A-ROMA 10
10
1Mandumbu, che kuzanga cha mbunge yami, ni kuliumba chami kuli Zambi hali ayo, hanga akaalamwine. 2Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko. 3Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi. 4Mumu Kristu iye we umanunwino wa shimbi ha ululi kuli mweswe mafuliela.
5Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo. 6Alioze ululi uze wa ku Ufulielo unambe ngwe chino ngwo, Kanda wamba mu mbunge ye ngwe, Iya mazezuka mwilu? Te akahulumune Kristu. 7Hanji iya mahulumuka ku jondo? Te akazezwise Kristu hakachi ka afu. 8Alioze kuchi unambe ngwo? Liji lili hehi ni yena, mu kanwa lie, ni mu mbunge ye: te liji lia Ufulielo lize twakwambujola: 9ngwo, Kachi ni kanwa lie mutayiza Mwene Yesu, nyi kachi mufuliela mu mbunge ye ngwe Zambi wamuhindwishile hakachi ka afu, makakulamwina: 10mumu ni mbunge mutu mafuliela akatambule ululi; mba ni kanwa matayiza akatambule ulamwino. 11Mumu chisoneko chinambe ngwo, Mweswawo mamufuliela, kechi kevwa sonyi. 12Mumu kulipwila chakuhi mukachi ka A-Yunda ni A-Ngresia, nichimwe: mumu Mwene-umuwika, mwe Mwene wa eswe, kakuyukisa waze eswe akutambika kuli iye: 13mumu mweswawo matambika ha jina lia Mwene, kumakamulamwina.
14Mba ngwe kuchi makatambika kuli yoze kamufulieleleko? Ngwe kuchi makafuliela yoze kamuvwilile liji? Ngwe kuchi makevwa shina ni mukwa kwambujola? 15Ngwe kuchi makambujola shina matumiwa? Nikulita ngwe chinasonewa ngwo, Cho kupema cha molu ja waze akwambujola sango lipema! 16Alioze kononokene eswe ku sango lipema. Mumu Izaia kanambe ngwenyi, Iya hanafuliela sango lietu? 17Chocho Ufulielo unakatuka ha kwivwa sango, ni sango Unakatuka ku liji lia Kristu.
18Alioze ngunambe ngwami, Kevwileko, nyi? Chamwenemwene ngwo,
Liji liayo liatuhukile hashi heswe,
ni maliji jo ndo ku masongo ja yifuchi yeswe ya hashi.
19Alioze ngunambe ngwami, A-Izalele kanyingikineko, nyi? Hatangu, Mose kanambe ngwenyi,
Kumungukanwihia ku ukwa ni waze hi vungu ko,
ni vungu kulishi malinjekela mungukanutenwisa.
20Mba Izaia kanahamuka chikolo, kanambe ngwenyi,
Anguwanyine kuli waze kangufupileko;
angusolwele pundu kuli waze kahulileko ha kutwala kuli yami.
21Alioze hali A-Izalele kanambe ngwenyi,
Tangwalieswe nganganga nolwele moko jami kuli atu ja uhulia, a kuhamika.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-ROMA 10: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.
A-ROMA 10
10
1Mandumbu, che kuzanga cha mbunge yami, ni kuliumba chami kuli Zambi hali ayo, hanga akaalamwine. 2Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko. 3Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi. 4Mumu Kristu iye we umanunwino wa shimbi ha ululi kuli mweswe mafuliela.
5Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo. 6Alioze ululi uze wa ku Ufulielo unambe ngwe chino ngwo, Kanda wamba mu mbunge ye ngwe, Iya mazezuka mwilu? Te akahulumune Kristu. 7Hanji iya mahulumuka ku jondo? Te akazezwise Kristu hakachi ka afu. 8Alioze kuchi unambe ngwo? Liji lili hehi ni yena, mu kanwa lie, ni mu mbunge ye: te liji lia Ufulielo lize twakwambujola: 9ngwo, Kachi ni kanwa lie mutayiza Mwene Yesu, nyi kachi mufuliela mu mbunge ye ngwe Zambi wamuhindwishile hakachi ka afu, makakulamwina: 10mumu ni mbunge mutu mafuliela akatambule ululi; mba ni kanwa matayiza akatambule ulamwino. 11Mumu chisoneko chinambe ngwo, Mweswawo mamufuliela, kechi kevwa sonyi. 12Mumu kulipwila chakuhi mukachi ka A-Yunda ni A-Ngresia, nichimwe: mumu Mwene-umuwika, mwe Mwene wa eswe, kakuyukisa waze eswe akutambika kuli iye: 13mumu mweswawo matambika ha jina lia Mwene, kumakamulamwina.
14Mba ngwe kuchi makatambika kuli yoze kamufulieleleko? Ngwe kuchi makafuliela yoze kamuvwilile liji? Ngwe kuchi makevwa shina ni mukwa kwambujola? 15Ngwe kuchi makambujola shina matumiwa? Nikulita ngwe chinasonewa ngwo, Cho kupema cha molu ja waze akwambujola sango lipema! 16Alioze kononokene eswe ku sango lipema. Mumu Izaia kanambe ngwenyi, Iya hanafuliela sango lietu? 17Chocho Ufulielo unakatuka ha kwivwa sango, ni sango Unakatuka ku liji lia Kristu.
18Alioze ngunambe ngwami, Kevwileko, nyi? Chamwenemwene ngwo,
Liji liayo liatuhukile hashi heswe,
ni maliji jo ndo ku masongo ja yifuchi yeswe ya hashi.
19Alioze ngunambe ngwami, A-Izalele kanyingikineko, nyi? Hatangu, Mose kanambe ngwenyi,
Kumungukanwihia ku ukwa ni waze hi vungu ko,
ni vungu kulishi malinjekela mungukanutenwisa.
20Mba Izaia kanahamuka chikolo, kanambe ngwenyi,
Anguwanyine kuli waze kangufupileko;
angusolwele pundu kuli waze kahulileko ha kutwala kuli yami.
21Alioze hali A-Izalele kanambe ngwenyi,
Tangwalieswe nganganga nolwele moko jami kuli atu ja uhulia, a kuhamika.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.