रोमियों जाँण-पछ़्याँण
जाँण-पछ़्याँण
रोम के कलीसिया खे यीशू मसीया के चैले संत्त-पौलुस के पत्री का मतल्व थिया, रोम दे कलीसिया शुरू कर्णो खे बाट बाण्णी, जिन्देका पलान संत्त-पौलुस ऐ बंणाऐं थुवा थिया। तेस्का मतल्व थिया, के कुछ बख्तो तोड़ी से तेथै के बिष्वाषी मसीही भाईयों मुँझी किऐं काँम-काज़ करह्, अरह् तैई तिनकी मद्त लई स्पेन तोड़ी मसीही बिश्वाष शा आप्णाँ ज्ञाँन अरह् मसीया लोगो के जीवन मुँझ्षा तिनका बरताव चाल-चलण के बारे दो संम्झाणों खे ऐजी संत्त-पौलुसे पत्री लिखी। ईयों कताब्टी दा आँमों संत्त-पौलुस का समाचार का प्रभू यीशू के मतल्व भेटो। रोम की कलीसिया के लोगो का सु-स्वागत् करणा, अरह् आप्णी प्रार्थनाओं के बारे दो बुल्णों गाशी, संत्त-पौलुस ईयों पत्री के प्रभू यीशू के मतल्व का बिरताँण संम्झाँव: “किन्देंखे के ईयों (खुषख्बरी दा) पंणमिश्वर की धार्मिक्त्ता बिश्वाष शा अरह् बिश्वाष खे पर्गट हों” (रोमियों 1:17) संत्त-पौलुस आगे ऐसी शुरूवात के बारे दो सुओं करियों संम्झाव। के बादी आदमी की गऐर यहूदी, यहूदी अरह् अंण-जाँण गऐर यहूदी गऐर यहूदी दुई, खे पंणमिश्वर की गईलो मेल-झोल कर्णो की जरूरत असो। किन्देंखे के बादे ऐकभाँत्ते पाप के हंकदार असो। परह् प्रभू यीशू मसीया दा बिश्वाष के जाँणें ही लोगो का पंणमिश्वर आरी मेल-झोल हों। तबे संत्त-पौलुस मसीया आरी नुँऐं जीवन का बखाँण करह्, जू पंणमिश्वर आरी नुँऐं ताल-मैल का नंतिजा हों। बिश्वाषी का पंणमिश्वर आरी मेल-झोल हों, अरह् पंणमिश्वर का आत्त्मा पाप अरह् मंऊँत्ती की हंक शे तिनू अजाद करी दियों। भाग 5-8 दो संत्त-पौलुस बिश्वाषियों के जीवन दा पंणमिश्वर के ऋषी-मूसा खे भेटे गुऐं निय्म का मतल्व अरह् पंणमिश्वर की आत्त्मा की शक्त्ति गाशी भे बिचार करह्। तबे प्रभू यीशू के चैले ऐसी सुवालो दे फषो के बादी आदमी की गऐर यहूदी खे पंणमिश्वर का मतल्व दी यहूदी अरह् गऐर यहूदी कैष्णें सही-सही बंईठो। से ऐसी नंतिजे गाशी पंहिचों, के यहूदियों के जाँणें यीशू ना माँन्णों गाशी भी पंणमिश्वर के ईयों पलाँन का ऐक हिस्सा असो, जू सोभी आदमी गऐर यहूदी खे यीशू मसीया दा पंणमिश्वर की कृपा दा लियाणों, खे ऐक पलाँन थिया, अरह् तेस्का बिश्वाष असो, के यहूदी सदा यीशू मान्दें भाज्दी ने। आखरी दो संत्त-पौलुस लिखो के मसीया जीवन केष्णा जीऊँणा पड़ो, प्रभू यीशू के करियों अंण-जाँण आरी पियार का ताल-मैल थंदे रूऐ। से ईनू प्रभू यीशू के चींजो लई पंणमिश्वर की सेवा, राज्य अरह् ओका ओकी खे मसीया का फर्ज, अरह् बिचार के सुवालो के रूप दे लों। से पत्री का खात्मा प्रभू यीशू के समाचारो अरह् पंणमिश्वर की सतुती आरी करह्।
रूप रेखा
शुरूवात अरह् प्रभू यीशू के जाँणें 1:1-17
आदमी खे छुट्कारे की जरूरत 1:18—3:20
छुट्कारे खे पंणमिश्वर के बाट 3:21—4:25
मसीया दा नुवाँ जीवन 5:1—8:39
पंणमिश्वर के हिछ़या इस्राएल खे 9:1—11:36
मसीया चाल-चलण 12:1—15:13
आप्णी ढबे शा धन्यबाद 15:14—16:27
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
रोमियों जाँण-पछ़्याँण: sri
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 2022, Wycliffe Bible Translators, Inc. All rights reserved.