खास-चैले के काँम 4
4
बड़ी खुम्ल़ी के सहाम्णें पतरस अरह् यूहन्ना?
1जबे संत्त-पतरस अरह् संत्त यूहन्ना ऐं लोगों की बैशुमार भीड़ का स्वागत्त करी लुवा थिया, तअ ऐक-दंम याजक लोग, अरह् देऊँठी के जंगवाल़े का मुँखिया; अरह् सदूकी लोग तिन गाशी च़ूटियों पड़े। 2किन्देंखे के से बैजाऐ नीराज थिऐ, के खास-चैले ऐ बादी जंन्त्ता कैई शिक्क्षा देऐ लंऐ थी; अरह् प्रभू यीशू के बारे दो बुलो थियों, के से कैशे दाँई दुज़ाल़िऐ पाछ़ू ऊँबे जीऊँदे हुऐ; तिन्दें का प्रचार करी लुवा थिया। 3संन्ध पड़ी रंऐ थी, ईन्देखे तिनू लोगे ऐं तिनू खास-चैले रात्त भरी बाँनियों कंय्द खाँनें दे ही थुऐ। 4परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी। 5दुज़े देसे यरूशलेम दी हाकमों, अरह् ठंगड़ै बुड़ै-बुजूर्गो, अरह् यहूदी-निय्म के शिक्षा देणों वाल़े लोगो के खुम्ल़ी हऐ। 6महाँ-याजक हन्ना, अरह् कैफा, अरह् यूहन्ना, अरह् सिकन्दर, अरह् जैतोड़े महाँ-याजक के कुड़बै के थिऐ; सेजे बादे यरूशलेम दे कंट्ठै हुऐ। 7तबे: तिन्ऐ संत्त-पतरस, अरह् संत्त-यूहन्ना बीच़ ठाई खह्ड़े करे; अरह् तिन कैई शी ऐशी पुछ़-ताछ़ करी, के “तुऐं लोगे ऐं कियों शक्त्ति शे, अरह् कंस्की नाँव शे ऐजे काँम-काज़ करी थुऐ?” 8तबे: संत्त-पतरस ऐ पबित्र-आत्त्मा शो भरियों तिनखे बुलो, के “जंन्त्ता के हाकमों, अरह् बुड़ै-बुजूर्गों! 9ऐत्त्लो आँमों कैई शी जे ईन्देंखे पुछ़-ताछ़ हंदी लागी, के ऐक लाचार-फालरे का कंल्याँण किया-किया हुवा; अरह् ईन्देंखे के ऐजा आदमी कैशा दाँई चाँग्गा हुवा; 10तअ: तुँऐं बादे लोग अरह् इस्राएल की बादी जंन्त्ता ऐजो जाँणी पाव, के नासरत गाँव के रंहणों वाल़े यीशू मसीया के नाँव शा ऐजा आदमी च़ाँग्गा हंऐयों तुओं लोगो जेष्णा खह्ड़ा असो; जिन खे तुँऐं शुँल़ी-फ़ाँषी दिती थी, अरह् पंण्मिश्वर ऐ तिनू मँरे अँदे मुँझ्शै पाछ़ू ऊँबै जीऊँदे कंरे। 11प्रभू यीशू सेजा ही पात्थर असो, जेसी तुँऐं बास्तिया बाड़ी ऐ बैकार जाँणा;
परह् सेजा ही पाथोर ऐत्त्लों कुँणें का कँडवारा बणी गुवा।
12“कोसी ओकी आदमी के जाँणें मुँक्त्ति ने आथी; किन्देंखे के बादी संईसारी दो, अस्माँनों थाँई; कोसी ओकी आदमी को नाँव ही ने देऐ थंई; जैस्के जाँणें आँमों छ़ूट्कारा-मुँक्त्ति भेटो।” 13जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ। 14परह् जबे चाँग्गा हुवा अँदा आमदी तिन्ऐं आप्णी गईलो आपु खह्ड़ा देखा; तअ तिनके किऐ बुल्णीं ने आई, अरह् ना तिन कैई तबे किऐ बुल्णों का जबाब थी। 15तबे: तिन्ऐ संत्त-पतरस, अरह् संत्त-यूहन्ना खे खुम्ल़ी शो बाईडे ज़ाँणों की अज्ञाँ दित्ती; अरह् ऐजो बुल्दे आपु मुँझी ठाट-बाट करी, के 16“आँमें ईनू आदमी आरी ऐबे का करह्? यरूशलेम दे रंहणों वाल़े बादे लोगो कैई ऐजा पता लागी रूवा थिया, के ईन्ऐ ऐक नोंख्हा-चंम्त्तकार करियों देखाऐ थुवा, जुण्जा आँमों भे माँन्णाँ पड़्दा; 17परह् तबे भे लोगो मुँझी ईयों बातो का जादा प्रचार ने हुवा च़ैई, ईन्देंखे आँमें ईनखे ऐक चिताँव्णीं देऐ दियों, के हेभी शुबो तुऐं ऐसी नाँव शो किऐ ने कर्दी।” 18तबे: तिन्ऐ संत्त-पतरस अरह् संत्त-यूहन्ना खे बंऐदियों बुलो, के तुऐं यीशू के नाँव लंऐयों ना तअ जंन्त्ता कंट्ठी करे; अरह् ना ऐसी नाँम शी किऐ शिक्क्षा दिऐ। 19ईन्दें गाशी संत्त-पतरस अरह् संत्त-यूहन्ना ऐ तिनू लोगो खे जबाब दिता, “तुँऐं ही फंऐस्ला करह्; के ऐजो पंण्मिश्वर के नंजरी दो ठीक हंदो, के आँमें पंण्मिश्वर की ने परह् तुवाँरी बातो माँनों? 20किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।” 21ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ। 22सेजा आदमी जेसी गाशी ऐजा चाँग्गे हंणो का चम्तकार करा गुआ थिया, से च़ाल़ीष सालो शा जादा उमरी का थिया।
बिश्वाषियों की प्रार्थना
23तेथै शे छुट्णों पाछ़ी, जबे खास-चैले संत्त-पतरस अरह् संत्त-यूहन्ना आप्णें लोगो कैई पाछु आऐ; तअ तिन्ऐं आप्णें बादे साथी आरी सेजी बादी बातो आगु बुली, के आँमों खे महाँ-याजकों अरह् बुड़े-बुजूर्गो ऐं का बुलो थुओ; सेजो बादो तिन कैई आगु शुँणाँव। 24ऐजो शुँणियों तिन्ऐं ऐक चींत्त हऐयों पंण्मिश्वर का धन्यबाद करियों बुलो; “हे माँलिक! तुऐं ही अस्माँन। अरह् धर्त्ती, अरह् संमुन्द्रो बंणाऐं; अरह् जुण्जो किऐ तिन्दो असो, सेजो सब-कुछ़ बंणाँऐं थुओ। 25तुँऐं पबित्र-आत्त्मा के जाँणें अमाँरे पुराँणियाँ, अरह् आप्णें सेवक दाऊद के मुँहों शो ऐजो बुलो:
गऐर यहूदी लोग कैई तिन खे निराज हुऐ? अरह् देश-देश के लोगे ऐ, कैई बैकार की बातो सुँचीं लई?
26प्रभू अरह् तिनके मसीया के बिरूध दे धर्ती के राजा खह्ड़े हुऐ; अरह् हाकम लोग साथी कट्ठै हुऐ।
27“सोत्तिखे खास करियों राजा-हेरोदेस अरह् हाकम-पिलातुस ऐं, गऐर यहूदी, अरह् इस्राएल की जंन्त्ता की गईलो, ऐसी नंगर दे तेरे पबित्र सेवक प्रभू यीशू के बिरूध जिनू तुऐं च़ूणीं-छ़ाँटी थुऐ थिऐ, तिनखे तिनू लोगे ऐं कैष्णी चाल चाली। 28किन्देंखे के जुण्जो किऐ आगे ही तेरी शक्त्ति अरह् हिछा के मुँताबिक थियों तेष्णों ही करह्। 29प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव। 30अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।” 31तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।
बिश्वाषी का कंट्ठा जीवन
32बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया। 33खास-चैले बड़ी दीड़-हिमम्त्त शे प्रभू यीशू के हजो दुज़ाल़िऐ ऊबे जीऊँणों की गुवाऐ-शाज़्त्त देंदे रंह् थिऐ; अरह् तिनू सोभी गाशी पंण्मिश्वर के बड़ी कृपा थी। 34तिनू बिश्वाषियों की मँडल़ी दा कुऐ भे गंरीब ने थी: किन्देंखे के जिनू कैई जीम्मी-खैच़, के घरह्-बार थियो; से बादे झुणें तिनू बीकियों धनं राशी, तिनू खास चैले के लात्तो कैई थंऐ दियों थिऐ। 35अरह् जैष्णी कंसी की जरूरत हों थी, तिनखे तिन्दें के मुँताबिक शो से ऐकी नाँमों खे बाँडी दियों थिऐ। 36यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया। 37तैस कैई किऐ जींम्मी थी, जियों जिम्मीं तेने बिकी दिती, अरह् दामों के रूपिऐं लियाऐयों प्रभू यीशू के खास-चैले के लातो गाशी थंऐ दित्ते।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
खास-चैले के काँम 4: sri
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 2022, Wycliffe Bible Translators, Inc. All rights reserved.
खास-चैले के काँम 4
4
बड़ी खुम्ल़ी के सहाम्णें पतरस अरह् यूहन्ना?
1जबे संत्त-पतरस अरह् संत्त यूहन्ना ऐं लोगों की बैशुमार भीड़ का स्वागत्त करी लुवा थिया, तअ ऐक-दंम याजक लोग, अरह् देऊँठी के जंगवाल़े का मुँखिया; अरह् सदूकी लोग तिन गाशी च़ूटियों पड़े। 2किन्देंखे के से बैजाऐ नीराज थिऐ, के खास-चैले ऐ बादी जंन्त्ता कैई शिक्क्षा देऐ लंऐ थी; अरह् प्रभू यीशू के बारे दो बुलो थियों, के से कैशे दाँई दुज़ाल़िऐ पाछ़ू ऊँबे जीऊँदे हुऐ; तिन्दें का प्रचार करी लुवा थिया। 3संन्ध पड़ी रंऐ थी, ईन्देखे तिनू लोगे ऐं तिनू खास-चैले रात्त भरी बाँनियों कंय्द खाँनें दे ही थुऐ। 4परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी। 5दुज़े देसे यरूशलेम दी हाकमों, अरह् ठंगड़ै बुड़ै-बुजूर्गो, अरह् यहूदी-निय्म के शिक्षा देणों वाल़े लोगो के खुम्ल़ी हऐ। 6महाँ-याजक हन्ना, अरह् कैफा, अरह् यूहन्ना, अरह् सिकन्दर, अरह् जैतोड़े महाँ-याजक के कुड़बै के थिऐ; सेजे बादे यरूशलेम दे कंट्ठै हुऐ। 7तबे: तिन्ऐ संत्त-पतरस, अरह् संत्त-यूहन्ना बीच़ ठाई खह्ड़े करे; अरह् तिन कैई शी ऐशी पुछ़-ताछ़ करी, के “तुऐं लोगे ऐं कियों शक्त्ति शे, अरह् कंस्की नाँव शे ऐजे काँम-काज़ करी थुऐ?” 8तबे: संत्त-पतरस ऐ पबित्र-आत्त्मा शो भरियों तिनखे बुलो, के “जंन्त्ता के हाकमों, अरह् बुड़ै-बुजूर्गों! 9ऐत्त्लो आँमों कैई शी जे ईन्देंखे पुछ़-ताछ़ हंदी लागी, के ऐक लाचार-फालरे का कंल्याँण किया-किया हुवा; अरह् ईन्देंखे के ऐजा आदमी कैशा दाँई चाँग्गा हुवा; 10तअ: तुँऐं बादे लोग अरह् इस्राएल की बादी जंन्त्ता ऐजो जाँणी पाव, के नासरत गाँव के रंहणों वाल़े यीशू मसीया के नाँव शा ऐजा आदमी च़ाँग्गा हंऐयों तुओं लोगो जेष्णा खह्ड़ा असो; जिन खे तुँऐं शुँल़ी-फ़ाँषी दिती थी, अरह् पंण्मिश्वर ऐ तिनू मँरे अँदे मुँझ्शै पाछ़ू ऊँबै जीऊँदे कंरे। 11प्रभू यीशू सेजा ही पात्थर असो, जेसी तुँऐं बास्तिया बाड़ी ऐ बैकार जाँणा;
परह् सेजा ही पाथोर ऐत्त्लों कुँणें का कँडवारा बणी गुवा।
12“कोसी ओकी आदमी के जाँणें मुँक्त्ति ने आथी; किन्देंखे के बादी संईसारी दो, अस्माँनों थाँई; कोसी ओकी आदमी को नाँव ही ने देऐ थंई; जैस्के जाँणें आँमों छ़ूट्कारा-मुँक्त्ति भेटो।” 13जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ। 14परह् जबे चाँग्गा हुवा अँदा आमदी तिन्ऐं आप्णी गईलो आपु खह्ड़ा देखा; तअ तिनके किऐ बुल्णीं ने आई, अरह् ना तिन कैई तबे किऐ बुल्णों का जबाब थी। 15तबे: तिन्ऐ संत्त-पतरस, अरह् संत्त-यूहन्ना खे खुम्ल़ी शो बाईडे ज़ाँणों की अज्ञाँ दित्ती; अरह् ऐजो बुल्दे आपु मुँझी ठाट-बाट करी, के 16“आँमें ईनू आदमी आरी ऐबे का करह्? यरूशलेम दे रंहणों वाल़े बादे लोगो कैई ऐजा पता लागी रूवा थिया, के ईन्ऐ ऐक नोंख्हा-चंम्त्तकार करियों देखाऐ थुवा, जुण्जा आँमों भे माँन्णाँ पड़्दा; 17परह् तबे भे लोगो मुँझी ईयों बातो का जादा प्रचार ने हुवा च़ैई, ईन्देंखे आँमें ईनखे ऐक चिताँव्णीं देऐ दियों, के हेभी शुबो तुऐं ऐसी नाँव शो किऐ ने कर्दी।” 18तबे: तिन्ऐ संत्त-पतरस अरह् संत्त-यूहन्ना खे बंऐदियों बुलो, के तुऐं यीशू के नाँव लंऐयों ना तअ जंन्त्ता कंट्ठी करे; अरह् ना ऐसी नाँम शी किऐ शिक्क्षा दिऐ। 19ईन्दें गाशी संत्त-पतरस अरह् संत्त-यूहन्ना ऐ तिनू लोगो खे जबाब दिता, “तुँऐं ही फंऐस्ला करह्; के ऐजो पंण्मिश्वर के नंजरी दो ठीक हंदो, के आँमें पंण्मिश्वर की ने परह् तुवाँरी बातो माँनों? 20किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।” 21ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ। 22सेजा आदमी जेसी गाशी ऐजा चाँग्गे हंणो का चम्तकार करा गुआ थिया, से च़ाल़ीष सालो शा जादा उमरी का थिया।
बिश्वाषियों की प्रार्थना
23तेथै शे छुट्णों पाछ़ी, जबे खास-चैले संत्त-पतरस अरह् संत्त-यूहन्ना आप्णें लोगो कैई पाछु आऐ; तअ तिन्ऐं आप्णें बादे साथी आरी सेजी बादी बातो आगु बुली, के आँमों खे महाँ-याजकों अरह् बुड़े-बुजूर्गो ऐं का बुलो थुओ; सेजो बादो तिन कैई आगु शुँणाँव। 24ऐजो शुँणियों तिन्ऐं ऐक चींत्त हऐयों पंण्मिश्वर का धन्यबाद करियों बुलो; “हे माँलिक! तुऐं ही अस्माँन। अरह् धर्त्ती, अरह् संमुन्द्रो बंणाऐं; अरह् जुण्जो किऐ तिन्दो असो, सेजो सब-कुछ़ बंणाँऐं थुओ। 25तुँऐं पबित्र-आत्त्मा के जाँणें अमाँरे पुराँणियाँ, अरह् आप्णें सेवक दाऊद के मुँहों शो ऐजो बुलो:
गऐर यहूदी लोग कैई तिन खे निराज हुऐ? अरह् देश-देश के लोगे ऐ, कैई बैकार की बातो सुँचीं लई?
26प्रभू अरह् तिनके मसीया के बिरूध दे धर्ती के राजा खह्ड़े हुऐ; अरह् हाकम लोग साथी कट्ठै हुऐ।
27“सोत्तिखे खास करियों राजा-हेरोदेस अरह् हाकम-पिलातुस ऐं, गऐर यहूदी, अरह् इस्राएल की जंन्त्ता की गईलो, ऐसी नंगर दे तेरे पबित्र सेवक प्रभू यीशू के बिरूध जिनू तुऐं च़ूणीं-छ़ाँटी थुऐ थिऐ, तिनखे तिनू लोगे ऐं कैष्णी चाल चाली। 28किन्देंखे के जुण्जो किऐ आगे ही तेरी शक्त्ति अरह् हिछा के मुँताबिक थियों तेष्णों ही करह्। 29प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव। 30अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।” 31तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।
बिश्वाषी का कंट्ठा जीवन
32बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया। 33खास-चैले बड़ी दीड़-हिमम्त्त शे प्रभू यीशू के हजो दुज़ाल़िऐ ऊबे जीऊँणों की गुवाऐ-शाज़्त्त देंदे रंह् थिऐ; अरह् तिनू सोभी गाशी पंण्मिश्वर के बड़ी कृपा थी। 34तिनू बिश्वाषियों की मँडल़ी दा कुऐ भे गंरीब ने थी: किन्देंखे के जिनू कैई जीम्मी-खैच़, के घरह्-बार थियो; से बादे झुणें तिनू बीकियों धनं राशी, तिनू खास चैले के लात्तो कैई थंऐ दियों थिऐ। 35अरह् जैष्णी कंसी की जरूरत हों थी, तिनखे तिन्दें के मुँताबिक शो से ऐकी नाँमों खे बाँडी दियों थिऐ। 36यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया। 37तैस कैई किऐ जींम्मी थी, जियों जिम्मीं तेने बिकी दिती, अरह् दामों के रूपिऐं लियाऐयों प्रभू यीशू के खास-चैले के लातो गाशी थंऐ दित्ते।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 2022, Wycliffe Bible Translators, Inc. All rights reserved.