясе абурай ясгӀадан басра гьаюралъухъ. Гьединаб квешлъи нужеда гьоркьоса тӀагӀинабе! 25Пуланав бихьинчияс, авлахъалда дандчӀварай ва чияе абурай ясалда тӀадеги лъугьун, гьей басра гьаюни, гӀицӀго бихьинчи чӀвазе ккола. 26Ясалъе кинабгӀаги тамихӀ гьабуге, щайгурелъул гьелъ щибго хвалие мустахӀикъаб жо гьабичӀелъул. Гьеб буго лъица букӀаниги, тохлъукьего тӀадги речӀчӀун, чи чӀвай гӀадаб жо. 27Авлахъалда йихьарай чияе абурай ясалда тӀаде лъугьидал гьев бихьинчи ва гьей ахӀданиги ахӀдечӀониги (кумек гьарун), гьелъие кумекалъе чи вукӀинчӀелъул.
28Кинав вукӀаниги бихьинчиясда йихьани жеги лъиего абичӀей ясгӀадан, ва гьев гьейгун вегани, ва гьел тӀад ккуни, 29гьес ясалъул инсуе кӀикъоялда анцӀго шекел#22:29 ГӀага-шагарго 550 гр. гӀарцул кьезе ккола, гьейги лъадилъун ячине ккола, гьей басра гьаюралъухъ. ГӀумруялъго гьейгун ватӀалъизе ихтияр гьечӀо гьесул. 30Цониги бихьинчи жиндирго инсул лъадигун вегизе бегьуларо, щайгурелъул гьеб иш эмен инжит гьави ккола.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Къанун 22: АварАК
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© Институт перевода Библии, 2005-2023
Къанун 22
22
1Дуда бихьани чияр гӀака ялъуни чахъу, рехъадасаги батӀалъун, нух къосун ккун букӀин, гьеб бихьичӀеб хвел гьабуге – хважаинасухъе щвезабе. 2Гьев чи дудаса рикӀкӀада ватани яги хӀайваналъул хважаин щив кколевали дуда лъалеб батичӀони, гьеб духъего баче; гьелда хадув хважаин вачӀинегӀан дурго рокъобги хьихьун, цинги нахъе кье. 3Гьединго гьабе чияр хӀама, ретӀел яги бокьараб лъихъаниги билараб жо батани. Кумек гьабичӀого аскӀоса унге.
4Дуда бихьани лъилниги хӀама яги оц гӀодоб ккун букӀин, бихьичӀеб хвелги гьабун, нахъе унге. Гьелъул хважаинасе кумек гьабе гьел тӀаде рахъинаризе. 5ЧӀужугӀаданалъ бихьинчиясул партал ретӀине бегьуларо, бихьинчияс чӀужугӀаданалъул парталги ретӀине бегьуларо, щайгурелъул гьединаб иш гьабулев чи БЕТӀЕРГЬАН Аллагьасе кутакалда рихарав вуго.
6Нухда унелъул, гъотӀода тӀад ялъуни гӀодоб нухда хӀанчӀил бусен батани ва гьениб жиндирго тӀанчӀигун яги ханалгун эбелаб хӀинчӀ батани, хӀинчӀги гьелъул тӀанчӀиги цадахъ росуге дуего. 7Дуца тӀанчӀи росизе бегьула, амма гьезул эбел биччанте. Гьедин гьабуни, дуе лъикӀ букӀина ва халатаб гӀумруги кьела. 8ЦӀияб мина балаго, гьелъул тӀохалъул рагӀаллъабазда сверун жо ккве#22:8 НекӀсияб ГӀизраилалда минаялъул тӀох тӀепараб букӀунаан ва гьеб хӀалтӀизабулаан рагъи хӀисабалда, гьединлъидал рагӀалккун тӀох сверун жо кколаан, гьениса тохлъукьего гӀодове чи вортичӀого вукӀине., гьениса гӀодове щивго вортичӀого вукӀине ва дурго рукъалде бидул хӀакъги ккечӀого букӀине.
9ЦӀолбол ахикь цоги батӀияб хьон чӀоге, чӀани гьеб кинабго дуе хӀарамаб букӀине буго – дуца чӀараб хьоналъул бачӀинги, цӀолбол гъабуялъул пихъги. 10Оцги хӀамаги цадахъ цо пуруц-рукьалда баге. 11Квасул ва лъолъол кунги цадахъ хӀалтӀизабун гьабураб ххамил букъараб партал ретӀунге. 12Дуцаго ретӀунеб парталалъул ахада ункъабго бокӀнида гӀертелал#22:12 Гьел гӀертелал рукӀана БетӀергьанасул къанунал кидаго ракӀалда чӀезариялъул гӀаламатлъун (Тар. 15:38). рукъе.
Ригьнал хӀакъалъулъ къанунал
13Пуланав чияс пуланай яс жиндиего лъадилъун ячани, амма гьелда аскӀов вегун хадуб гьесие гьей йокьичӀони 14ва гьелъул хӀакъалъулъ мацӀал гьаризе жувани: ‘Дица дой гӀадан ячана, амма гьелда аскӀов вегидал, гьей ясгӀадан ятичӀо’, – янги абун, 15биччанте ясалъул эбел-инсуца гьей ясгӀадан йикӀарайлъи тасдикъ гьабулеб хӀужа босизе шагьаралъул кавабахъе кӀудиял чагӀазухъе. 16Ва биччанте инсуца кӀудиял чагӀазда абизе: Дица дирго яс кьуна гьав чиясе росасе, гьанжейин абуни, гьесие гьей рихун йиго. 17‘Дур яс ясгӀадан йигин абизе бакӀ дида батичӀо’, – янги абун, гьав чияс бугьтанал лъолел руго дир ясалда. Гьале гьей ясгӀадан йикӀарайлъи бихьизабулеб хӀужа.
Цинги шаршав бихьизабе кӀудиял чагӀазда. 18Гьебмехалъ кӀудиял чагӀаз гьев чиясе тамихӀ гьабизе ккола. 19Гьединго гьесухъа гӀакӀа бахъизе ккола – нусго шекел бацӀцӀадаб гӀарцул#22:19 ГӀага-шагарго 1100 гр. – ва гьеб кьезе ккола ясалъул инсуе. Гьев чияс ГӀизраилалъул ясгӀаданалъул рахъалъ квешаб хабар тӀибитӀизабун бугелъул! Гьейги гьесул лъадилъун хутӀила ва гӀумруялъго гьейгун ватӀалъизе гьесие ихтиярги букӀинаро. 20Амма гьесул рагӀи битӀараб батани, гьей ясгӀаданги йикӀун ятичӀони, 21биччанте гьей гӀадан гьелъул инсул минаялъул кавудухъе ячине. Гьений шагьаралъул бихьиназ гьей ганчӀица чӀвазе ккола, ГӀизраилил халкъалда гьоркьоб сурараб иш гьабуралъухъ – жиндирго инсул рокъой йикӀаго саяхъго хьвадаралъухъ. Гьединаб квешлъи нужедаго гьоркьоса тӀагӀинабе!
22Чияр лъадигун цониги чи вегун вукӀаравлъи тӀатани, гьел кӀиялго чӀвазе ккола. Гьединаб квешлъи ГӀизраилалдаса тӀагӀинабе!
23Шагьаралда жаниб пуланав бихьинчиясда чияе абурай яс дандчӀвани ва гьев гьейгун вегани, 24гьел кӀиялго, шагьаралъул кавабахъеги рачун, гьенир ганчӀица чӀвазе ккола: яс – кумекалъе чагӀи ахӀичӀелъухъ, бихьинчиян абуни, жиндирго ракьцоясе абурай ясгӀадан басра гьаюралъухъ. Гьединаб квешлъи нужеда гьоркьоса тӀагӀинабе! 25Пуланав бихьинчияс, авлахъалда дандчӀварай ва чияе абурай ясалда тӀадеги лъугьун, гьей басра гьаюни, гӀицӀго бихьинчи чӀвазе ккола. 26Ясалъе кинабгӀаги тамихӀ гьабуге, щайгурелъул гьелъ щибго хвалие мустахӀикъаб жо гьабичӀелъул. Гьеб буго лъица букӀаниги, тохлъукьего тӀадги речӀчӀун, чи чӀвай гӀадаб жо. 27Авлахъалда йихьарай чияе абурай ясалда тӀаде лъугьидал гьев бихьинчи ва гьей ахӀданиги ахӀдечӀониги (кумек гьарун), гьелъие кумекалъе чи вукӀинчӀелъул.
28Кинав вукӀаниги бихьинчиясда йихьани жеги лъиего абичӀей ясгӀадан, ва гьев гьейгун вегани, ва гьел тӀад ккуни, 29гьес ясалъул инсуе кӀикъоялда анцӀго шекел#22:29 ГӀага-шагарго 550 гр. гӀарцул кьезе ккола, гьейги лъадилъун ячине ккола, гьей басра гьаюралъухъ. ГӀумруялъго гьейгун ватӀалъизе ихтияр гьечӀо гьесул. 30Цониги бихьинчи жиндирго инсул лъадигун вегизе бегьуларо, щайгурелъул гьеб иш эмен инжит гьави ккола.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© Институт перевода Библии, 2005-2023