A-ROMA 8
8
1Kashika uhiso wakuhi niumwe haliapwila kuli waze ali muli Kristu Yesu. 2Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa. 3Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya. 4Hanga ululi wa shimbi ukamanunuke muli yetu, kutushi kwenda nikulita ni musunya, alioze twakwenda nikulita ni Spiritu. 5Mumu waze akulita ni musunya kakunyonga yuma ya musunya; ni waze akulita ni Spiritu kakunyonga yuma ya Spiritu. 6Mumu kunyonga cha musunya, kufwa; alioze kunyonga cha Spiritu, mwono ni uhwimino. 7Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela; 8ni waze ali mu musunya keshi kuhasa kupemena kuli Zambi.
9Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko. 10Kachi Kristu ali muli yenu, mujimba kuunafu mumu ha shili; alioze Spiritu iye mwono mumu ha ululi. 11Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.
12Chocho, mandumbu, kongo tuli nalio, hi ku musunya ko, hanga tukende nikulita ni musunya: 13mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono. 14Mumu eswe akuzeya kuli Spiritu ya Zambi, e ana a Zambi wano. 15Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata. 16Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi. 17Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.
18Mumu nakunyonga ngwami, Lamba lia mwakono kuliatelele kulieseka ni uhenya uze makausolola muli yetu. 19Mumu kutalatala cha yeswe ya hashi kuchakulawoka usolwelo wa ana a Zambi. 20Mumu azeyesele hashi ku yikatalo yamokomoko, hi ni upale waho hene ko, alioze mumu hali yoze wazeyeseleho ha kutalatala, 21hanga hashi hene nawa hakatusuke ku undungo wa kupola ndo ku kutusuka cha uhenya wa ana a Zambi. 22Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila. 23Ni hi chize wika ko, alioze chipwe yetwene nawa, yetu tuli ni mihuko yitangu ya Spiritu, chipwe yetwene twakutwa mikuma muli yetwene, nikulawoka atupwise ana, we ukule wa mijimba yetu. 24Mumu ni kutalatala atulamwinyine; alioze kutalatala chize chakumoneka hi kutalatala ko: mumu iya matalatala chize anamono? 25Alioze kachi twakutalatala chize kutushi kumona, kachi ni uhumikizo twakuchilawoka.
26Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika; 27alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.
28Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi. 29Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji: 30mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.
31Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu? 32Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana? 33Iya masuma mulonga waze hanaatongola Zambi? Ngwetu, Zambi yoze wakusambisa, nyi? 34Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi? 35Iya matuhandununa ku zango lia Kristu? Ngwetu, Luyinda, hanji kupinda, hanji yihungumiona, hanji kapunga, hanji uvu, hanji Utoji, hanji katana, nyi? 36Ngwe chinasonewa ngwo,
Mumu hali yena kakutushiha tangwa lieswe nganganga;
atushinginyekene kupwa ngwe mapanga waze maashiha.
37Ngwetu, Ka, ha yino yuma yeswe twakuhiana kukumba ku tachi ja yoze waazangile. 38Mumu ngunakunuka ngwami, Chipwe kufwa, chipwe mwono, chipwe angelo, chipwe yiyulo, chipwe yuma ya haliapwila, chipwe yuma yize muyizaho, chipwe tachi, 39chipwe usuku kwilu, chipwe usuku kushi, chipwe chuma chikwo chize atangile, nichimwe muchihasa kutuhandununa ku zango lia Zambi lize lili muli Kristu Yesu Mwene wetu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-ROMA 8: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.
A-ROMA 8
8
1Kashika uhiso wakuhi niumwe haliapwila kuli waze ali muli Kristu Yesu. 2Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa. 3Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya. 4Hanga ululi wa shimbi ukamanunuke muli yetu, kutushi kwenda nikulita ni musunya, alioze twakwenda nikulita ni Spiritu. 5Mumu waze akulita ni musunya kakunyonga yuma ya musunya; ni waze akulita ni Spiritu kakunyonga yuma ya Spiritu. 6Mumu kunyonga cha musunya, kufwa; alioze kunyonga cha Spiritu, mwono ni uhwimino. 7Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela; 8ni waze ali mu musunya keshi kuhasa kupemena kuli Zambi.
9Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko. 10Kachi Kristu ali muli yenu, mujimba kuunafu mumu ha shili; alioze Spiritu iye mwono mumu ha ululi. 11Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.
12Chocho, mandumbu, kongo tuli nalio, hi ku musunya ko, hanga tukende nikulita ni musunya: 13mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono. 14Mumu eswe akuzeya kuli Spiritu ya Zambi, e ana a Zambi wano. 15Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata. 16Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi. 17Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.
18Mumu nakunyonga ngwami, Lamba lia mwakono kuliatelele kulieseka ni uhenya uze makausolola muli yetu. 19Mumu kutalatala cha yeswe ya hashi kuchakulawoka usolwelo wa ana a Zambi. 20Mumu azeyesele hashi ku yikatalo yamokomoko, hi ni upale waho hene ko, alioze mumu hali yoze wazeyeseleho ha kutalatala, 21hanga hashi hene nawa hakatusuke ku undungo wa kupola ndo ku kutusuka cha uhenya wa ana a Zambi. 22Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila. 23Ni hi chize wika ko, alioze chipwe yetwene nawa, yetu tuli ni mihuko yitangu ya Spiritu, chipwe yetwene twakutwa mikuma muli yetwene, nikulawoka atupwise ana, we ukule wa mijimba yetu. 24Mumu ni kutalatala atulamwinyine; alioze kutalatala chize chakumoneka hi kutalatala ko: mumu iya matalatala chize anamono? 25Alioze kachi twakutalatala chize kutushi kumona, kachi ni uhumikizo twakuchilawoka.
26Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika; 27alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.
28Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi. 29Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji: 30mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.
31Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu? 32Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana? 33Iya masuma mulonga waze hanaatongola Zambi? Ngwetu, Zambi yoze wakusambisa, nyi? 34Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi? 35Iya matuhandununa ku zango lia Kristu? Ngwetu, Luyinda, hanji kupinda, hanji yihungumiona, hanji kapunga, hanji uvu, hanji Utoji, hanji katana, nyi? 36Ngwe chinasonewa ngwo,
Mumu hali yena kakutushiha tangwa lieswe nganganga;
atushinginyekene kupwa ngwe mapanga waze maashiha.
37Ngwetu, Ka, ha yino yuma yeswe twakuhiana kukumba ku tachi ja yoze waazangile. 38Mumu ngunakunuka ngwami, Chipwe kufwa, chipwe mwono, chipwe angelo, chipwe yiyulo, chipwe yuma ya haliapwila, chipwe yuma yize muyizaho, chipwe tachi, 39chipwe usuku kwilu, chipwe usuku kushi, chipwe chuma chikwo chize atangile, nichimwe muchihasa kutuhandununa ku zango lia Zambi lize lili muli Kristu Yesu Mwene wetu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.