A-ROMA 5
5
1Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu; 2kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi. 3Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona; 4ni kunyongonona kuchakulinga kukola; ni kukola kuchakulinga kutalatala; 5ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.
6Mumu shimbu te kutushi tachi, ha mwaka wa kulita Kristu wafwilile yitanganyanyi. 7Mumu chikalu umwe mafwila mukwa ululi: hindu hanji umwe mahamuka kufwila mutu mupema. 8Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile. 9Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu. 10Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi; 11hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.
12Kashika, chizechene ngwe kuli mutu umuwika shili yanjilile hano hashi, ni ku shili kufwa chanjilile; chocho kufwa chahetele kuli atu eswe, mumu te eswe avulumwine: 13mumu ndo ku shimbi shili yapwile hano hashi; alioze keshi kwalula shili kuze shimbi yakuhi. 14Hindu kufwa chayulile, chize kuli Alama ndo kuli Mose, chipwe hali waze kavulumwineko nikulita ni kulifwa cha Utanguko wa Alama, mwenawo Chizulie cha yoze meza.
15Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji. 16Chikwo nawa, che chawana kuchapwile ngwe chize chejile ku kuvulumuna cha mutu umuwika. Mumu upatwilo wejile kuli umuwika nikuneha uhiso, alioze chawana cha vumbi chejile ku milonga yinji nikuneha usambiso. 17Mumu kachi ku mulonga wa mutu umuwika, kufwa chayulile mumu hali umuwika; Shinaho chikolo waze akutambula kulumbama cha vumbi ni chawana cha ululi mayula mu mwono mumu hali umuwika, te Yesu Kristu.
18Chocho chizechene ngwe ku mulonga umuwika, upatwilo wejile hali atu eswe nikuneha uhiso: chocho nawa ku chilinga chimuwika cha ululi, chawana chejile kuli atu eswe nikuneha usambiso wa mwono. 19Mumu chizechene ngwe ku uhulia wa mutu umuwika anji aapwishile yivulumunyi, chocho nawa ku kwononoka cha mutu umuwika anji kumaapwisa akwa ululi. 20Achi, shimbi yanjilile hanga mulonga ukalumbame, alioze kuze shili yalumbamine, vumbi lialumbamine kuhiana chikolo. 21Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-ROMA 5: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.
A-ROMA 5
5
1Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu; 2kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi. 3Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona; 4ni kunyongonona kuchakulinga kukola; ni kukola kuchakulinga kutalatala; 5ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.
6Mumu shimbu te kutushi tachi, ha mwaka wa kulita Kristu wafwilile yitanganyanyi. 7Mumu chikalu umwe mafwila mukwa ululi: hindu hanji umwe mahamuka kufwila mutu mupema. 8Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile. 9Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu. 10Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi; 11hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.
12Kashika, chizechene ngwe kuli mutu umuwika shili yanjilile hano hashi, ni ku shili kufwa chanjilile; chocho kufwa chahetele kuli atu eswe, mumu te eswe avulumwine: 13mumu ndo ku shimbi shili yapwile hano hashi; alioze keshi kwalula shili kuze shimbi yakuhi. 14Hindu kufwa chayulile, chize kuli Alama ndo kuli Mose, chipwe hali waze kavulumwineko nikulita ni kulifwa cha Utanguko wa Alama, mwenawo Chizulie cha yoze meza.
15Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji. 16Chikwo nawa, che chawana kuchapwile ngwe chize chejile ku kuvulumuna cha mutu umuwika. Mumu upatwilo wejile kuli umuwika nikuneha uhiso, alioze chawana cha vumbi chejile ku milonga yinji nikuneha usambiso. 17Mumu kachi ku mulonga wa mutu umuwika, kufwa chayulile mumu hali umuwika; Shinaho chikolo waze akutambula kulumbama cha vumbi ni chawana cha ululi mayula mu mwono mumu hali umuwika, te Yesu Kristu.
18Chocho chizechene ngwe ku mulonga umuwika, upatwilo wejile hali atu eswe nikuneha uhiso: chocho nawa ku chilinga chimuwika cha ululi, chawana chejile kuli atu eswe nikuneha usambiso wa mwono. 19Mumu chizechene ngwe ku uhulia wa mutu umuwika anji aapwishile yivulumunyi, chocho nawa ku kwononoka cha mutu umuwika anji kumaapwisa akwa ululi. 20Achi, shimbi yanjilile hanga mulonga ukalumbame, alioze kuze shili yalumbamine, vumbi lialumbamine kuhiana chikolo. 21Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.