A-ROMA 12
12
1Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana. 2Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.
3Mumu ku vumbi lize anguhele, ngunambe kuli mutu ni mutu hakachi kenu ngwami, Kanda alinyonga kuhiana chize chamutamba kunyonga; alioze akanyonge ni mana; ngwe Zambi hanapangila kuli mutu ni mutu njongo yenyi ya Ufulielo. 4Mumu ngwe tuli ni yihanda yinji mu mujimba umuwika, ni yihanda yeswe kuyishi mulimo umuwika; 5chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo. 6Mba se tuli ni yawana ya vumbi yeka ni yeka nikulita ni vumbi lize hanatwehe, chipwe uprofetezo, tuprofetezenu nikulita ni njongo ya Ufulielo wetu; 7hanji uvumbiko, tuvumbikenu; hanji yoze wakulongesa, akalongese; 8hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.
9Zango likapwe kulishi ulembekese. Ivwenu lwaji ha ungulungulu; lalaminyenu ku yipema. 10Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo. 11Ha kulipupwisa, kanda nulengama; lishinjilenu mu Spiritu jenu kulingila Mwene. 12Ha kutalatala, nukawahilile; ha luyinda, nukanyongonone; ha kulemba, nukalikoleze. 13Nukalianyine ku kuhona cha asandu, nukalitumbikile ku kuzumbula ngeji.
14Wahisenu waze akunuhungumiona, wahisenu, kanda nushingana. 15Wahililenu hamwe ni waze akuwahilila; lilenu hamwe ni waze akulila. 16Pwenu ni kunyonga chimuwika umwe kuli mukwo ni mukwo. Kanda nunyonga yuma ya kulengumuka, alioze lifutulenu ni waze akulikehesa; kanda nukanyama ni kutaka cha yenwene. 17Kanda nufwetesa niumwe yipi ha yipi. Fupenu yuma yilemu kumeso ja atu eswe. 18Kachi muchihasa kupwa, nikulita ni tachi jenu, pwenu ni sambukila kuli atu eswe. 19Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene. 20Alioze kachi mukwa kole ye mevwa zala, mulise; kachi mevwa pwila, munwise; mumu ha kulinga chocho, mukalunjika makala a kahia ha mutwe wenyi. 21Kanda anukumba ku yipi, alioze kumbenu yipi ha kulinga yipema.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-ROMA 12: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.
A-ROMA 12
12
1Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana. 2Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.
3Mumu ku vumbi lize anguhele, ngunambe kuli mutu ni mutu hakachi kenu ngwami, Kanda alinyonga kuhiana chize chamutamba kunyonga; alioze akanyonge ni mana; ngwe Zambi hanapangila kuli mutu ni mutu njongo yenyi ya Ufulielo. 4Mumu ngwe tuli ni yihanda yinji mu mujimba umuwika, ni yihanda yeswe kuyishi mulimo umuwika; 5chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo. 6Mba se tuli ni yawana ya vumbi yeka ni yeka nikulita ni vumbi lize hanatwehe, chipwe uprofetezo, tuprofetezenu nikulita ni njongo ya Ufulielo wetu; 7hanji uvumbiko, tuvumbikenu; hanji yoze wakulongesa, akalongese; 8hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.
9Zango likapwe kulishi ulembekese. Ivwenu lwaji ha ungulungulu; lalaminyenu ku yipema. 10Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo. 11Ha kulipupwisa, kanda nulengama; lishinjilenu mu Spiritu jenu kulingila Mwene. 12Ha kutalatala, nukawahilile; ha luyinda, nukanyongonone; ha kulemba, nukalikoleze. 13Nukalianyine ku kuhona cha asandu, nukalitumbikile ku kuzumbula ngeji.
14Wahisenu waze akunuhungumiona, wahisenu, kanda nushingana. 15Wahililenu hamwe ni waze akuwahilila; lilenu hamwe ni waze akulila. 16Pwenu ni kunyonga chimuwika umwe kuli mukwo ni mukwo. Kanda nunyonga yuma ya kulengumuka, alioze lifutulenu ni waze akulikehesa; kanda nukanyama ni kutaka cha yenwene. 17Kanda nufwetesa niumwe yipi ha yipi. Fupenu yuma yilemu kumeso ja atu eswe. 18Kachi muchihasa kupwa, nikulita ni tachi jenu, pwenu ni sambukila kuli atu eswe. 19Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene. 20Alioze kachi mukwa kole ye mevwa zala, mulise; kachi mevwa pwila, munwise; mumu ha kulinga chocho, mukalunjika makala a kahia ha mutwe wenyi. 21Kanda anukumba ku yipi, alioze kumbenu yipi ha kulinga yipema.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.