Къанун 16
16
Песахалъул ва Бугьурго Чадазул байрам
(Тархъ. 12:14-20; Лев. 23:5-8; Тар. 28:16-25)
1Авив моцӀ кӀочонге ва гьеб моцӀалъ нужерго БЕТӀЕРГЬАН Аллагьасе Песахалъул байрам тӀобитӀе, щайгурелъул Авив моцӀалъул сардилъ БЕТӀЕРГЬАН Аллагьас нуж Мисриялдаса къватӀире рачана. 2БЕТӀЕРГЬАН Аллагьасе Песахалъул къурбан хъве БЕТӀЕРГЬАНАС тӀаса бищараб мукъадасаб бакӀалда. 3Песахалъул къояз реччеб жубараб квен кванаге. Анкьго къоялъ гӀицӀго бугьурго чед кванай – гӀазабалъул чед – щайгурелъул Мисриялдаса къватӀиве мун гӀедегӀун вахъине ккедал. Гьедин гьабе нужго Мисриялдаса нахъе араб къо киданиги кӀочон течӀого букӀинелъун. 4Анкьго къоялъ нужер улкаялда кибниги реччеб букӀине бегьуларо. Къаси хъураб къурбаналъул гьанги рогьинегӀан нахъе тоге.
5БЕТӀЕРГЬАН Аллагьас нужее кьураб цониги шагьаралда къурбан хъоге, 6Гьес Жиндицаго тӀаса бищараб Мукъадасаб бакӀалда гурони. ГӀицӀго гьениб хъве Песахалъул къурбан, бакътӀерхьул гӀужалда – мунго Мисриялдаса къватӀиве вахъараб гӀужалда. 7БЕТӀЕРГЬАН Аллагьас тӀаса бищараб бакӀалда белъе ва гьениб кванай къурбаналъул гьан, ва радал рокъове тӀад вусса. 8Анлъго къоялъ бугьурго чед кванай, анкьабилеб къоялъ БЕТӀЕРГЬАН Аллагьасе гӀоло динияб данделъи ахӀе; гьеб къоялъ кинабгӀаги хӀалтӀиги гьабуге.
Анкьазул байрам
(Лев. 23:15-22; Тар. 28:26-31)
9Лъилъари байбихьаралдаса нахъе анкьго анкь рикӀкӀе 10ва БЕТӀЕРГЬАН Аллагьасе гӀоло Анкьазул байрам тӀобитӀе. БЕТӀЕРГЬАН Аллагьас дуе гьарзаго кьураб гӀадин, дуцаги гьеб къоялъ квергӀатӀидго хириял садакъаби гьаре. 11Дурго БЕТӀЕРГЬАН Аллагьас тӀаса бищараб бакӀалда аваданаб квана-гьекъей гӀуцӀе ва риччанте дуда цадахъ рукӀине дур васалги, ясалги, лагъзалги, гъаравашалги, дуда гӀагарлъухъ гӀумру гьабулел левиталги, гьединго нужеда гьоркьоб гӀумру гьабулел апарагзабиги, бесдалзабиги, къоролзабиги. 12Киданиги кӀочонге мунго Мисриялда лагълъун вукӀаравлъи ва гьал къанунал тӀуразаре.
Хъошазул байрам
(Лев. 23:33-43; Тар. 29:12-39)
13Хъошазул байрам тӀобитӀе анкьго къоялъ, гьоцӀиб лалги тӀамун чаналъуб цӀибилги цӀцӀун лъугӀараб мехалъ. 14Аваданаб квана-гьекъей гӀуцӀе гьеб байрамалъул къояз ва дуда цадахъ рукӀине те дур васалги, ясалги, лагъзалги, гъаравашалги, дуда гӀагарлъухъ гӀумру гьабулел левиталги, гьединго нужеда гьоркьоб гӀумру гьабулел апарагзабиги, бесдалзабиги, къоролзабиги. 15БЕТӀЕРГЬАНАС тӀаса бищараб бакӀалда анкьго къоялъ БЕТӀЕРГЬАН Аллагьасе гӀоло байрам тӀобитӀе. БЕТӀЕРГЬАН Аллагьас дуе лъикӀаб бачӀинги кьун, гьабулебщиналда баракатги лъун бугелъул, ракӀ-ракӀалъ вохун аваданго вукӀа.
16ЛъагӀалида жаниб лъабго нухалъ нужер киналго бихьинал рачӀине ккола БЕТӀЕРГЬАН Аллагьасда цере, Гьес тӀаса бищараб бакӀалде: Бугьурго Чадазул байрамкъоялъ, Анкьазул байрамкъоялъ ва Хъошазул байрамкъоялъ. БЕТӀЕРГЬАНАСДА цеве чӀового чи вачӀине бегьуларо! 17Биччанте щивав чияс, жиндирго ресалда рекъон, БЕТӀЕРГЬАН Аллагьас кьураб боцӀи-рикъзиялдаса хирияб садакъа босун бачӀине Мукъадасаб бакӀалде.
ДиванчагӀи
18БЕТӀЕРГЬАН Аллагьас нужее кьурал киналго шагьаразда диванчагӀиги хӀакимзабиги тӀаме. Гьедин гьабе щибаб къавмалда жаниб ва биччанте гьез ритӀухъаб диван гьабизе. 19Диван ракӀбацӀцӀадго гьабе, чи ватӀа гьавуге. Ришват босуге, ришватаз гӀакъилзабиги беццлъизарула, ракӀ бацӀцӀадалги гьерсихъабилъун ккезарула. 20РитӀухълъи цӀуне, гӀицӀго ритӀухълъи, цинги дуеги гӀумру букӀина ва БЕТӀЕРГЬАН Аллагьас дуе кьолеб бугеб ракьалъул хважаинлъунги вахъила.
БатӀиял аллагьзаби
21Дуца БЕТӀЕРГЬАН Аллагьасе базе бугеб къурбан-бакӀалда аскӀоб Ашерал хӀуби чӀоге – кинабгӀаги хӀуби чӀоге, 22мажусиязул мукъадасал ганчӀалги лъоге. Дур БЕТӀЕРГЬАН Аллагьасе рихараб жо буго гьеб.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Къанун 16: АварАК
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© Институт перевода Библии, 2005-2023
Къанун 16
16
Песахалъул ва Бугьурго Чадазул байрам
(Тархъ. 12:14-20; Лев. 23:5-8; Тар. 28:16-25)
1Авив моцӀ кӀочонге ва гьеб моцӀалъ нужерго БЕТӀЕРГЬАН Аллагьасе Песахалъул байрам тӀобитӀе, щайгурелъул Авив моцӀалъул сардилъ БЕТӀЕРГЬАН Аллагьас нуж Мисриялдаса къватӀире рачана. 2БЕТӀЕРГЬАН Аллагьасе Песахалъул къурбан хъве БЕТӀЕРГЬАНАС тӀаса бищараб мукъадасаб бакӀалда. 3Песахалъул къояз реччеб жубараб квен кванаге. Анкьго къоялъ гӀицӀго бугьурго чед кванай – гӀазабалъул чед – щайгурелъул Мисриялдаса къватӀиве мун гӀедегӀун вахъине ккедал. Гьедин гьабе нужго Мисриялдаса нахъе араб къо киданиги кӀочон течӀого букӀинелъун. 4Анкьго къоялъ нужер улкаялда кибниги реччеб букӀине бегьуларо. Къаси хъураб къурбаналъул гьанги рогьинегӀан нахъе тоге.
5БЕТӀЕРГЬАН Аллагьас нужее кьураб цониги шагьаралда къурбан хъоге, 6Гьес Жиндицаго тӀаса бищараб Мукъадасаб бакӀалда гурони. ГӀицӀго гьениб хъве Песахалъул къурбан, бакътӀерхьул гӀужалда – мунго Мисриялдаса къватӀиве вахъараб гӀужалда. 7БЕТӀЕРГЬАН Аллагьас тӀаса бищараб бакӀалда белъе ва гьениб кванай къурбаналъул гьан, ва радал рокъове тӀад вусса. 8Анлъго къоялъ бугьурго чед кванай, анкьабилеб къоялъ БЕТӀЕРГЬАН Аллагьасе гӀоло динияб данделъи ахӀе; гьеб къоялъ кинабгӀаги хӀалтӀиги гьабуге.
Анкьазул байрам
(Лев. 23:15-22; Тар. 28:26-31)
9Лъилъари байбихьаралдаса нахъе анкьго анкь рикӀкӀе 10ва БЕТӀЕРГЬАН Аллагьасе гӀоло Анкьазул байрам тӀобитӀе. БЕТӀЕРГЬАН Аллагьас дуе гьарзаго кьураб гӀадин, дуцаги гьеб къоялъ квергӀатӀидго хириял садакъаби гьаре. 11Дурго БЕТӀЕРГЬАН Аллагьас тӀаса бищараб бакӀалда аваданаб квана-гьекъей гӀуцӀе ва риччанте дуда цадахъ рукӀине дур васалги, ясалги, лагъзалги, гъаравашалги, дуда гӀагарлъухъ гӀумру гьабулел левиталги, гьединго нужеда гьоркьоб гӀумру гьабулел апарагзабиги, бесдалзабиги, къоролзабиги. 12Киданиги кӀочонге мунго Мисриялда лагълъун вукӀаравлъи ва гьал къанунал тӀуразаре.
Хъошазул байрам
(Лев. 23:33-43; Тар. 29:12-39)
13Хъошазул байрам тӀобитӀе анкьго къоялъ, гьоцӀиб лалги тӀамун чаналъуб цӀибилги цӀцӀун лъугӀараб мехалъ. 14Аваданаб квана-гьекъей гӀуцӀе гьеб байрамалъул къояз ва дуда цадахъ рукӀине те дур васалги, ясалги, лагъзалги, гъаравашалги, дуда гӀагарлъухъ гӀумру гьабулел левиталги, гьединго нужеда гьоркьоб гӀумру гьабулел апарагзабиги, бесдалзабиги, къоролзабиги. 15БЕТӀЕРГЬАНАС тӀаса бищараб бакӀалда анкьго къоялъ БЕТӀЕРГЬАН Аллагьасе гӀоло байрам тӀобитӀе. БЕТӀЕРГЬАН Аллагьас дуе лъикӀаб бачӀинги кьун, гьабулебщиналда баракатги лъун бугелъул, ракӀ-ракӀалъ вохун аваданго вукӀа.
16ЛъагӀалида жаниб лъабго нухалъ нужер киналго бихьинал рачӀине ккола БЕТӀЕРГЬАН Аллагьасда цере, Гьес тӀаса бищараб бакӀалде: Бугьурго Чадазул байрамкъоялъ, Анкьазул байрамкъоялъ ва Хъошазул байрамкъоялъ. БЕТӀЕРГЬАНАСДА цеве чӀового чи вачӀине бегьуларо! 17Биччанте щивав чияс, жиндирго ресалда рекъон, БЕТӀЕРГЬАН Аллагьас кьураб боцӀи-рикъзиялдаса хирияб садакъа босун бачӀине Мукъадасаб бакӀалде.
ДиванчагӀи
18БЕТӀЕРГЬАН Аллагьас нужее кьурал киналго шагьаразда диванчагӀиги хӀакимзабиги тӀаме. Гьедин гьабе щибаб къавмалда жаниб ва биччанте гьез ритӀухъаб диван гьабизе. 19Диван ракӀбацӀцӀадго гьабе, чи ватӀа гьавуге. Ришват босуге, ришватаз гӀакъилзабиги беццлъизарула, ракӀ бацӀцӀадалги гьерсихъабилъун ккезарула. 20РитӀухълъи цӀуне, гӀицӀго ритӀухълъи, цинги дуеги гӀумру букӀина ва БЕТӀЕРГЬАН Аллагьас дуе кьолеб бугеб ракьалъул хважаинлъунги вахъила.
БатӀиял аллагьзаби
21Дуца БЕТӀЕРГЬАН Аллагьасе базе бугеб къурбан-бакӀалда аскӀоб Ашерал хӀуби чӀоге – кинабгӀаги хӀуби чӀоге, 22мажусиязул мукъадасал ганчӀалги лъоге. Дур БЕТӀЕРГЬАН Аллагьасе рихараб жо буго гьеб.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© Институт перевода Библии, 2005-2023